COVID-19 වෛරසය ආසාදනය වී ඇති බවට හඳුනාගන්නා ලද අපගේ කණ්ඩායමේ සාමාජිකාවක පසුගිය දිනක අවාසනාවන්ත ලෙස මරණයට පත් වූ බව MAS කළමනාකාරීත්වය ඉමහත් කණගාටුවෙන් යුතුව දන්වා සිටී. මහියංගනය SHADELINE කර්මාන්තශාලාවේ සේවයෙහි නියුක්තව සිටි ඇයට COVID-19 රෝගය ආසාදනය වී ඇති බවට පෙබරවාරි 05 දින හඳුනාගන්නා ලද අතර, දියතලාව ප්‍රදේශයේ සෞඛ්‍ය අමාත්‍යාංශය විසින් මගින් පවත්වාගෙන යනු ලබන කහගොල්ල නිරෝධායන මධ්‍යස්ථානයේ නිරෝධායනය සඳහා ඇයව යොමුකරන ලදී. දින 10ක නිරෝධායන කාලයකින් අනතුරුව නිසි විධිවිධාන අනුව ඇයට ඒම මධ්‍යස්ථානයෙන් පිට වී යාමට හැකියාව ලැබුණු අතර, ඉන්පසු තවත් දින 4ක් නිවසේදීම නිරෝධායනයට යොමුවිය. කෙසේවුවද පෙබරවාරි 16 වන දින හුස්ම ගැනීමේ අපහසුතා හේතුවෙන් ඇය බදුල්ල රෝහලට ඇතුළත් වූ අතර, ඒහිදී අවාසනාවන්ත ලෙස මරණයට පත්විය.
මෙම නිවේදනය නිකුත් කරන විටත්, පශ්චාත් මරණ පරීක්ෂණයෙන් අනතුරුව ඇයගේ මරණයට හේතුව නිල වශයෙන් ප්‍රකාශයට පත්කර නොතිබිණි.
මේ දුෂ්කර මොහොතේ දී ඇයගේ පවුලේ සාමාජික සාමාජිකාවන්ට හැකි උපරිමයෙන් සහයෝගය ලබාදීමට SHADELINE කළමනාකාරීත්වය කටයුතු කරන අතර, ඔවුන්ගේ පෞද්ගලිකත්වයට ගරු කරන ලෙස සියලුම දෙනාගෙන් ඉල්ලා සිටිමු.
මේ වන විට COVID-19 රෝගය වැළඳී ඇති බවට තහවුරු වූ SHADELINE සේවා නියුක්තිකයන් 500කට අධික පිරිසක් සුවය ලබා, තම නිරෝධායන කාලයන් නිමවා ක්‍රමනකූලව යළි සේවයට වාර්තා කරමින් සිටිති. අදාළ ප්‍රදේශවල COVID-19 රෝග ව්‍යාප්තිය පාලනය කිරීම සඳහා සෞඛ්‍ය බලධාරීන් හා MAS ආයතනය ඒක්ව කටයුතු කර ඇති අතර, ඒකඟ වූ පරීක්ෂණ, ආශ්‍රිතයන් හඳුනාගැනීම හා පූර්ව ආරක්ෂණ ක්‍රමවේද ඇතුළු සියලු විධිවිධාන ඒ්කාබද්ධව ක්‍රියාවට නංවා තිබේ.
MAS සමූහ ව්‍යාපාරය
The post MAS වෙතින් නිවේදනයක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka