අකුණු සැර වැදී එකම පවුලේ සොහොයුරන් තිදෙනෙක් රෝහලට

මුලතිව් පුදුකුඩිඉරිප්පු ප්‍රදේශයේදී නිවසකට අකුණුසැර වැදීමක් හේතුවෙන් නිවසේ සිටි එකම පවුලේ සොහොයුරන් තිදෙනෙකු බරපතල තත්වයෙන් රෝහල්ගත කොට ඇතැයි පුදුකුඩිඉරිප්පු පොලීසිය පවසයි.

අදාල නිවසේ මව හා පියා නොමැති අවස්ථාවක මෙම අනතුර සිදුව තිබේ.

අකුණුසැර වැදීමෙන් නිවසේ තිබූ විදුලිඋපකරණවලටද හානි සිදුව ඇත.

අකුණුසැර වැදී අනතුරට ලක් වීමෙන් පසුව මෙම සොයුරන් තිදෙනා කෑගැසීමෙන් අසල්වැසියන් විසින් එම අවස්ථාවේදීම පුදුකුඩිඉරිප්පු රෝහලට රැගෙන ගොස් ඇත.

මෙලෙස අකුණුසැර වැදීමෙන් රෝහල්ගත කොට ඇත්තේ පුදුකුඩිඉරිප්පු උදයාර්කට්ටු ප්‍රදේශයේ පදිංචි අවුරුදු 26,19 සහ 16 යන සොහොයුරන් තිදෙනෙකි.

The post අකුණු සැර වැදී එකම පවුලේ සොහොයුරන් තිදෙනෙක් රෝහලට appeared first on Colombo Today.