මේ පිළිබව දැනුම් දීම සඳහා මාධ්‍ය හමුවක් පසුගිය සිකුරාදා (15) පැවැත්විණ.
Thai Airways ගුවන් සේවය ශ්‍රී ලංකාව සමඟ මගී ගුවන් සේවා නැවත ආරම්භ කිරීමේ දී එහි දේශීය නියෝජිතයා ලෙසින් කටයුතු කරනු ලබන්නේ MAC හෝල්ඩිංග්ස් (පුද්) සමාගමයි.
මෙම මුලපිරීම සම්බන්ධයෙන් MAC හෝල්ඩිංග්ස් (පුද්) සමාගමේ කළමනාකාර අධ්‍යක්ෂ ඇන්ඩ්‍රේ ප්‍රනාන්දු මහතා අද දෙරණ Business වෙත පැවසුවේ මෙම කලාපයේ බොහෝ අඩු වියදම් ගුවන් සේවා ක්‍රියාත්මක වුවද එය තමන්ට අභියෝගයක් නොවන බවයි.
“මං හිතන්නේ නැහැ ඒක අපිට ලොකු ප්‍රශ්නයක් වෙයි කියලා. ඒකට හේතුව අපි ෆුල් සර්විස් එයාර්ලයින් එකක්. සාමාන්‍යයෙන් ටිකට් එකක් ගත්තාම කෑම ද , බැගේජ් ද ඔක්කොම ඒකට ඇතුළත් කරලා තියෙනවා. සමහර වෙලාවට low cost airlines වල මිනිස්සු දන්නේ නැතුව ටිකට් එකක් ගත්තාම, එයාර් ක්‍රාෆ්ට් එක යද්දී තමයි දන්නේ කෑමක් නැහැ, නැත්තන් එයාර්පෝට් එකට යද්දී තමයි දන්නේ බැගේජ්වලට වෙනම ගෙවන්න ඕනේ කියලා. අපි ඒ වගේ දෙයක් කරන්නේ නැති නිසා, අපි හිතනවා ගොඩාක් වෙලාවට අපිට මේ ගුවන්සේවය ප්‍රවර්ධනය කරන්න පුළුවන් වෙයි කියලා.“
Thai Airways ගුවන් සේවය ශ්‍රී ලංකාව වෙත මගී ගුවන් යානා මෙහෙයුම් නැවත ආරම්භ කිරීම සමබන්ධයෙන් ඇන්ඩ්‍රේ ප්‍රනාන්දු මහතා වැඩිදුරටත් මෙසේ අදහස් දැක්වීය.
“මගී ගුවන් ගමන් මේ ආරම්භ වන්නේ අවුරුදු 4කට විතර පසුව. භාණ්ඩ ප්‍රවාහන ගුවන් සේවා පසුගිය කාලයේ දී ක්‍රියාත්මක වුණා. පසුගිය කාලපරිච්ඡේදය තුළ දී බොහෝ මගී ප්‍රවාහන ගුවන් යානා භාණ්ඩ ප්‍රවාහන ගුවන් යානා බවට පරිවර්තනය කරලා අපි මෙහෙයුම් සිදුකළා. අපි අවුරුදු 18 ක පමණ කාලයක් භාණ්ඩ ප්‍රවාහන නියෝජිතයා වශයෙන් Thai Airways සමඟින් කටයුතු කරනවා. මාස 03කට පමණ පෙර අපට මගී ප්‍රවාහනය සඳහා නියෝජිතත්වය ලැබුණා. ඒ අනුව අප්‍රේල් 01 වැනි දා සිට අපි ගුවන් යානා මෙහයුම් ක්‍රියාත්මක කරනවා. එහිදී දිනපතා ගුවන් යානය බැගින් සතියකට ගුවන් වාර 7ක් ක්‍රියාත්මක වෙනවා. එක් ගුවන් යානයක ආසන 168 ක් තිබෙනවා. Economy Class ආසන 156 ක් සහ Premium Economy ආසන 12 ක් බැගින්. සෑම ගුවන් වාරයකදීම එයින් 80%කට වඩා සම්පූර්ණ කරන්න අපි බලාපොරොත්තු වෙනවා.“
The post Thai Airways අප්‍රේල් 01 සිට ශ්‍රී ලංකාවට appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka