Uber සහ Eber Eats – 2020 වසර පිළිබඳ කෙටි සමාලෝචනයක්

Uber සමාගම වාර්ෂිකව නිකුත් කරන සමාලෝචනයේ 2020 අදියර ‘“A Look Back at 2020: Year in Review”  නමින් පසුගියදා එළිදක්වන ලදි. මෙම වාර්තාව, ඇඳිරි නීතිය පැවති කාලයේදී ශ්‍රී ලාංකිකයන් ආහාරපාන සපයාගත් ආකාරය සහ, ඇඳිරි නීතිය ලිහිල් කිරීමෙන් අනතුරුව නැවතත් ක්‍රමානුකූලව ගමන් බිමන් යාම ආරම්භ කළ ආකාරය සම්බන්ධයෙන් පැහැදිලි අදහසක් ලබාදෙයි. අභ්‍යන්තර තොරතුරු හා දත්ත පදනම් කරගෙන පිළියෙල කර ඇති මෙම වාර්තාව මගින්, Uber App සහ Uber සේවා සම්බන්ධතා ජාලය ඵලදායී ලෙස භාවිතා කරමින් ජනතාවට අත්‍යවශ්‍ය වූ ගමනාගමන හා ප්‍රවාහන විසඳුම් සැපයීමට Uber සමත් වූ ආකාරය පෙන්වා දී ඇත. අදාළ කාලය තුළ ඉදිරිපෙළ සේවා සපයන්නන්ට ප්‍රවාහන පහසුකම් සැපයීමට Uber කටයුතු කළ අතර, ආහාරපාන අවශ්‍ය වූ ජනතාව වෙත ඒවා සැපයීමට Uber Eats පියවර ගත්තේ ය. එමෙන්ම රියදුරන්ට හා ප්‍රවාහන සේවා හවුල්කරුවන්ට ආදායමක් උපයා ගැනීම සඳහාද අවස්ථා සලසා දෙන ලදි.

 

සංඛ්‍යාත්මක වශයෙන්:

මිලියන 10 ක්: Uber විසින් ලොව පුරා සෞඛ්‍ය සේවකයන්, ජ්‍යෙෂ්ඨ පුරවැසියන් සහ අනෙකුත් පුද්ගලයන් වෙත නොමිලේ ප්‍රවාහන පහසුකම් සහ ආහාරපාන ගෙනැවිත් භාරදීමේ සේවාවන් සපයන ලදි. ශ්‍රී ලංකාවේදී ඉදිරිපෙළ සෞඛ්‍ය සේවක සේවිකාවන් සඳහා ඔවුන්ගේ නිවෙස් වල සහ රෝහල් වල සිට ප්‍රවාහ පහසුකම් සපයන ලද අතර, ‘UberMedic‘ ලෙස නම්කරන ලද මෙම සේවාව යටතේ රු. මිලියන 8.5 කට අධික වටිනාකමකින් යුත් ප්‍රවාහන පහසුකම් නොමිලයේ ලබාදීම සිදුවිය. මීට අමතරව, රජය සමග එක්වී, විවිධ ප්‍රදේශ වල දුෂ්කරතාවන්ට මුහුණ පා සිටින ජනතාව අතර රු. මිලියන 8.5 ක වටිනාකමකින් යුත් වියළි ආහාර බෙදාදෙන ලදි.

ඩොලර් මිලියන 50 ක්: ලොව පුරා රියදුරන් වෙනුවෙන් සෞඛ්‍ය හා සුරක්ෂිතතා උපාංග මිලදී ගැනීම සඳහා ඇමරිකානු ඩොලර් මිලියන 50 ක් වෙන්කරන ලදි. ශ්‍රී ලංකාව තුළද රියදුරන්ට මුහුණු ආවරණ, පවිත්‍රකාරක සහ විෂබීජ නාශක ඇතුළත් පුද්ගල ආරක්ෂණ කට්ටල ලබාදීම සඳහා රු. මිලියන 17.4 ක මුදලක් වැයකෙරිණි.

අලෙවිසැල් 400 ක්: ඇඳිරි නීතිය පැවති කාලසීමාව තුළ සියලුම ආපන ශාලා සහ වෙළඳසැල් තාවකාලිකව වසා දැමීම හේතුවෙන්, ශ්‍රී ලාංකිකයන්ගේ එදිනෙදා භාණ්ඩ අවශ්‍යතාවන් සපුරාලීම සඳහා සුපිරි වෙළඳසැල් සහ කුඩා පරිමාණ ස්වාධීන වෙළඳසැල් රාශියක් සමග අත්වැල් බැඳගැනීමට Uber කටයුතු කළේ ය. ඒ අනුව එදිනෙදා භාණ්ඩ පාරිභෝගිකයන් වෙත ගෙනගොස් භාරදීමේ සේවාවක් ආරම්භ කරන ලද අතර මේ වනවිට අලෙවිසැල් 400 කට අධික සංඛ්‍යාවක් Uber සමග එක්වී සිටී.

රු. මිලියන 24 ක සන්තෝසම් මුදල්: දැඩි දුෂ්කරතා හමුවේ පවා ශ්‍රී ලාංකිකයන් තම කෘතඥතාව මැනවින් පෙන්නුම් කළ අතර, Uber App හි නව ‘Tipping’ ක්‍රමය භාවිතා කරමින් ඩිලිවරි සේවා හවුල්කරුවන් වෙත නොමසුරුව සන්තෝසම් මුදල් ලබාදීමට ඔවුහු කටයුතු කළහ. එහි එකතුව රු. මිලියන 24 කට අධික වූ අතර ඒ මුදල් සියල්ල අදාළ හවුල්කරුවන් වෙත ලබාදෙන ලදි.

වායු විමෝචනය 0: ජනතාව නව ජීවන රටාවකට හුරුවෙමින් සිටින මේ මොහොතේ ‘නගර පෙරටත් වඩා යහපත් කිරීමේ’ මෙහෙවරට දායක වීමට Uber අපේක්ෂා කරන අතර, 2040 වසර වන විට අහිතකර වායු විමෝචනය මුළුමනින් නැවැත්වීමේ ප්‍රතිඥාවක්ද ලබාදී තිබේ.

 

ආහාරපාන සම්බන්ධ ප්‍රවණතා

දිනය සහ වේලාව: ආහාරපාන ගෙන්වා ගැනීම වැඩියෙන්ම සිදුවී ඇති දිනය බ්‍රහස්පතින්දා වන අතර, ඒ සඳහා දවසේ ප්‍රියතම කාලය ලෙස වාර්තා වන්නේ මධ්‍යහ්න වෙලාවයි.

නිරෝධායනයේදීත් සෙවූ රසය: නිරෝධායන කාලසීමාවේදීද පාරිභෝගිකයෝ තමන් කැමතිම ආකාරයට ආහාරපාන ඉල්ලා සිටියහ. ‘Extra sauce’ යන්න ඒ අතරින් ජනප්‍රියම ඉල්ලීම විය. කෙසේ වුවද ආහාර වල ප්‍රමාණයන් සම්බන්ධයෙන් ඔවුන් දක්වන උනන්දුව අඩු වී ඇති බවක් පෙනී ගිය අතර, “both leg pieces” සඳහා වූ ඉල්ලුම සැලකිය යුතු ලෙස පහළ ගොස් තිබිණි.

සංචාරයට අලුත් ක්‍රමයක්: 2020 වසරේදී සාමාන්‍ය ක්‍රමයට විදේශ සංචාරයන්හි යෙදීම දුෂ්කර වූ නිසා පාරිභෝගිකයන් ආහාරපාන වලින් ලෝකය අත්දකින්නට තීරණය කළ බව පෙනී යයි. ඉන්දියානු ආහාරපාන, ඇමරිකානු ආහාරපාන සහ චීන ආහාරපාන ශ්‍රී ලාංකිකයන් අතර ජනප්‍රියම ආහාරාපාන සම්ප්‍රදායන් විය.

කැමතිම ආහාර වර්ග: වසර පුරා ශ්‍රී ලාංකිකයන් ඇණවුම් කළ ආහාරපාන වල විශාල විවිධත්වයක් දක්නට ලැබිණි. මේ අතරින් 2020 වසරේ ශ්‍රී ලාංකිකයන් වැඩියෙන්ම ඇණවුම් කර ඇත්තේ ‘Yellow Rice with Chicken’ ය.

නොවෙනස් ආචාරශීලී බව: මේ දුෂ්කර වසරේදී පවා ශ්‍රී ලාංකිකයෝ බෙහෙවින් ආචාරශීලී වූහ. ඇණවුම් ඉල්ලීම් වලින් අඩකට වැඩි ප්‍රමාණයක ‘Please’ යන වචනය ඇතුළත් විය.

ශ්‍රී ලාංකිකයන් නැවතත් එදිනෙදා ක්‍රියාකාරකම් ආරම්භ කරමින් සිටින මේ මොහොතේ, මගීන්ට පහසු, ආරක්‍ෂිත හා ලාභදායී ගමනාගමන විසඳුම් ලබාදීමටත්, පාරිභෝගිකයන්ට බොත්තමක් ඔබන පමාවෙන් ප්‍රණීත ආහාරපාන නොපමාව රැගෙන ඒමටත් Uber සූදානමින් සිටී.

The post Uber සහ Eber Eats – 2020 වසර පිළිබඳ කෙටි සමාලෝචනයක් appeared first on Adaderana Biz Sinhala | Sri Lanka Business News.