සිසුන් 545 දෙනෙකු ඉගෙනුම ලබන පදවිය මහසෙන් ප්‍රාථමික විද්‍යාලයේ සේවය කරන ගුරුවරුන් සංඛ්‍යාව 20 කි.
මෙම ප්‍රදේශයේ පානීය ජල ගැටලුව උග්‍ර ලෙස පවතින අතර, ප්‍රදේශයේ වකුගඩු රෝගද සුලබ ය. මෙම පාසලේ මෙතෙක් පානීය ජල පහසුකම් නොතිබූ අතර, දෙමාපියන්ට දවස පුරා මැටි කළවලට ජලය පුරවා පන්ති කාමරවල තැබීමට සිදු විය.
මෙම ගැටලුව හඳුනා ගනිමින්, තම ආයතනික ප්‍රජා සත්කාර වැඩසටහන යටතේ 2023 වසරේ ව්‍යාපෘතිය ලෙස මෙම පාසලට ජලය පිරිපහසු කිරීමේ පහසුකම් ලබාදීමට සෙලාන් ඩිවලොප්මන්ට් පීඑල්සී සමාගම තීරණය කළේ ය. මේ සඳහා සමාගම විසින් රු. මිලියන 1.5කට අධික මුදලක් ආයෝජනය කරන ලදී.
තිරසාර හා ප්‍රජා-කේන්ද්‍රීය සංවර්ධනයක් උදෙසා සෙලාන් ඩිවලොප්මන්ට් පීඑල්සී සමාගම දක්වන කැපවීමට සමගාමීව මෙම ව්‍යාපෘතිය ක්‍රියාවට නංවන ලද අතර, මෙය පදවිය මහසෙන් ප්‍රාථමික විද්‍යාලයේ සිසුන්ට හා ගුරුවරුන්ට පමණක් නොව ප්‍රදේශවාසීන් සියලුම දෙනාට සෙත සැලසෙන පියවරක් වනු ඇත.
මෙම යන්ත්‍රාගාරය අඛණ්ඩව පවත්වාගෙන යාම සහ එහි නඩත්තු කටයුතු සිදුකිරීම සඳහා දිගින් දිගටම අදාළ පාසැල, ප්‍රදේශයේ ජනතාව සහ රජයේ බලධාරීන් සමග එක්ව කටයුතු කිරීමට සෙලාන් ඩිවලොප්මන්ට් පීඑල්සී සමාගම සහ සෙලාන් බැංකුව අපේක්ෂා කරයි.
-සෙලාන් ඩිවලොප්මන්ට් පීඑල්සී හි නියෝජ්‍ය සභාපති එස්. පළිහවඩන
-සෙලාන් ඩිවලොප්මන්ට් පීඑල්සී හි විධායක නොවන අධ්‍යක්ෂ සුනිල් ද සිල්ව‍ා
-සෙලාන් ඩිවලොප්මන්ට් පීඑල්සී හි ප්‍රධාන විධායක නිලධාරී නවීන්ද්‍ර අමදෝරු
-පදවි පරාක්‍රමපුර සෙලාන් බැංකු ශාඛා කළමනාකරු- නීල් නිශාන්ත
– පදවිය මහසෙන් ප්‍රාථමික විද්‍යාලයේ විදුහල්පතිනි- ඒ.එම් ඒ ඩී ජයලක්ෂ්මි
The post සෙලාන් ඩිවලොප්මන්ට් පීඑල්සී, පදවිය මහසෙන් ප්‍රාථමික විද්‍යාලයේ ඉදිකළ ජල පිරිපහදු ව්‍යාපෘතිය සිසු අයිතියට පවරයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka