ශ්‍රී ලංකා විවෘත කනිෂ්ඨ ගොල්ෆ් තරගාවලිය 2023 දෙසැම්බර් මස 20 වැනිදා සිට 22 වැනිදා දක්වා උදෑසන 8. 00 සිට කොළඹ රාජකීය ගොල්ෆ් සමාජයේ (RCGC) ගොල්ෆ් ක‍්‍රීඩා පිටියේදී පැවැත්වීමට නියමිතය. තරගාවලියට සහභාගී වන දෙස් විදෙස් ක‍්‍රීඩක ක‍්‍රීඩිකාවන් සඳහා පුහුණු තරග දෙසැම්බර් 18 හා 19 දෙදින පැවැත්වීමට කටයුතු කොට ඇත.‘‘ප‍්‍රීමා සන්රයිස්” සන්නාමයේ පූර්ණ අනුග‍්‍රාහක දායකත්වය යටතේ පැවැත්වෙන ත්‍යාග ප‍්‍රදානෝත්සවය දෙසැම්බර් 22 වැනිදා ප. ව. 3. 00 ට පැවැත්වීමට සැලසුම් කොට ඇත.
ශ්‍රී ලංකා විවෘත කනිෂ්ඨ ගොල්ෆ් තරගාවලියේ බාලක හා බාලිකා කාණ්ඩයන්ගෙන් ජාතික ශූරතා දිනාගන්නා ක‍්‍රීඩක ක‍්‍රීඩිකාවන්ට ජාත්‍යන්තර කණිෂ්ඨ ගොල්ෆ් ක‍්‍රීඩක ක‍්‍රීඩිකා වර්ගීකරණය ලෙස සුපතල world amateur golf rankings (WAGR) වෙත ඇතුලත් වීමේ අවස්ථාව හිමිවේ. ශ්‍රී ලංකා විවෘත කනිෂ්ඨ ගොල්ෆ් තරගාවලියත් ඒ හා සමගාමීව ප‍්‍රාදේශීය මට්ටමෙන් පැවැති විවෘත කනිෂ්ඨ ගොල්ෆ් තරග සියල්ල සහ දීප ව්‍යාප්තව පැවැති අන්තර් සමාජ ගොල්ෆ් තරග රැසක් වෙත ‘‘ප‍්‍රීමා සන්රයිස්” සන්නාමය විසින් සිය අනුග‍්‍රාහක දායකත්වය වසර පුරා එක් කරනු ලබන්නේ දිවයින පුරා විසිරී සිටින දක්ෂ ගොල්ෆ් ක‍්‍රීඩක ක‍්‍රීඩිකාවන් හට ජාතික මට්ටමේ කීර්තියක් අත්කරගන්නට ශක්තියක් වෙමිනි.
ප‍්‍රිමා ශ්‍රී ලංකා සමූහයේ සිලෝන් ඇග්‍රො ඉන්ඩස්ටී‍්‍රස් ලිමිටඞ් හි සාමාන්‍යාධිකාරී සජිත් ගුණරත්න මහතා ප‍්‍රීමා සන්රයිස් අනුග‍්‍රාහකත්වය පිළිබඳ අදහස් දක්වමින් ”ශ්‍රී ලංකාවේ ගොල්ෆ් ක‍්‍රීඩාව නගාසිටුවීමට දීර්ඝ කාලයක් තිස්සේ ඉතා කැමැත්තෙන් හා මහත් ඕනෑකමකින් සහයෝගය ලබාදුන් අපට මෙවරත් ශ්‍රී ලංකා විවෘත කනිෂ්ඨ ගොල්ෆ් තරගාවලියට දායකවන්නට අවස්ථාව ලබාදුන් ශ්‍රී ලංකා ගොල්ෆ් සංගමයට පළමුව ස්තූතිවන්ත වෙනවා. ජාතික මට්ටමේ කනිෂ්ඨ ගොල්ෆ් ශූරයන් ජාත්‍යන්තර මට්ටමට ඔසවා තබන දැවැන්ත තරග ඉසව්වක කොටස්කරුවන් බවට පත්වන්නට හැකිවීම අප ලැබූ මහත් ගෞරවයක්.” යැයි පැවසීය.
ශ්‍රී ලංකා ගොල්ෆ් සංගමය වෙනුවෙන් අදහස් දැක්වූ එහි සභාපති රනිල් පීරිස් මහතා ”ශ්‍රී ලාංකීය ගොල්ෆ් ක‍්‍රීඩා ක්ෂේත‍්‍රයේ කාගේත් අවධානය දිනූ කනිෂ්ඨ ගොල්ෆ් තරගාවලිය ප‍්‍රීමා සන් රයිස් ශක්තියත් සමග 15 වසරක් තිස්සේ සංවිධානය කරන්නට ලැබීම පිළිබඳ අප බෙහෙවින් සතුටුවනවා. ඒ වෙනුවෙන් අප ප‍්‍රීමා ආයතනයට කෘතවේදී ස්තූතිය පිරිනමනවා.” යැයි පැවසීය.
ශ්‍රී ලංකා ගොල්ෆ් අඹරේ දිලෙන යෞවන ක‍්‍රීඩා තරු අතර කැපීපෙනෙන රෙෂාන් අල්ගම, කායා දළුවත්ත, ආදිත්‍ය වීරසිංහ, ජෙවාහ්න් සතාසිවම්, කුමාර් ධනූෂාන්, විනුද වීරසිංහ, රතිස්කාන්ත් සහෝදරයෝ සහ ශෙරින් බාලසූරිය යන ක‍්‍රීඩක ක‍්‍රීඩිකාවන් ශ්‍රී ලංකාවේ කනිෂ්ඨ ගොල්ෆ් ක‍්‍රීඩා ක්ෂේත‍්‍රය වෙනුවෙන් 15 වසරක් තිස්සේ ප‍්‍රීමා දැක්වූ අමිල දායකත්වයේ නිහඬ ප‍්‍රතිඵල ලෙස කැපී පෙනෙයි.
ශ්‍රී ලංකා ගොල්ෆ් සංගමයේ කනිෂ්ඨ ගොල්ෆ් අනු කමිටුවේ සභාපතිනිය නිලෝ ජයතිලක මහත්මිය අදහස් දක්වමින් ”ප‍්‍රීමා සන්රයිස් වෙතින් ලැබුණ මෙම අනුග‍්‍රාහකත්වය හුදෙක් මූල්‍යමය දායකත්වයක්ම පමණක් නොවෙයි ශ්‍රී ලංකා ගොල්ෆ් ක‍්‍රීඩා ක්ෂේත‍්‍රයේ සංවර්ධනයටත් ක‍්‍රීඩාවේ වෘත්තීයවේදීත්වයටත් ලැබුණු සහෘද අත්වැලක්. මෙවර දින 3 ක් පුරා අපේ රටේ දක්ෂ තරුණ ක‍්‍රීඩක ක‍්‍රීඩිකාවන්ට ජාත්‍යන්තරය ජයගන්න වටිනා අවස්ථාවක් හිමිවෙනවා. ප‍්‍රීමා සන්රයිස් සන්නාමයත් එක්ක ඇතිව තිබෙන මේ දිගුකාලීන සබඳතාවය නිසාම වෙනදා වාගේ මෙවරත් දිවයින පුරා සිටින දක්ෂයන් එක් රැස් කරගනිමින් මෙම තරගාවලිය සංවිධානය කිරීමට අපට ශක්තියක් වූ ප‍්‍රීමා සහයෝගයට අප බෙහෙවින් ස්තූතිවන්ත වෙනවා.” යැයි පැවසීය.
2023 ශ්‍රී ලංකා විවෘත කනිෂ්ඨ ගොල්ෆ් තරගාවලිය සහ 2023 ප‍්‍රාදේශීය විවෘත කනිෂ්ඨ ගොල්ෆ් තරගාවලියට අනුග‍්‍රාහක දායකත්වය එක් කරන ”ප‍්‍රීමා සන්රයිස්” සන්නාමයෙන් තරගාවලිය තුලදී ක‍්‍රීඩකයන්ගේ ආහාර සැපයීමද සිදුකරනු ලබයි. තරගාවලිය තුලදී ක‍්‍රීඩකයන්ගේ ආහාර සැපයීමද සිදුකරනු ලබයි.
වයස් කාණ්ඩ
Gold – වයස අවුරුදු 15 ත් 18 ත් අතර බාලක හා බාලිකා
Silver – වයස අවුරුදු 13 ත් 14 ත් අතර බාලක හා බාලිකා
Bronze – වයස අවුරුදු 11 ත් 12 ත් අතර බාලක හා බාලිකා
Copper – වයස අවුරුදු 10 සහ 10 න් පහළ බාලක හා බාලිකා
The post 15 වැනි ශ්‍රී ලංකා විවෘත කනිෂ්ඨ ගොල්ෆ් තරගාවලියට සහ 2023 ප‍්‍රාදේශීය විවෘත කනිෂ්ඨ ගොල්ෆ් තරගාවලියට ”ප‍්‍රීමා සන්රයිස්” සන්නාමයේ අනුග‍්‍රාහකත්වය appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka