MediHelp Hospitals සමූහය මීට දශකයකට පෙර මතුගම නගරයට පිවිසි අතර අභිනව ශාඛාව මතුගම නෑබඩ පාරේ පිහිටා ඇත. මෙම ශාඛාවෙහි මූලික රෝහල් සේවා ලබා දීම සඳහා අවශ්‍ය අති නවීන වෛද්‍ය උපාංගයන්‌ගෙන් සමන්විත වන අතර බාහිර රෝගී අංශය, හදිසි ප්රතිකාර ඒකකය, රසායනාගරය, ෆාමසිය, එක්ස් කිරණ සේවා, අල්ට්‍රා සවුන්ඩ් ස්කෑන් පරීක්ෂණ, echocardiography, භෞතචිකිත්සක සේවා, අක්ෂි ප්රතිකාර, මෙන්ම විශේෂඥ වෛද්‍ය සේවා ලබා ගත හැකි වඩාත් ඉඩ පහසුකම් සහිත පරීශ්‍රයකින් සමන්විත වේ. MediHelp සමූහයේ වෛද්‍ය , හෙද සහ පරීපූරක වෛද්‍ය සේවා කණ්ඩායම් ද දැඩි කැපවීමකින් යුතුව ගුණාත්මක සේවාවක් ලබා දීම වෙනුවෙන් කැපවී සිටී.
මෙම අවස්ථාවට සහභාගි වෙමින් අදහස් දැක්වූ මෙඩිහෙල්ප් රෝහල් සමූහයේ සභාපති ලෙස්ලි විජේසිරිවර්ධන මහතා “ දශක කිහිපයකට පෙර මා සහ මගේ බිරිඳ විසින් ඉතාම සුළුවෙන් ආරම්භ කළ අප ව්‍යාපාරය මේ වන විට දැවැන්ත සෞඛ්‍යසේවා ජාලයක් බවට පත් වෙමින් තවත් වැඩෙමින් ලක්ෂ සංඛ්‍යාත ශ්‍රී ලාංකිකයින් විශාල පිරිසක් සුවපත් කිරීමටත් තවත් විශාල සංඛ්‍යාවක් වෙත රැකියා උත්පාදනය කිරීමටත් හැකි වීම පිලිබඳව මට විශාල සතුටක් දැනෙනවා. ආරම්භයේ සිටම අපගේ අරමුණ වූයේ වඩාත් උසස් තත්වයේ සෞඛ්‍ය සේවාවක් පාරිභෝගිකයින්ට ලබා දීමටයි. ආරම්භයේ සිටම පාරිභෝගිකයා කේන්ද්‍ර කර ගනිමින් කටයුතු කරන රෝහල් සමූහයක් ලෙස ජනතාව විසින් අප වෙත තැබූ විශ්වාසය හේතුවෙන් අද වන විට ශ්‍රී ලාංකිකයින්ට දැරිය හැකි මිලකට ගුණාත්මක තත්වයෙන් යුතු විශ්වාසදායී සුවසේවා සපයන්නකු ලෙස Medihelp සන්නාමය පෙරට පැමිණ තිබෙනවා” යනුවෙන් පැවසීය.
මෙහිදී උත්සවය ඇමතූ රෝහල් සමූහයේ ප්‍රධාන මෙහෙයුම් නිලධාරී නිශාන්ත ජයමාන්න න මහතා පැවසුවේ “ මීට දශකයකට පෙර මතුගම නගරයට පැමිණි මෙඩිහෙල්ප් හොස්පිටල්ස් සමූහය වඩාත් ප්‍රශස්ත රෝහල් සේවාවක් ප්‍රදේශයේ ජනතාවට ලබා දීමට කටයුතු කලා. කාලයාගේ ඇවෑමෙන් නගරය ජනාකීර්ණ වීමත් සමගම මෙම ප්‍රදේශයේ සහ ඒ අවට ජනතාවගේ සෞඛ්‍ය සේවා අවශ්‍යතාව වර්ධනය වීම සහ එම අවශ්‍යතාවන් සඳහා තමන්ට වඩාත් විශ්වාසවන්ත රෝහල් සේවා සන්නාමය වෙත ප්‍රවේශ වීමට ඔවුන් නිරතුරුව කටයුතු කලා. එබැවින් මතුගම නගරයෙහි වූ අපගේ පළමු රෝහල් ශාඛාව වෙත පැමිණෙන රෝගීන්ගේ සුවපහසුව වෙනුවෙන් වඩාත් පහසුකම් සහිත දෙවැනි රෝහල් ශාඛාවක් මතුගම නගර මධ්‍යයෙහිම ස්තාපිථ කරන්නට අප කටයුතු කළා. ශ්‍රී ලාංකීය සුවසේවා ක්ෂේත්‍රය වෙත අඛණ්ඩව දායකත්වය දැක්වීමට හැකි වීම අප ලද මහත් භාග්‍යක් ලෙස හැඳින්වීමට පුළුවන්. එමෙන්ම ඉදිරියේදී මතුගම නගරය ආශ්‍රිතව අප විසින්ස්ථාපිත කළ පළමු ශාඛාව දෙවැනි ශාඛාව මෙන්ම සංවර්ධනය කර වැඩිදියුණු කිරීමට අපි තීරණය කර තිබෙනවා”යනුවෙනි.
Medihelp Hospitals ජාලය හරහා අන්තරාසර්ග රෝග සහ දියවැඩියාව, ප‍්‍රසව හා නාරිවේදයල පිළිකා සත්කාර, ENT උගුර කණ නාසය , හෘද රෝග, සාමාන්‍ය ශල්‍යකර්ම, ස්නායු විද්‍යාව වේදය, විකලාංග, ළමා රෝග, ආමාශ සහ ආන්ත‍්‍ර රෝග, මෞත්‍රලිංගික, චර්ම රෝග සහ ප්ලාස්ටික් ශල්‍යකර්ම , වෘක්ක හා අක්ෂි රෝග ඇතුළු විශේෂඥ වෛද්‍යවරුන් රැසකගේ සේවාවන් ලබා ගත හැක.
Medihelp hospitals ජාලය සිය රෝගීන්ගේ පහසුව සඳහා සිය සේවාවන් ඩිජිටල් තාක්ෂණය ද උපයෝගි කර ඇතග ඔවුන් විසින් ඉදිරිපත් කර ඇති Live Tracking පහසුකම හරහා රෝගීන්ට සිය වෛද්‍ය හමුවීම් හි නියමිත වේලාවන් ජංගම දුරකථනය හරහා පරීක්ෂා කිරීමට හැකි බැවින් ඔවුන් රෝහල් තුළ කාලය කා දමමින් ඔවුන්ගේ විශේෂඥ වෛද්‍යවරයා එනතුරු අනවශ්‍ය ලෙස බලා සිටිය යුතු නොවෙයි. තවද ප‍්‍රමාණවත් වාහන නැවැත්වීමේ පහසුකම්ල සුවපහසු ආසනයන් සහිත ඉඩකඩ ඇති ආලින්දයන් මෙන්ම දුරකථනයෙන් වේලාවන් වෙන්කරවා ගැනීමේ පහසුකම් ද ලබාදී ඇත.
The post MediHelp රෝහල් සමූහය අති නවීනතම වෛද්‍ය සේවාවන්ගෙන් සමන්විත සිය18වන රෝහල් ශාඛාව මතුගම නගරයේ විවෘත කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka