HNB Home Loans හැව්ලොක් සිටිහි අවසන් නිවාස ඒකකවල නිවසක් තමන් සතු කර ගැනීමේ පහසුකම් සලසා දෙයි

ශ‍්‍රී ලංකාවේ ප‍්‍රමුඛතම පුද්ගලික අංශයේ බැංකුවක් වන හැටන් නැෂනල් බැංකුව මෙරට ප‍්‍රමුඛතම මිශ‍්‍ර සංවර්ධන ව්‍යාපෘතියක් වන හැව්ලොක් සිටි සමඟ පසුගියදා අත්වැල් බැඳ ගන්නා ලදී. හැව්ලොක් සිටි හි අවසන් අදියරේ පවතින සීමිත නිවාසවලින් එකක් තමන් සතු කර ගැනීම වෙනුවෙන් ගනුදෙනුකරුවන් වෙත විශේෂ නිවාස ණය පහසුකම් ලබා දීම මෙම හවුල්කාරීත්වයේ අරමුණයි.

මෙම හවුල්කාරීත්වය පිළිබඳව අදහස් දැක්වූ HNB සහකාර සාමාන්‍යාධිකාරී පුද්ගලික මූල්‍ය සේවා කාංචන කරුණාගම මහතා ‘‘හැව්ලොක් සිටි සමඟ වන අපගේ හවුල්කාරීත්වය තුළින් අපගේ බලාපොරොත්තුව තමන්ගේම නිවසක සිහිනය සැබෑ කර ගැනීමට බලාපොරොත්තු වන පුද්ගලයින් හට බාධාවකින් තොරව මූල්‍ය පහසුකම් සළසා ගැනීමේ හැකියාව ලබා දීමයි. මෙම ණය ලබා ගැනීමට බලාපොරොත්තු වන සියලූ ගනුදෙනුකරුවන් සඳහා ණය අනුමත කර ගැනීමේ පහසු ක‍්‍රියාවලිය, නීති මග පෙන්වීම් මෙන්ම පහසු ආපසු ගෙවීමේ කොන්දේසි වැනි සේවා රැසක් ලබා දීමට HNB කටයුතු කර තිබෙනවා.’’ යනුවෙන් පැවසුවේය.

මෙහිදී අදහස් දැක්වූ Mireka Homes පුද්. සමාගමේ විකුණුම් සාමාන්‍යාධිකාරී නිරූපා පීරිස් මහත්මිය සඳහන් කර සිටියේ ‘‘හැව්ලොක් සිටිහි අවසන් අදියර වෙත අප ළඟා වෙමින් පවතින මේ මොහොතේ HNB සමඟ ඇති කර ගනු ලැබූ මෙම හවුල්කාරීත්වය තුළින් තමන්ගේ නිවසක් ලබා ගැනීම වෙනුවෙන් පහසු මූල්‍ය සේවාවක් සැලසීමට හැකියාව උදා වනවා’’ යනුවෙනි.

නිවාස ණය ලබා දීමේදී ආකර්ෂණීය පොලී අනුපාතයක් සමඟින් වසර 5ක් දක්වා ප‍්‍රාග්ධනය ආපසු ගෙවීමේ සහන කාලයක් ලබා දෙන අතර වසර 25ක් දක්වා දිගු කාලීනව ණය ආපසු ගෙවීමේ හැකියාව ලබා දීමට කටයුතු කර ඇත්තේ ගනුදෙනුකරුවන් වෙත මහත් සහනයක් හිමිකර දෙමිනි. ස්ථාවර හා පාවෙන පොලී අනුපාතයන් මෙන්ම නීතිමය හා ලියකියවිලි සකස් කිරීම සඳහා මග පෙන්වීම තුළින් තවදුරටත් ගනුදෙනුකරුගේ අපේක්ෂාවක් මල්ඵල ගැන්වීමට අවශ්‍ය සේවාව ලබා දෙන HNB ඔවුන් වෙත Prestige Prime ක්‍රෙඩිට් කාඞ් සඳහා සුවිශේෂී වට්ටම් ලබා දීමට ද කටයුතු කර ඇත.

ස්ථාවර මාසික වැටුපක් සහිත පුද්ගලයන් හට තනිව හෝ තම සහකරු හෝ සහකාරිය සමග හෝ අයදුම් කළ හැකි HNB නිවාස ණය රාජ්‍ය හා පෞද්ගලික අංශයේ සේවකයන්, වෘත්තිකයින්, ව්‍යාපාරිකයින් හා විදේශයන්හි සේවයේ නියුතු ශ‍්‍රී ලාංකිකයින් හට ලබා ගැනීමේ පහසුවද HNB වෙතින් උදා කර දී ඇත. ඒ අනුව සුවපහසුව හා සුඛෝපභෝගී බව සමඟින් නවීන ජීවන රටාවන්ගෙන් සැදුම් ලත් හැව්ලොක් සිටි හි නිවසක් හිමි කර ගැනීමේ ඉතා දුර්ලභ අවස්ථාව සිය ගනුදෙනුකරුවන් වෙත උරුමකර දීමට HNB කටයුතු කර ඇත්තේ එවන් අනගි අවස්ථාවක් හිමි කර ගැනීම සඳහා ඔවුන්ව දිරිමත් කරමිනි.

