අගුණකොළපැලැස්ස බන්ධනාගාර නියාමකවරුන් දෙදෙනෙකුගේ වැඩ තහනම්

අධිකරණයෙන් රක්ෂිත බන්ධනාගාර ගත කළ සැකකරුවන් දෙදෙනකුට පහරදුන් බව කියන සිද්ධියට අදාළ අගුණකොළපැලැස්ස බන්ධනාගාර නියාමකවරුන් දෙදෙනා වහාම ක්‍රියාත්මක වන පරිදි වැඩ තහනම් කළ බව බන්ධනාගාර කොමසාරිස් (පාලන) මාධ්‍ය ප්‍රකාශක චන්දන ඒකනායක මහතා පවසයි.

රක්ෂිත බන්ධනාගාර ගත කළ අගුණකොළපැලැස්ස ප්‍රාදේශීය සභා මන්ත්‍රි අමිල කුමාරසිංහ මහතාට සහ ඔහුගේ ඥාති සහෝදරයකු වන දුලන්ත රාජපක්ෂ යන අයට බන්ධනාගාරය තුළදී අමානුෂික ලෙස පහරදී තුවාල සිදුකළැයි කියන සිද්ධියකට අදාළව විනය පරීක්ෂණයකට යත්ව මෙම නියාමකවරුන් දෙදෙනාගේ වැඩ තහනම් කළ බව ද මාධ්‍ය ප්‍රකාශකවරයා සදහන් කරයි.