රාහුල විද්‍යාලයේ විදුහල්පති සමිතා කුරුකුලසූරිය මහත්මියගේ සම්භාවනීය සහභාගිත්වයෙන් පැවැති මෙම අවස්ථාවට රාහුල ආදි ශිෂ්‍ය සංගමයේ ලේකම් නිර්මාල් ඉලංගමගේ මහතා, රාහුල ආදි ශිෂ්‍ය සංගමයේ ප්‍රධාන සංවිධායක සංජය කුමාර මහතා සහ 2011 කණ්ඩායමේ ආදි ශිෂ්‍යයෝ විශාල පිරිසක් සහභාගී වූහ.
රාහුල විද්‍යාලයීය ප්‍රධාන ශාලාව නැවත ඉදිකිරීමේ ව්‍යාපෘතිය වන Dream of Decade ව්‍යාපෘතිය සඳහා රුපියල් ලක්‍ෂ 05ක මුදලක් ප්‍රදානය කිරීම ද මෙම වාර්ෂික මහා සභා රැස්වීමට සමගාමීව සිදු විය. විදුහල්පතිතුමිය, රාහුල ආදි ශිෂ්‍ය සංගමයේ ලේකම්තුමා සහ ප්‍රධාන සංවිධායකතුමා වෙත 2011 කණ්ඩායමේ නිලධාරීන් විසින් සංකේතීය වශයෙන් එම ප්‍රදානය සිදු කරන ලද අතර ඉදිරි කාලයේදී තවත් රුපියල් ලක්‍ෂ 05ක ප්‍රදානයක් සිදු කරන බවට ද 2011 කණ්ඩායම සහතික විය.
ඉදිරි වර්ෂය සඳහා 2011 ආදි ශිෂ්‍ය කණ්ඩායමේ නිලධාරී මණඩලය තෝරා පත් කර ගැනීම ද මෙහිදී සිදු වූ අතර චානක සොලමන් මහතා අභිනව සභාපතිවරයා වශයෙන් ද උදිත එදිරිවීර මහතා අභිනව ලේකම්වරයා වශයෙන් ද බුත්මල් උයනහේවා මහතා අභිනව භාණ්ඩාගාරිකවරයා වශයෙන් ද සහන් වයංග මහතා අභිනව ප්‍රධාන සංවිධායකවරයා වශයෙන් ද තේරී පත් විය.
ඡායාරූපය – Dream of Decade ව්‍යාපෘතිය සඳහා රාහුල විද්‍යාලයීය 2011 කණ්ඩායම විසින් මූල්‍ය ප්‍රදානය සිදු කළ අවස්ථාව
The post ELEVENS ECHOES රාහුල විද්‍යාලයීය 2011 කණ්ඩායමේ වාර්ෂික මහා සභා රැස්වීම සහ සුහද හමුව appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka