‘Breakthrough to Excellence’ යන තේමාවෙන් කොළඹ බණ්ඩාරනායක අනුස්මරණ සම්මන්ත‍්‍රණ ශාලාවේදී පැවැත්වුණු ප‍්‍රදානෝත්සවයේදී සම්මාන 500 කට වැඩි ගණනක් සමාගමේ අලෙවි සහ අලෙවි නොවන වෘත්තිකයින් සඳහා සමාගම විසින් පිරිනැමීය. යළිත් වතාවක් සමාගම ජීවිත රක්ෂණ වෙළෙඳපොළේ ප‍්‍රමුඛයා බවට පත්කිරීමට ඇප කැපවූ සමාගමේ අලෙවි වෘත්තිකයින්ගේ කුසලතාවය, කැපවීම සහ ඉදිරිගමන අවධාරණය කිරීම සඳහා මෙම තේමාව තෝරාගත් බව සමාගම සඳහන් කරයි.
මිලියන් ඩොලර් රවුන්ඞ් ටේබල් (MDRT) සම්මානය සහ High Flyer සම්මානය සඳහා සුදුසුකම් ලැබූ නෙල්ලිඅඩි ශාඛාවේ ටී. ශෝපනා මෙනෙවිය සඳහා සමාගම විසින් නඩත්තු කරන හයිබි‍්‍ර‍්‍රඞ් සිඩෑන් මෝටර් රථයක් පිරිනැමීම මෙම වැඩසටහනේ කැපී පෙනෙන අංගයක් විය. මෙම සම්මාන මගින් ඇය විසින් නව ව්‍යාපාර අඛණ්ඩව ලබාගැනීමේදීත් රක්ෂණ වාරික මුදල් එකතු කිරීමේදීත් දැක්වූ විශිෂ්ටත්වය ඇගයීමට ලක්කර තිබේ. සෙලින්කෝ ලයිෆ් සමාගම විසින් සමාගමේ විශිෂ්ටයින් සඳහා මෝටර් රථ පිරිනැමීම 2018 වසරේ සිට ආරම්භ කළ අතර එවැනි වැඩසටහනක් ආරම්භ කළ මෙරට පළමු ජීවිත රක්ෂණ සමාගම සෙලින්කෝ ලයිෆ් සමාගමයි.
මෙවර සම්මාන දිනාගත් අනිකුත් සාමාජිකයින් අතරට 2021 වසරේදී මිලියන් ඩොලර් රවුන්ඞ් ටේබල් සඳහා සුදුසුකම් ලැබූ සමාගමේ තවත් අලෙවි වෘත්තිකයන් 161 දෙනෙකු ඇතුළත් විය. මෙම අවස්ථාවට සමාගමේ සභාපති ආර්. රෙන්ගනාදන් මහතා ප‍්‍රධාන ආරාධිත අමුත්තා ලෙසින් සහභාගී විය.
මෙවර වාර්ෂික සම්මාන ප‍්‍රදානෝත්සවයේදී ප‍්‍රමුඛතම සම්මාන දිනාගත් අය අතරට සමස්ත ජයග‍්‍රහක හොඳම ප‍්‍රාදේශීය අලෙවි කළමනාකරු බවට පත්වූ එස්. වෙනුකරන් මහතා, සමස්ත ජයග‍්‍රහක හොඳම ශාඛා ප‍්‍රධානී බවට පත්වූ නෙල්ලිඅඩි ශාඛාවේ වී. බාස්කරන් මහතා, සමස්ත ජයග‍්‍රහක හොඳම ඒකක ප‍්‍රධානී බවට පත්වූ නුගේගොඩ ශාඛාවේ ආර්. පී. එදිරිසිංහ මහතා, සමස්ත ජයග‍්‍රහක හොඳම අලෙවි උපදේශක බවට පත්වූ අම්බලන්තොට ශාඛාවේ ඒ. අයි. පී. මංජුල මහතා ඇතුළත් වේ.
මෙම සම්මාන ප‍්‍රදානෝත්සවයේදී 2021 සමාගමේ කාර්යසාධනය වෙනුවෙන් කැපවූ සමාගමේ ප‍්‍රධාන කාර්යාලයේ සහ දිවයින පුරා පිහිටි ශාඛා 270 කට වැඩි ගණනක සේවය කරන කාර්ය මණ්ඩල සාමාජිකයින්, අලෙවි උපදේශකවරුන්, ඒකක ප‍්‍රධානීන් සහ ශාඛා ප‍්‍රධානීන් සම්මාන දිනාගත් අතර බොහෝ දෙනෙකු සම්මාන කිහිපයක් දිනාගැනීමද මෙහිදී කැපී පෙනුණි.
2021 වසර අවසන් වනවිට සෙලින්කෝ ලයිෆ් සමාගමේ වත්කම් ප‍්‍රමාණය රුපියල් බිලියන 173.7 ක්වූ අතර එම වසරේදී රුපියල් බිලියන 40.7 ක සමස්ත ආදායමක්, රුපියල් බිලියන 25.5 ක රක්ෂණ වාරික ආදායමක්, රුපියල් බිලියන 119.6 ක ජීවිත අරමුදලක් සහ රුපියල් බිලියන 154.4 ක් ඉක්මවන ආයෝජන කළඹක් සමාගම වාර්තා කරන ලදී.
ශ‍්‍රී ලංකා අලෙවිකරණ ආයතනය (SLIM) විසින් ශ‍්‍රී ලංකාවේ වසරේ සේවා සන්නාමය ලෙසින් සහ 2021 වසරේ LMD විසින් ශ‍්‍රී ලංකාවේ ජීවිත රක්ෂණ ක්ෂේත‍්‍රයේ ‘වඩාත් ජනප‍්‍රිය සේවා සපයන්නා’ ලෙස නම් කර ඇති සෙලින්කෝ ලයිෆ් සමාගම ආරම්භ කර ගෙවුණු වසර 34 න් අර්ධයකට අධික කාලයක් මෙරට ජීවිත රක්ෂණ අංශයේ ප‍්‍රමුඛයා බවට පත්වීමට සමත්වී ඇත. 2021 වසරේ දී ශ‍්‍රී ලංකාවේ වඩාත් වටිනා ජීවිත රක්ෂණ සන්නාමය ලෙස බ‍්‍රෑන්ඞ් ෆයිනෑන්ස් විසින් ද නම් කරන ලද සෙලින්කෝ ලයිෆ් එම වසර සඳහා ජාත්‍යන්තර වාණිජ මණ්ඩලයේ ශ‍්‍රී ලංකා ශාඛාව (ICCSL) සහ CIMA ආයතනය ශ්‍රේණිගත කළ ‘ශ‍්‍රී ලංකාව තුළ වඩාත්ම ප‍්‍රසාදයට ලක් වූ සමාගම්’ 10 න් එකක් වූ අතර පිට පිටම 08 වන වසර සඳහාත් වර්ල්ඞ් ෆයිනෑන්ස් විසින් ශ‍්‍රී ලංකාවේ හොඳම ජීවිත රක්ෂකයා ලෙස ද තෝරා ගන්නා ලදී. 2022 වසරේ Great Place to Work® විසින් ශ‍්‍රී ලංකාවේ බැංකු, මූල්‍ය සේවා සහ රක්ෂණ (BFSI) ක්ෂේත‍්‍රයේ හොඳම සේවා ස්ථාන 10 අතරට සෙලින්කෝ ලයිෆ් සමාගම ශ්‍රේණිගත කර ඇති අතර SLIM Kantar ජනතා සම්මාන ප‍්‍රදානෝත්සවයේදී අඛණ්ඩව වාර්තාගත 16 වන වසරටත් ශ‍්‍රී ලංකාවේ වඩාත්ම ජනප‍්‍රිය ජීවිත රක්ෂණ සමාගම ලෙස ද සෙලින්කෝ ලයිෆ් සමාගම නම් කරන ලදී.
සෙලින්කෝ ලයිෆ් සක‍්‍රීය රක්ෂණ ඔප්පු මගින් ජීවිත ලක්ෂ 10 කට ආසන්න ගණනක් ආවරණය කර තිබේ. නිර්මාණශීලී සැලසුම් හඳුන්වාදීම සහ සංවර්ධනය, පාරිභෝගික සේවා, වෘත්තීය සංවර්ධනය සහ ආයතනික සමාජ වගකීම යන අංශ සම්බන්ධයෙන් සමාගම ක‍්‍රියාකර තිබෙන ආකාරය අනුව දේශීය රක්ෂණ කර්මාන්තයේ නවෝත්පාදනයන් සම්බන්ධයෙන් සෙලින්කෝ ලයිෆ් සමාගම මිනුම් ලකුණක් වේ.
The post සෙලින්කෝ ලයිෆ් වාර්ෂික සම්මාන ප‍්‍රදානෝත්සවයේදී හයිබි‍්‍රඞ් සිඩෑන් මෝටර් රථයක් සහ සම්මාන 500 කට වැඩි සංඛ්‍යාවක් appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka