MediHelp රෝහල් සමූහය දැරිය හැකි මිලකට ශ්‍රී ලාංකිකයින් වැඩි පිරිසකට මූලික සත්කාරක සේවාවක් ලබා දීමේ අරමුණෙන් යුතුව ශdඛා වේගයෙන් ව්‍යාප්ත කරන අවස්ථාවක සිය ප්‍රධාන රසායනාගාරය ශ්‍රී ලංකා ප්‍රතීතන මණඩලය වෙතින් ISO 15189 ජාත්‍යන්තර ප්‍රමිතිකරණය හිමි කර ගැනීම වඩාත් කාලෝචිත මෙන්ම ඉතා වැදගත් සන්ධිස්ථානයක් සනිටුහන් වීමකි.
ISO15189 ජාත්‍යන්තර ප්‍රමිතිකරණය යනු වෛද්‍ය රසායනාගාරයන්හි ප්‍රමිතිකරණය ඇගයීමට ලක් කරමින් වඩාත් නිරවද්‍ය සහ විශ්වාසදායී රෝග විනිශචය වාර්තා ලබා දීම වෙනුවෙන් ඒම ඒ්කකයන් ගුණාත්මකව හා යාවත්කාලීන වූ දැනුමෙන් පවත්වාගෙන යෑම තහවුරු කෙරෙන බවට ලබා දෙන සහතිකයකි.
සමස්ත ප්‍රතීතන ක්‍රියාවලිය තුළ වෛද්‍ය රසායනාගාරයේ තත්ව කළමණාකරණ ක්‍රමවේදය, තාක්ෂණික නිපුණතාව, සම්මත මෙහෙයුම් ක්‍රියාපිළිවෙත් දැඩිව ඇගයීමට ලක්කෙරේ. ශ්‍රී ලංකා ප්‍රතීතන මණ්ඩලය විසින් නම් කරනු ලැබූ ස්වාධීන ප්‍රතීතන විශේෂඥ මණ්ඩලයක් විසින් මෙම ඇගයුම් ක්‍රියාවලිය සිදු කරන අතර ISO15189 ජාත්‍යන්තර ප්‍රමිතිකරණය ලබා දීමේදී ඒ් සඳහා සලකා බැලෙන අනුකූලතාවන් සපුරාලීම පිළිබඳව ශ්‍රී ලංකා ප්‍රතීතන මණ්ඩලයේ දැඩි අවධානය යොමු වේ.
MediHelp වෛද්‍ය රසායනාගාරය විසින් හිමිකර ගනු ලැබූ ජාත්‍යන්තර ප්‍රමිතිකරණය පිළිබඳව අදහස් දක්වන MediHelp රෝහල් වෛද්‍ය රසායනාගාර පද්ධතියේ අධ්‍යක්ෂිකා සුනන්දා විජේසිරිවර්ධන මහත්මිය මේ පිළිබඳව අදහස් දක්වමින් “ISO15189 ජාත්‍යන්තර ප්‍රමිතිකරණය හිමිවීම දහස් සංඛ්‍යාත රෝගීන් සහ වෛද්‍ය වෘත්තිකයින් දශක කිහිපයක් පුරාවට MediHelp රෝහල් රසායනාගාරය වෙත තැබූ අචල විශ්වාසය සනාථ කළ අවස්තාවක් ලෙස මෙය හැඳින්විය හැකියි. මෙම ජයග්‍රහනය පිටුපස සිටින සියලුදෙනාගේ අප්‍රතිහත ධෛර්ය සහ කැපවීමට මගේ ප්‍රණාමය පුද කරන අතර ඉහළ ගුණාත්මකභාවයක් පවත්වාගෙන යෑම සඳහා සිදුකරන කළමණාකරණ වෙනස්කම් අපගේ සේවාවටම අවේණික වූ යහපත් ලක්ෂණයක් ලෙස හැඳින්විය හැකියි. මෙම තත්වය නිරතුරුව පවත්වාගෙන යෑම සඳහා අපගේ මෙහෙයුම් පද්ධති වඩාත් විචක්ෂණශීලී ලෙස පවත්වාගෙන යන අතර ඒම ක්‍රමවේදයන් නිරතුරුව වැඩිදියුණු කරන බැවින් මෙහි අවසන් ප්‍රතිඵලය වනුයේ වඩාත් සාර්ථක සහ ඉතාම නිවැරදි වෛද්‍ය රසායනාගාර ප්‍රතිඵලලබා දීමට අපට හැකියි. ඒමෙන්ම අපගේ සේවාවන් හි කාර්යක්ෂමතාව සහ ප්‍රමිතියානුකුල බව ඉහළින්ම පවත්වාගෙන යෑමටත් අපට හැකිවී තිබෙනවා” යනුවෙන් පැවසීය.
තවද මෙමගින් වෛද්‍ය රසායනාගාර වාර්තාවල ප්‍රමිතියානුකූල සහ නිරවද්‍යතාව පිළිබඳව රෝගීන්, සුවසේවා සපයන්නන් සහ නියාමනය ආයතනයන් හි විශ්වාසය පවත්වාගෙන යෑමට අමතරව වෛද්‍ය රසායනාගාරයන්ට සිය සේවාවන් ගුණාත්මක තත්වයෙන් පවත්වාගෙන යෑම සඳහා විශාල පිටුබලයක් ලැබෙන අතර රසායනාගාරයන් හි ක්‍රියාකාරිත්වය නියාමනය, සහ සේවාවන් ඉහළ මට්ටමකින් පවත්වාගෙන යෑම සඳහා ප්‍රමිතිකරණය අත්‍යාවශ්‍ය වනු ඇත. මේ සියලු ක්‍රියාමාර්ගයන් හි අවසන් ප්‍රතිඵලය වන්නේ වඩාත් කාර්යක්ෂම සහ ඉහළ නිරවද්‍යතාවයකින් යුතු රසායනාගාර වාර්තාවන්ලබාදීමට හැකි වීමත් මෙමගින් පාරිභෝගික විශ්වාසය සහ තෘප්තිමත් භාවය වර්ධනය වීමය.
මේ පිළිබඳව අදහස් දක්වන MediHelp රෝහල්සමූහයේ ප්‍රධාන මෙහෙයුම් නිලධාරී නිශාන්ත ජයමාන්න මහතා “ ගුණාත්මකභාවය සුවසේවා ක්ෂේත්‍රයේ සාර්ථකත්වයේ රහසයි. විශේෂයෙන්ම අපගේ රෝහල් සමූහයේ වේගවත් ව්‍යාප්තිය සමග ගුණාත්මකභාවය ඉහළමට්ටමකින් පවත්වාගෙන යෑමේ වැදගත්කම අප විසින් හඳුනාගෙන ඇති බැවින් ජාත්‍යන්තර ප්‍රමිතීන් සහ ගෝලීය ප්‍රශස්ත භාවිතයන් නිරතුරුව අපගේ සේවාවන් තුල පවත්වාගෙන යෑමට අපි නිරතුරුව කටයුතු කරනවා. මෙම ජාත්‍යන්තර මෙන්ම දේශීය ප්‍රමිතීන් අත්පත්කර ගැනීම තුළ අපගේ රසායනාගාරය ගුනාත්මක සේවාවක් පවත්වාගෙන යෑම සඳහා අවශ්‍ය වන ඉහළ මට්ටමේ තාක්ෂණය, කාර්යක්ෂම ක්‍රමවේදයන් භාවිතය , සමග ජාත්‍යන්තර මෙන්ම දේශීය මට්ටමේ අනෙකුත් ප්‍රමිතිගත වෛද්‍ය රසායනාගාරයන් සමග සම තත්වයේ සිටින බව පැවසිය හැකියි” යනුවෙන් පැවසීය.
The post MediHelp රෝහල් සමූහයේ රසායනාගාරය ISO 15189 හිමිකරගනිමින් සිය සේවා ගුණාත්මකභාවයේ නවමානයක් සනිටුහන් කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka