මෙම සුවිශේෂී ජයග්රහණය පිළිබඳ අදහස් දක්වමින් සිංගර් ශ්රී ලංකා හි අලෙවි අධ්යක්ෂ ශනිල් පෙරේරා මහතා මෙලෙස පවසා සිටියි. “වසර ගණනාවක සිට සිංගර් හා අත්වැල් බැඳගෙන සිටින විශ්වාසවන්ත හවුල්කරුවකු වන DELL විසින් පිරිනමන මෙම සම්මානය දිනා ගැනීමට හැකිවීම අපට ඉතා සතුටක්. මෙම ජයග්රහණය තුළින් පිළිබිඹු වෙන්නේ සිංගර් සතු විශිෂ්ට විකුණුම් උපායමාර්ගයන්හි සාර්ථකත්වය, පාරිභෝගික සහය සහ අලෙවිකරණ හැකියාවන්. DELL සමඟින් සිංගර් පවත්වාගෙන යන හවුල්කාරීත්වය පසුගිය වසර කිහිපය තුළ ඉතා ශක්තිමත් වුණු අතර, මෙමඟින් පාරිභෝගිකයාට වාසි රැසක් පිරිනමන්නට අපට හැකි වුණා.”
සිංගර් යනු DELL මාදිලියේ පරිගණක සහ පරිගණක උපාංග රැසක අලෙවි නිවහනයි. පාරිභෝගික අවශ්යතාවන්ට ගැළපෙන තාක්ෂණික උපාංග, අවශ්යම මොහොතේ පාරිභෝගිකයා වෙත සමීප කිරීමට සිංගර් කැපවෙමින් ක්රියා කරයි. DELL විසින් වසර තුනකට පෙර වාණිජ අවශ්යතා පදනම් කරගත් ව්යාපාර කාණ්ඩයට යොමුවූ අවස්ථාවේ සිට, එම සන්නාමයේ වර්ධනය උදෙසා සිංගර් විශාල දායකත්වයක් ලබාදී ඇත. විශේෂයෙන්ම ශක්තිමත් අලෙවි ජාලය සහ www.singer.lk හරහා DELL සන්නාමයේ නිෂ්පාදන පාරිභෝගිකයා වෙත සමීප කිරීමට සිංගර් ක්රියා කල අතර, ඉදිරියේදී DELL සහ සිංගර් එක්ව නවීන විසඳුම් පාරිභෝගිකයා හට හඳුන්වා දීමට සුදානම්ව සිටියි.
The post Dell Technologies AEM 2022 සම්මාන උළලේදී සිංගර් විසින් වසරේ බෙදාහැරීම් නියෝජිතයාට හිමි සම්මානය හිමිකර ගනියි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka