හේමාස් රෝහල් සමූහය සිය මනුදම් සපිරි “ උපකාර” ජාතික මෙහෙවර දියත් කරමින් නිදන්ගත වකුගඩු රෝගයෙන් පීඩාවට පත්වූ ජනයා වෙත සෙනෙහසේ දෑත් දිගුකරයි

ප්‍රශස්ත සුවසේවාවක් වෙත වන ජනතා ප්‍රවේශය තහවුරු කරමින් සහ ශ්‍රී ලංකාවේ වර්තමාන ආර්ථික සමාජීය අර්බුදය හමුවේ දැඩි පීඩනයකින් දිවිගෙවන අසරන වකුගඩු රෝගීන්වෙත මහත් අස්වැසිල්ලක් ගෙන දෙමින් , මෙරට රෝගී ආරක්ෂාව වෙනුවෙන් මුළුමනින්ම කැපවූ හේමාස් රෝහල් සමූහය සිය නොනිමි ජාතික මෙහෙවර තවත් පියවරකින් ඉදිරියට ගෙන යමින් සිය නවතම ආයතනික සමාජ වගකීම් වැඩසටහන වූ “උපකාර” ජාතික වැඩසටහන පසුගියදා මහත් හරසරින් දියත් කරනු ලැබීය. නිදන්ගත වකුගඩු රෝගයෙන් පීඩාවට පත් වූ අසරණ රෝගීන්ට සිය ජීවිතය පිළිබඳව නව අපේක්ෂාවන් දල්වන මෙම වැඩසටහන තුළින් එබඳු රෝගීන් සඳහා මාසිකව රුධිර කාන්දුකරණ ප්‍රතිකාර නොමිලේ ලබා දෙනු ඇත.

පවතින වර්තමාන තත්වය හමුවේ රජය සෞඛ්‍ය සේවාවන්ට පමණක් නොමිලේ සියලු වකුගඩු රෝගීන්වෙත සේවා ප්‍රතිකාර පවත්වාගෙන යෑමට නොහැකි බැවින් මේ තත්වය පිළිබඳව මනා වැටහීමක් සහිත රෝහල් සේවාවක් ලෙස හේමාස් රෝහල් සමූහය සිය ජාතික වගකීම් පෙරදැරිව ඇරඹූ මෙම සුවිශේෂී උපකාර වැඩසටහන තුළින් නිදන්ගත වකුගඩු රෝගයෙන් පෙළෙන අඩු ආදායම්ලාභී පුද්ගලයන්ගේ සෞඛ්‍ය සහ යහපැවැත්ම සඳහා දායක වෙයිx එමෙන්ම මෙම පහසුකම අසරණ වකුගඩු රෝගීන් වෙත වූ ජීවන බරට යම් සහනයක් වන ජාතික මට්ටමේ ප‍්‍රයත්නයක් ලෙස පෙන්වා දිය හැක.

නිදන්ගත වකුගඩු රෝගය ශ‍්‍රී ලංකාවේ බහුලව දක්නට ලැබෙන බෝ නොවන රෝගවලින් ප්‍රමුඛ ස්ථානය ගන්නා රෝග තත්වයක් ලෙස හැඳින්විය හැකියි. සංඛ්‍යා ලේඛනවලට අනුව දියවැඩියා රෝගීන්ගෙන් 20-25% ක් සහ අධි රුධිර පීඩනය ඇති රෝගීන්ගෙන් 18-20% ක සංඛ්‍යාවක් ක්‍ණෘ වලට ගොදුරු වන බව හඳුනාගෙන තිබෙනවනා. එමෙන්ම සෑම ශ්‍රී ලාංකිකයින් 10 දෙනෙකුගෙන් එක් අයකු නිදන්ගත වකුගඩු රෝගියකු බවට තක්සේරු කර ඇති නමුත් වඩාත් කණගාටුදායක තත්වය වන්නේ ඔවුන් අතුරින් අති බහුතරය තමන් නිදන් ගත වකුගඩු රෝගයෙන් පෙළෙන බව ඔවුන් නොදැන සිටීමයි. මේ නිසා අවාසනාවට මේ හැම දෙනෙකුම ඔවුන්ගේ ප්‍රතිකාර කටයුතු ආරම්භ කරන්නේ රෝගය උත්සන්න වූ පසුවයි. මේ නිසාම මෙබඳු රෝගීන්ට නිරන්තර රුධිරකාන්දුකරණ ප්‍රතිකාර හෝ වකුගඩු බද්ධකිරීමක් හැර වෙනත් විකල්පයක් නැහැ. මේ ප්‍රතිකාරයන් දෙකම තීරණාත්මක සහ ආර්ථිකමය අතින් දුෂ්කරතාවන් රැසකට රෝගීන් හා ඔවුන්ගේ පවුල්වල ඥාතීන්ව පත්කරනවා. වර්තමානයේ පවතින නිරන්තරව වෙනස්වන සාර්ව ආර්ථික පසුබිමක් තුළ මෙබඳු ප්‍රතිකාරයන් වෙතයෑම වෙනත් කිසිදු කාලයකට වඩා දැඩි අසීරුතාවයකට රෝගීන් සහ ඔවුන්ගේ ඥාතීන් පත්කරනු ලබනවා.” යනුවෙන් හේමාස් රෝහල් සමූහයේ කළමණාකාර අධ්‍යක්ෂ ආචාර්ය ලකිත් පීරිස් මහතා පැවසීය.

