2021 දී විදෙස් සංචාරකයින්ගෙන් ඩොලර් මිලියන 261ක ආදායමක්

2021 වසරේ ඔක්තෝබර් මාසයේ වාර්තා වූ 22,771 ක සංචාරක පැමිණීම් ප්‍රමාණයට සාපේක්ෂ, 2021 වසරේ නොවැම්බර් මාසයේ දී පැමිණි සංචාරකයින් ප්‍රමාණය 44,294 ක් ලෙස වාර්තා විය.

2020 වසරේ අනුරූප කාලපරිච්ඡේදය තුළ පැමිණි මුළු සංචාරක පැමිණීම් 507,311ක ප්‍රමාණයට සාපේක්ෂව 2021 වසරේ නොවැම්බර් මාසය දක්වා වූ මාස 11 තුළ පැමිණි මුළු සංචාරක පැමිණීම් ප්‍රමාණය 104,989ක් ලෙස වාර්තා විය.

2021 වසරේ නොවැම්බර් මාසය තුළ වැඩිම සංචාරකයන් ප්‍රමාණයක් පැමිණි රටවල් ලෙස ඉන්දියාව, එක්සත් රාජධානිය, රුසියාව, ජර්මනිය සහ පාකිස්තානය පැවතුණි.

2021 නොවැම්බර් මාසය සඳහා සංචාරක ඉපැයීම් එක්සත් ජනපද ඩොලර් මිලියන 60ක් ලෙස ඇස්තමේන්තු කර ඇත.

2020 වසරේ අනුරූප කාලපරිච්ඡේදයේ දී වාර්තා එක්සත් ජනපද ඩොලර් මිලියන 682ට සාපේක්ෂව, 2021 වසරේ නොවැම්බර් මාසය දක්වා වූ මාස 11 තුළ සමස්ත සංචාරක ඉපැයීම් ප්‍රමාණය එක්සත් ජනපද ඩොලර් මිලියන 141ක් පමණ වනු ඇතැයි ඇස්තමේන්තු කර ඇත.

2021 වසරේ දෙසැම්බර් මාසයේ දී සංචාරක පැමිණීම් 89,506ක් ලෙස වාර්තා වූ අතර, 2020 වසර තුළ පැමිණි මුළු සංචාරක පැමිණීම් 507,704ට සාපේක්ෂව 2021 වසර තුළ 194,495ක් ලෙස වාර්තා විය.

2021 වසරේ දෙසැම්බර් මාසය සඳහා සංචාරක ඉපැයීම් එක්සත් ජනපද ඩොලර් මිලියන 120ක් ලෙස ඇස්තමේන්තු කර ඇත.

2020 වසරේ වාර්තා වූ එක්සත් ජනපද ඩොලර් මිලියන 682ට සාපේක්ෂව, 2021 වසරේ දී සංචාරක ඉපැයීම් එක්සත් ජනපද ඩොලර් මිලියන 261 ක් ලෙස ඇස්තමේන්තු කර ඇත.

 

 

 

The post 2021 දී විදෙස් සංචාරකයින්ගෙන් ඩොලර් මිලියන 261ක ආදායමක් appeared first on Adaderana Biz Sinhala | Sri Lanka Business News.