කොළඹ නගරයේ අක්කර 18ක වටිනා බිම් කඩක ඉදිකර ඇති හැව්ලොක් සිටි නේවාසික සහ වාණිජ ව්‍යාපෘතියක් ලෙස සඳහන් කළ හැකිය. 2021 වසරේදී ඉදිකිරීම් නිම කරන ලද එය සුඛෝපභෝගී නිවාස සංකීර්ණ 8කින් සමන්විත වේ. එහි පදිංචිකරුවන් හට අක්කර 7ක භූමි භාගයක් පුරා විහිදුණු සුවිසල් උද්‍යානයක සිසිලස සමඟින් විශාලතම සමාජ ශාලා පහසුකම්ද නිතැතින්ම හිමි වේ. එසේම හැව්ලොක් සිටි ඉදිරිපස පිහිටා ඇති හැව්ලොක් සිටි වෙළෙඳ සංකීර්ණය හේතුවෙන් පදිංචිකරුවන් හට නිවසට අවශ්‍ය එදිනෙදා භාණ්ඩ, ආහාර-පාන හා විනෝදාස්වාද අත්දැකීම් පහසුවෙන් සපුරා ගැනීමේ අවස්ථාව හිමි වන අතරම උසස් තත්වයේ කාර්යාල අවකාශයන් අවැසි පාරිභෝගිකයින් හට Mireka Tower වෙතින් එම පහසුකම් සලසා දෙනු ඇත.

කොළඹ ලෝක වෙළෙඳ මධ්‍යස්ථානයේ හිමිකාරීත්වය දරණ හා කළමනාකාරීත්වය හා සංවර්ධනය භාරව කටයුතු කරන Overseas Realty Ceylon හි පූර්ණ අනුබද්ධ Mireka Homes පුද්ගලික සමාගම විසින් මෙම හැව්ලොක් සිටි ව්‍යාපෘතිය සංවර්ධනය කරනු ලබයි.

දීප ව්‍යාප්ත පාරිභෝගික ඒකක 254කින් හා ස්වයං සේවා යන්ත‍්‍ර (SSMs) 800කට වැඩි සංඛ්‍යාවකින් සමන්විත HNB තාක්ෂණික වශයෙන් වඩාත් ශක්තිමත් ශ‍්‍රී ලංකාවේ පුද්ගලික අංශයේ බැංකුවකි. නිරන්තරයෙන් ආයතනික තිරසාරබව, යහපාලන හා විශිෂ්ටත්වය තුළින් සිය අභිමානය යළිත් තහවුරු කිරීමට සමත්ව ඇති HNB, ශ‍්‍රී ලංකා වාණිජ මණ්ඩලය මගින් සංවිධානය කරන ලද 2022 වසරේ හොඳම ආයතනික පුරවැසියා (Best Corporate Citizen) ලෙස සම්මාන දිනා ගැනීමට සමත් විය. එහිදී හොඳම ආයතනික පුරවැසියන් 10 දෙනා අතරට ශ්‍රේණිගත වෙමින් බැංකු ක්ෂේත‍්‍රයේ සිය පුරෝගාමීත්වය සනිටුහන් කළ HNB පාලන කාණ්ඩයේ ජයග‍්‍රාහකයා මෙන්ම ‘තිරසාර ශුරතා’ සම්මාන යටතේ මූල්‍ය අංශයේ සම්මානය ද ඇතුළුව සම්මාන 4ක් ද තමන් සතු කර ගැනීමට සමත් විය.

තවද එක්සත් රාජධානියේ ‘ද බෑන්කර්’ සඟරාව මගින් අඛණ්ඩව හයවන වරටත් 2022 වසරේ ලෝකයේ හොඳම බැංකු 1000 අතරට HNB සම්මානයට පාත‍්‍ර කර ඇත. මීට අමතරව 2023 ඒෂියාමනී සම්මාන උළෙලේදී ශ‍්‍රී ලංකාවේ විශිෂ්ටතම  SME බැංකුව ලෙස හැටන් නැෂනල් බැංකුව සම්මානයට පාත‍්‍ර විය. තවද ඒෂියන් බෑන්කර් සඟරාව විසින් පැවැත්වූ 2023 කීර්තිමත් ජාත්‍යන්තර පාරිභෝගික මූල්‍ය සේවා සම්මාන උළෙලේදී 13 වැනි වරටත් මෙරට විශිෂ්ටතම පාරිභෝගික බැංකුව ලෙසින් ද HNB අභිසෙස් ලැබීය.

 

ඡායාරූප විස්තරය – (වමේ සිට) HNB උකස් උපදේශක රජික නිශාන්ත, HNB නිවාස හා පුද්ගලික ණය කළමනාකාර සම්පත් දොඩන්වල, HNB පුද්ගලික මූල්‍ය සේවා කළමනාකාර අසිත ප‍්‍රනාන්දු, HNB සහකාර සාමාන්‍යාධිකාරී පුද්ගලික මූල්‍ය සේවා කාංචන කරුණාගම, HNB නියෝජ්‍ය සාමාන්‍යාධිකාරී පාරිභෝගික බැංකුකරණ සමූහ සන්ජේ විජේමාන්න, මිරේකා හෝම්ස් අධ්‍යක්ෂ රැල්ෆ් ඩි ලැනරෝල්, නීති ප‍්‍රධානී ලක්නාධි පෙරේරා සහ මිරේකා හෝම්ස් සාමාන්‍යාධිකාරී විකුණුම් නිරූපා පීරිස් යන මහත්ම මහත්මීන් ඡුායාරූපයේ වේ.

The post HNB Home Loans හැව්ලොක් සිටිහි අවසන් නිවාස ඒකකවල නිවසක් තමන් සතු කර ගැනීමේ පහසුකම් සලසා දෙයි appeared first on Adaderana Biz Sinhala | Sri Lanka Business News.