හරි පාරේ ඩොලර් එවන අයට ඉලෙක්ට්‍රික් රථයක් තීරු බදු රහිතව ගෙන්වා ගැනීමේ අවස්ථාවක්. කොන්දේසි සහිතයි

මෙරටට විදේශ විනිමය එවනු ලබන විදේශගත ශ්‍රී ලාංකිකයන් හට ඉලෙක්ට්‍රොනික වාහන ආනයනය කිරීම සඳහා රජය විසින් සහන පැකේජයක් හඳුන්වා දීමට සැලසුම් කර ඇති බව කම්කරු හා විදේශ රැකියා අමාත්‍ය මනූෂ නානායක්කාර පවසයි.

අද (02) උදෑසන පැවති කැබිනට් තීරණ දැනුම් දීමේ මාධ්‍ය හමුවට එක් වෙමින් ඔහු මේ බව පැවසුවේය.

මේ රටේ දැනට වාහන ගේන්න ඉඩ දෙන්නේ නැහැ. මේ රටේ මොනම විදිහකටවත් දැනට, කොවිඩ් කාලය ආරම්භ වුණ කාලයේ ඉදලම රථ වාහන ආනයනයට ඉඩ දෙන්නේ නැහැ. මොටර් සයිකලයක්වත් ආනයනය කරන්න දෙන්නේ නැහැ. එතකොට මේ රටට විදේශ විනිමය එවන උදවිය වෙනුවෙන්ම, විදේශගත ශ්‍රී ලාංකිකයා වෙනුවෙන්ම මේ විශේෂ පැකේජය හදුන්වා දී තිබෙනවා.

එතනදි ඩොලර් 3,000ට වඩා කවුරුහරි කෙනෙක් ලංකාවට එවනවා නම් තමන්ගේ ගිණුමට හරි තමන්ගේ ඥාතියගේ, ලඟම කෙනාගේ ගිණුමට, වෙන වෙන කෙනාගේ ගිණුමට එවලා හරි යන්නේ නැහැ. තමන්ගේ ගිණුමට හරි තමන්ගේ පවුලේ කෙනාගේ ගිණුමට හරි තමන් එවලා තියනවනම් ඩොලර් 3,000ට වැඩියෙන් යම් කිසි මුදලක් ඒ අයට ඒ එවපු මුදලේ අඩ වටිනාකමකට බයිසිකලයක්, ඉලෙක්ට්‍රික් මෝටර් සයිකලයක් ගන්න අවකාශය සලසා දී තිබෙනවා.

ඉලෙක්ට්‍රික් මෝටර් සයිකලයක් ගන්න. මේ 3,000 අවශ්‍යතාවය දීලා තියෙන්නේ අවම අයට. ඒ කියන්නේ 3,000ට වඩා වැඩිනම් එවපු මුදල 5,000ක් නම් 2,500කට අදාල CIF value එක, ඒ කියන්නේ මූලික වටිනාකමට ගෙන්නන්න පුලුවන්, බදු රහිත මිලට ගෙන්වන්න පුළුවන්. රෝද දෙකේ වාහන, ඒ කියන්නේ මෝටර් සයිකල්.

හැබැයි අපි ත්‍රීවීල් සඳහා මේ සඳහා අවකාශයක් ලබා දෙන්නේ නැහැ. අපි විශ්වාස කරනවා මේ රටේ ත්‍රීවීල් ප්‍රමාණය ප්‍රමානවත් තව මේ රටට ත්‍රීවීල් එන්න ඕන නැහැ කියලා. ඒ නිසා 20,000 ට වැඩියෙන් එවලා තියනවානම් යම් කිසි පුද්ගලයෙක් , යම් කිසි පුද්ගලයෙක් 20,000ට වැඩියෙන් ඕන ප්‍රමාණයක් එවලා තියනවනම් ඩොලර් 65,000ක උපරිමයක් දක්වා යවන ලද මුදලින්  භාගයක මුදල ඩොලර් 65,000ක් දක්වා වාහනයක් ආනයනය කරන්න අපි අවසර දෙනවා. මේකත් විද්‍යුත් වාහනයක් විතරයි. electronic vehicle එකක් විතරයි ගේන්න පුළුවන්. ඒකත් 300ත් 500ත් අතර ධාවන පරාසයක වාහනයක් වෙන්න ඕන.

ඒ වගේම මේ සඳහා ගෙන්වද්දි සූර්යය බල පද්ධතියට, සූර්යය බල පද්ධතියක් තමන් විසින්ම සකසා ගන්න ඕන, තමන් විසින්ම ආනයනය කරලා හරි එහෙම නැත්තන් මිල දී ගන්න ඕන. මොක ද ජාතික විදුලි බල පද්ධතියෙන් මේ වාහන ආරෝපනය කරන්න ඉඩ දෙන්නේ නැහැ. චාර්ජ් කරන්න දෙන්නේ නැහැ. ඒ නිසා ජාතික පද්ධතියට සම්බන්ධ නොවී off grid system එකක් විදිහට තමයි තමන්ගේ සූර්යය පැනලය ගේන්නත් එක්ක තමයි මේ සඳහා අනුමැතිය දෙන්නේ. මොකද මෙතනදි අපි බලාපොරොත්තු වෙනවා පරිසර දූෂණය අවම කර ගැනීම ඒ වගේම ඩොලර් ලංකාවෙන් එලියට යන එක නතර කර ගැනීම, ඒ වගේම ප්‍රධාන ධාරාව හරහා විදුලිය අරගෙන අපි ප්‍රධාන ධාරාවට හානී නොකිරීම යන මේ සියලු කාරණා හරහා තමයි අපි මේ විදුලි මෝටර් රථය ලබා දෙන්නේ.

මේකත් ක්‍රියාත්මක වෙනවා, දැන් මේ කැබිනට් මණ්ඩලයේ අනුමැතිය ලබා දීමත් සමඟම ඉදිරි දිනයන් වලදී ඔබට මේ සඳහා හිමිකම් පෑමේ වරප්‍රසාදය හිමි වෙනවා කියන එකත් මේ වෙලාවේ මතක් කරනවා. මෙතන දී ඒ වාහන වල ප්‍රමාණය පිළිබඳ අදාල චක්‍රලේඛය අපි ඉදිරියේ දී නිකුත් කරන්න බලාපොරොත්තු වෙනවා. අපි මේ සඳහා වන වාහනයේ ප්‍රමාණය කිලෝ වොට් ගණන, ඒ වගේම මේකේ බැටරියට මොකක්ද කරන්නේ කියන කාරණය, මොකද එතනින් එහාට තියන කාරණා සියල්ල. කෙහෛාම වුනත් මේ වෙලාවේ රටට මේ උදව්ව කරපු සියළු ශ්‍රී ලාංකිකයන් වෙනුවෙන් යම් යුතුකමක් ඉෂ්ට කිරීමක් සහ අනාගතයේ දී මේ අයට වැඩි වැඩියෙන් උනන්දු කිරීමක් හැටියට අපි මේක ඉදිරිපත් කරනවා.

The post හරි පාරේ ඩොලර් එවන අයට ඉලෙක්ට්‍රික් රථයක් තීරු බදු රහිතව ගෙන්වා ගැනීමේ අවස්ථාවක්. කොන්දේසි සහිතයි appeared first on Adaderana Biz Sinhala | Sri Lanka Business News.