ඔහු වැඩිදුරටත් පැවසුවේ “ අඩු ආදායම් සහිත ජනතාව අතර නිදන්ගත වකුගඩුරෝගය තදින් ව්‍යාප්තවී ඇති බැවින් සහ ඔවුන්ට ප්‍රතිකාර වෙත ප්‍රවේශ වීමට ඇති අවස්ථාවන් සාපේෂ වශයෙන් සීමා සහිත බැවින් ඔවුන් වෙනුවෙන් හේමාස් රෝහල සිය උපකාර වැඩසටහන ඔස්සේ සෙනෙහසේ දෑත දිගුකරමින් අපේ සම්පත් භාවිතා කර නොමිලේ රුධිරකාන්දුකරණ ප්‍රතිකාර ලාබදීමට මෙම වැඩපිළිවෙල ඔස්සේ සැලසුම් කර තිබෙනවා.” යනුවෙනි.

අද වන විට නිදන්ගත වකුගඩු රෝගය ප‍්‍රධාන මහජන සෞඛ්‍ය ගැටළුවක් බවට ගෝලීය වශයෙන් ද පත්වෙමින් පවතින අතර, රෝගය සීඝ‍්‍රයෙන් පැතිරීම සහ රෝගීන්ට සහ ඔවුන්ගේ ජීවන රටාව වෙත එල්ල කරන දැඩි බලපෑම හේතුවෙන් බොහෝ දෙනා මෙම කාරණය වෙත ඉහළ අවධානයක් යොමු කරයි. සෑම වසරකම ශ‍්‍රී ලංකාවෙන් නිදන්ගත වකුගඩු රෝගීන් විශාල සංඛ්‍යාවක් වාර්තා වීමත් සමඟ, ජාතික සෞඛ්‍ය සේවා පද්ධතියට බොහෝ විට රුධිර කාන්දුකරණය අවශ්‍ය සියලූ‍ම රෝගීන්ගේ සම්පූර්ණ අවශ්‍යතාවය සපුරාලීමට අපහසු වේ. එම තත්වය ඔවුන්ගේ සෞඛ්‍යයට සහ යහපැවැත්මට විශාල වශයෙන් බලපායි. මේ තත්වය අවබෝධ කරගනිමින් යහ පාලන පිළිවෙත් මූලධර්මයන් පවත්වාගෙන යෑම සහ ප්‍රජා සහභාගීත්වය යන කරුණු පදනම් කර ගනිමින් ක්‍රියාත්මක වන හේමාස්  “උපකාර” වැඩසටහන සඳහා රෝහල තුළ සිටින සහ රෝහලෙන් පරිබාහිරව සිටින සමාජ ගෞරවයක් සහිත කණ්ඩායමක් විසින් මෙහි සුපරීක්ෂණය සහ ක්‍රියාත්මක කිරීම සිදු කරනු ලබයි.

සෞඛ්‍ය සම්පන්න ජීවන රටාවක් ඇති කිරීමේ අරමුණ ඇතිව, හේමාස් රෝහල් සමූහය නිදන්ගත වකුගඩු රෝගීන්ට සෑම මසකම තම ප‍්‍රතිකාර වෙනුවෙන් වැයවන විශාල මුදල අඩු කිරීමට සහ ඔවුන්ට පහසුවෙන් රුධිර කාන්දුකරණ ප‍්‍රතිකාර සඳහා යොමුවීමට අවශ්‍ය පහසුකම් සම්පාදනය කරයි. රටේ ආර්ථික අස්ථාවරත්වය පුද්ගලික ආර්ථිකයටත් අහිතකර ලෙස බලපා ඇති අවස්ථාවක, මෙම ”උපකාර” වැඩසටහන හරහා වකුගඩු රෝගීන්ගේ සෞඛ්‍ය යහපැවැත්ම නගාසිටුවමින් ඔවුන්ට නැවතත් සිය සාමාන්‍ය ජීවිතය ගත කිරීමට අවස්ථාව සලසයි.

එබැවින්, මෙවන් අභියෝගාත්මක ආර්ථික සන්දර්භයක් තුළ, ශ‍්‍රී ලංකාවේ සෞඛ්‍ය සාධාරණත්වය සහතික කිරීමේ වැදගත් පියවරක් ලෙස හේමාස් ”උපකාර” වැඩසටහන ඉදිරියට යන බව අපිට විශ්වාසයි. සියලූ‍ම ශ‍්‍රී ලාංකිකයින්ට උපරිම සෞඛ්‍ය සේවාවක් ලබාදීමට කැපවන සෞඛ්‍ය සේවා සපයන්නෙකු වශයෙන් අපි ඔවුන්ගේ මූල්‍ය පසුබිම නොසලකා ඔවුන්ට අවශ්‍ය ප‍්‍රතිකාර ලබාදීමට කටයුතු කරනවා. එම දැක්ම සමඟින් ඉදිරියට යන මෙම වැදගත් සමාජ සත්කාර වැඩසටහන තුළින් ශ‍්‍රී ලංකාවේ වකුගඩු රෝග හඳුනාගැනීමේ සහ ප‍්‍රතිකාර කිරීමේ විෂමතා අවම කිරීමට අප අඛණ්ඩව කටයුතු කරනවාx” යනුවෙන් ආචාර්ය ලකිත් පීරිස් මහතා වැඩිදුරටත් සඳහන් කළේය.

 

The post හේමාස් රෝහල් සමූහය සිය මනුදම් සපිරි “ උපකාර” ජාතික මෙහෙවර දියත් කරමින් නිදන්ගත වකුගඩු රෝගයෙන් පීඩාවට පත්වූ ජනයා වෙත සෙනෙහසේ දෑත් දිගුකරයි appeared first on Adaderana Biz Sinhala | Sri Lanka Business News.