මෙහිදී සවිස්තරාත්මක ඉදිරිපත් කිරීමක් සිදු කළ ICTA හි සහකාර ප්‍රධාන ඩිජිටල් ආර්ථික නිලධාරී සචින්ද්‍ර සමරරත්න මහතා සහ එහි කර්මාන්ත සංවර්ධන අධ්‍යක්ෂිකා චිරන්ති බාලපටබැඳි මහත්මිය, ශ්‍රී ලංකාවේ තොරතුරු හා සන්නිවේදන තාක්ෂණ කර්මාන්තය, එහි ශක්තීන් සහ සහයෝගය පැවැත්විය හැකි ක්ෂේත්‍ර පිළිබඳව පැහැදිලි කළහ. තවද, මෙරට ඩිජිටල් ආර්ථිකය දියුණු කිරීම සඳහා ශ්‍රී ලංකාව යොදාගන්නා පස් වසරක උපායමාර්ගය පිළිබඳව ද ඔවුහු විස්තර කළහ.
මෙම සාකච්ඡාවට නායකත්වය දුන්, BASIS හි උප සභාපති ෆාහිම් අහමඩ් සහ මහතා ICTA හි නිලධාරීහු, සහයෝගීතාව පැවැත්විය හැකි විභව ක්ෂේත්‍ර පිළිබඳව සාකච්ඡා කළ අතර, BASIS හි සාමාජිකයන් ICTA ආයතනය සමඟ සම්බන්ධ කිරීම, තොරතුරු හා සන්නිවේදන තාක්ෂණ ක්ෂේත්‍රයේ නියෝජිතයන් හුවමාරු කරගැනීම, තොරතුරු හා සන්නිවේදන තාක්ෂණ අධ්‍යාපනය ප්‍රවර්ධනය කිරීම සඳහා විශ්වවිද්‍යාල සමඟ පවත්නා සබඳතා ඉහළ නැංවීම, කුසලතා සංවර්ධනය සහ ධාරිතාව පිළිබඳ විශේෂඥ දැනුම බෙදාගැනීම ඊට ඇතුළත් විය.
ශ්‍රී ලංකා මහ කොමසාරිස් කාර්යාලයේ ප්‍රථම ලේකම් (වාණිජ්‍ය) ශ්‍රීමාලි ජයරත්න මහත්මිය මෙම සාකච්ඡාවට සහභාගී වූවා ය.
The post ICTA බංග්ලාදේශයේ IT ක්ෂේත්‍රය සමඟ පවත්නා සහයෝගීතාව වැඩි දියුණු කිරීමට සැරසෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka