Xiteb (පෞද්) සමාගමේ ප්රධාන විධායක නිලධාරී සහ xCommerz නිර්මාතෘ ආචාර්ය ධනේෂ් ආර්. ජයතිලක මහතාගේ දැක්ම හා මතය පරිදි විද්යුත් වාණිජ ක්ෂේත්රය නිරන්තර අභියෝග මධ්යයේ සංවර්ධනය වෙමින් පවතින රටවල ආර්ථික වර්ධනය ඉහළ නැංවීම සඳහා මහඟු දායකත්වයක් සපයයි. මෙම ක්ෂේත්රය සතු විභවවලින් උපරිම ඵල නෙලා ගනිමින් තිරසාර ආර්ථික සංවර්ධනයක් අත් කර ගැනීමට නම් තොරතුරු තාක්ෂණික පහසුකම් වැඩි දියුණු කිරීම, ඩිජිටල් සාක්ෂරතාව ඉහළ නැංවීම සහ විද්යුත් වාණිජ ක්ෂේත්රය කෙරෙහි පාරිභෝගික විශ්වාසය ගොඩ නැගීම හා තහවුරු කිරීම අත්යවශ්ය වේ. එබැවින් x Commerz සමඟ එක් වී සිය ව්යාපාර දේශීය මෙන්ම අන්තර්ජාතික වෙළෙඳපොළ තුළ නව මානයක් කරා රැගෙන යාමට ලාංකීය ව්යවසායකයන්ට ඒ මහතා ඇරැයුම් කළේය. තවද x Commerz සමඟ එක් වීම තුළින් ආර්ථික වශයෙන් අස්ථායී කුමන කාල වකවානුවක වුවද උපරිම අලෙවි ධාරිතාවක් තම භාණ්ඩ හා සේවා සඳහා ළඟා කර ගනිමින් ජාතික ආර්ථිකයේ වර්ධනයට දායක වීමට ව්යවසායකයන්ට හැකියාව නිසැකයෙන්ම ලැබෙන බවද ඒ මහතා ප්රකාශ කළේය.
එමෙන්ම වත්මන් ආර්ථික තත්ත්වය තුළ දියුණුව කරා ගමන් කරන ව්යවසායකයන්ගේ අභිවෘද්ධිය සඳහා නව ඊ-වාණිජ වෙබ් අඩවි විසඳුම් සදහා යොමු වීම අත්යවශ්ය කරුණක් බව ඒ මහතා අවධාරණය කළේය. අවම පහසුකම් යටතේ වුවද සංවර්ධනය වෙමින් පවතින රටවල අලෙවි ධාරිතාව ඉහළ නැංවීම සඳහා විද්යුත් වාණිජ ක්ෂේත්රය සැළකිය යුතු දායකත්වයක් දක්වන බව ගෝලීය මට්ටමෙන් සිදු කරන ලද පර්යේෂණවලින් අනාවරණය වන බව ඔහු ප්රකාශ කළේය. පුළුල් පරාසයක විහිදුණු පරිශීලක ජාලයක් කරා පහසුවෙන් ළඟා වීමට ඇති හැකියාව, සාම්ප්රදායික භෞතික අලෙවිසැලක් නඩත්තු කිරීමට තරම් පිරිවැයක් (බදු මුදල් හා වැටුප් වැනි දෑ) වැය නොවීම, ඉහළ තරගකාරී බව, නව රැකියා අවස්ථා උත්පාදනය සහ අවම අපනයන බදු ආදායම් වැනි වාසි රැසක් ලාංකීය ව්යවසායකයන්ට විද්යුත් වාණිජ ක්ෂේත්රය වෙත අවතීර්ණ වීමෙන් ලැබිය හැකි බව ජයතිලක මහතා සඳහන් කළේය. රාජ්ය බදු ආදායම ඉහළ නැංවීමට උපකාර වන මාර්ගගත ගෙවීම් සහ ඩිජිටල් මුදල් ඒකක භාවිතා කිරීමට හැකි වීම මෙහි ඇති තවත් එක් විශේෂත්වයක් බව ඔහු පෙන්වා දුන්නේය.
සංවර්ධනය වෙමින් පවතින රටවල මාර්ගගත අලෙවි ආදායම 2025 වන විට අමෙරිකානු ඩොලර් ට්රිලියන එක දක්වා (සමස්ත ගෝලීය ආර්ථික වර්ධනයෙන් හරි අඩක්) ඉහළ යනු ඇතැයි මේ වන විට ගණන් බලා තිබෙන බවද, ෆෝබ්ස් සඟරාවට අනුව ගෝලීය මාර්ගගත අලෙවි ආදායම 2026 වන විට ඩොලර් ට්රිලියන 8.1 දක්වා ඉහළ යනු ඇති බවද, 2025 වසර තුළ සංවර්ධනය වෙමින් පවතින රටවල ජංගම අන්තර්ජාල පහසුකම් භාවිතා කරන පුද්ගලයන් සංඛ්යාව බිලියන 2.3ක් දක්වා ඉහළ යනු ඇති බවද, එය විද්යුත් වාණිජ ක්ෂේත්රයේ දියුණුවට බලපාන සාධකයක් බවද ඔහු සදහන් කළේය. සංවර්ධනය වෙමින් පවතින රටවල ක්ෂුද්ර, සුළු සහ මධ්යම පරිමාණ ව්යවසායන්ගෙන් 46%ක් විද්යුත් වාණිජ වේදිකා භාවිතා කරන අතර සංවර්ධිත රටවල එම ප්රතිශතය 30%ක් බව ඔහු අවධාරණය කළේය. විද්යුත් වාණිජකරණය හරහා අලෙවිකරණ සහ බෙදා හැරීමේ වියදම් 20%ක පමණ අගයකින් ඉතිරි කර ගත හැකි බවද, එය 25%කින් ව්යාපාරවල ආදායම් ඉහළ නංවන බව, 2025 වන විට විද්යුත් වාණිජ වේදිකා සංවර්ධනය වෙමින් පවතින රටවල දළ දේශීය නිෂ්පාදනයට 5%ක දායකත්වයක් දක්වනු ඇති බවද, 2030 වන විට ඒ හරහා නව රැකියා අවස්ථා මිලියන 20ක් පමණ නිර්මාණය වන බවද සමීක්ෂණවලින් හෙළි වී තිබේ. අවසාන වශයෙන් ඔහු ප්රකාශ කර සිටියේ රජයේ දිරිගැන්වීම් මෙවන් ආර්ථික සංවර්ධන ක්රියාවලට අත්යවශ්ය බවත් ඒ සඳහා ඔවුන්ගේ අවධානය යොමු වීම අත්යවශ්ය කරුණක් බවත්ය.
The post xCommerz™ සමඟ දේශීය ආර්ථිකය නගාසිටුවීමට ලාංකික ව්යවසායකයන්ට අනගි අවස්ථාවක් appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka