‘‘මෙම අත්පත් කරගැනීම මගින් අපගේ පාර්ෂවකරුවන්ට, සේවකයින්ට, පාරිභෝගිකයින්ට සහ පොදුවේ සමාජයට හිමිවන වටිනාකම ආකර්ෂණීයයි. මෙම සහසම්බන්ධය තුළින් HNB FINANCE PLC සහ ප‍්‍රයිම් සමූහයේ බැඳීම් තවත් ශක්තිමත් වන අතරම දේපල වෙළෙඳ ක්ෂේත‍්‍රය වෙත ලබා දෙන මූල්‍ය සේවා වඩාත් ප‍්‍රශස්ත මට්ටමින් ලබා දීමට අපට හැකි වෙන බව මගේ විශ්වාසයයි. තවද මෙම සහසම්බන්ධය තුළින් HNB FINANCE හි මූල්‍ය සේවා සංඛ්‍යාත්මකව වැඩිවීම සහ සේවා ව්‍යාප්තිය පමනක් නොව ඉතා දක්ෂ හැකියාවන්ගෙන් පරිපූර්ණ වෘත්තිකයින් පිරිසක් සමග සම්බන්ධ වීම හරහා දීපව්‍යාප්තව මූල්‍ය සේවා ක‍්‍රියාත්මක කිරීමේ ප‍්‍රධාන සැලසුම ඉතා සාර්ථක ලෙස දියත් කිරීමට හැකි වෙතැයි මම අපේක්ෂා කරනවා.’’ යනුවෙන් HNB FINANCE PLC හි සභාපති ඩිල්ශාන් රොඞ්රිගෝ මහතා පැවසීය.
මෙම අත්පත් කර ගැනීම සහ සමාගම් දෙකේ ශාඛාවන් ඒකාබද්ධ කිරීම තුළින් HNB FINANCE හි වර්තමාන පාරිභෝගිකයින්ට සහ අනාගත පාරිභෝගිකයින්ට මූල්‍ය සේවා රැසක් පෙරට වඩා වැඩි ශාඛා සංඛ්‍යාවක් හරහා ලබා ගැනීමේ පහසුකම හිමිවන අතර ප‍්‍රයිම් ෆිනෑන්ස් හි වත්කම් මත පදනම් වූ 93% ක් වූ ණය කළඹ හරහා HNB FINANCE හි මූල්‍ය සේවා අවදානම වඩාත් ප‍්‍රශස්ත මට්ටමකට පැමිණෙන අතර සමාගමේ ශේෂ පත‍්‍රයද ශක්තිමත් වනු ඇත.
‘‘Prime Finance PLC හි සේවය කරන අත්දැකීම් සහිත දැඩි කැපවීමකින් කටයුතු කරන කණාඩායමක් සමග එක්ව කටයුතු කිරීමට ලැබීම අපට සතුට දනවන කරුණක්. එමෙන්ම මෙම ක‍්‍රියාවලිය තුළින් අපගේ වෙළෙඳපොල කොටස සැලකිය යුතු මට්ටමකින් වර්ධනය වීමත් අපගේ මව් සමාගම වන හැටන් නැෂනල් බැංකුවෙහි ශක්තියත් HNB FINANCE විසින් Prime Finance සමාගමේ හිමිකාරීත්වය අත්පත් කර ගැනීම හරහා සේවා කාර්්‍යක්ෂමතාව සහ මූල්‍ය කාර්යසාධනයෙහි විශාල වර්ධනයක් සිදුවනු ඇතැයි මම විශ්වාස කරනවා’’ යනුවෙන් HNB FINANCE හි කළමණාකාර අධ්‍යක්ෂ ප‍්‍රධාන විධායක නිලධාරී චමින්ද ප‍්‍රභාත් මහතා පැවසීය.
දේශීය මෙන්ම අන්තර්ජාතික මට්ටමෙන් HNB FINANCE සමාගමෙහි මූල්‍ය සේවා විශිෂ්ටත්වය ඇගයීමට පාත‍්‍ර වී ඇත. මෙම ඇගයීම් අතර ආසියාවේ සමාගම් අතර විශිෂ්ටතම සේවා පරිසරයක් සහිත සමාගම් (Asia’s best workplaces) අතරට දෙවරක් රැඳෙන්නට HNB FINANCE සමාගමට හැකි වූ අතර සමාගමේ නව්‍ය සහ නිර්මාණාත්මක අලෙවිකරණ ප‍්‍රවේශයන් අවස්ථා කිහිපයකදීම දෙස් විදෙස් සම්මානයෙන් පිදුම් ලැබීය. එමෙන්ම HNB FINANCE ආයතනය මූල්‍ය සේවා වලින් ඔබ්බට ගොස් සමාජ වගකීම් ව්‍යාපෘතීන් සඳහා ඉහළම දායකත්වයක් ද ලබා දෙමින් සිටී. මේ වන විට මෙරට මූල්‍ය සේවා වෙළෙඳපොළේ ප‍්‍රමුඛතම වෙළෙඳපොළ කොටසක් අත්පත් කර ගෙන සිටින HNB FINANCE සමාගම ශක්තිමත් විශ්වාසවන්ත මූල්‍ය සේවා සපයන්නකු ලෙස සිය අග‍්‍රගන්‍ය සන්නාමය පාරිභෝගික සමාජයෙහි තහවුරු කර ගෙන සිටී. හැටන් නැෂනල් බැංකුවෙහි මූල්‍ය , ව්‍යාපාරික සවිය සහ ස්ථාවරත්වය මත HNB FINANCE වෙත තවත් අමතර ශක්තියක් ලබා දෙමින් මෙරට අංක එකේ මූල්‍ය සේවා සපයන්නා බවට පත්වීමේ මෙහෙයුමට ගාමක බලය සපයයි.
The post HNB FINANCE PLC විසින් Prime Finance PLC අත්පත් කර ගනී appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka