සෙරන්ඩිබ් ආයතනය මඟින් දෙවැනි වරටත් ක්‍රියාත්මක කරන “වැඩිහිටි මාපිය හිත් පින්බරින් පෝෂණය කරන දළදා සත්කාරය සෙරන්ඩිබ් උත්තම දළදා 2023“ සමාජ සත්කාරය මෙවරත් මහනුවර දළදා පෙරහරට සමගාමීව පැවැත්විණ.
දූ දරු සෙනෙහස අහිමිව ආදරය බලාපොරොත්තුවෙන් වැඩිහිටි නිවාසවලට සීමා වී සිටින වැඩිහිටි මව්පියවරුන් සියයකට අධික ප්‍රමාණයකට දේශයේ පෝෂණය සෙරන්ඩිබ් පූරණ අනුග්‍රහයෙන් උත්තම දළදා වහන්සේ වන්දනාමාන කර දළදා පෙරහැර සියැසින් දැකගැනීමට සැලැස්වීමෙනි.
මධ්‍යයම සහ වයඹ පළාත්වලින් තෝරාගත් වැඩිහිටි නිවාස කිහිපයක සිටින ආදරය සෙනෙහස අවැසි වැඩිහිටි මාපියන් සියයකට අධික පිරිසක් මේ සඳහා තෝරාගැණුන අතර එදින ඔවුන්ගේ සියලුම අවශ්‍යතා වෙනුවෙන් දේශයේ පෝෂණය සෙරන්ඩිබ් පුර්ණ අනුග්‍රාහකත්වය දැක්වීය.
දළදා පෙරහර සමයේ මහනුවරට පැමිණෙන දේශීය විදේශීය සංචාරකයින් ලක්ෂ ගණනක් අතරින් සුව පහසු ආසනවල හිඳ දළදා පෙරහැර මංගල්‍යය නැරඹීම සිහිනයක්ම පමණක් බවට පත්ව තිබූ යුගයක ඔවුන්ගේ ඒ සිහිනය මල්පල ගැන්වීම වෙනුවෙන් සෙරන්ඩිබ් අනුග්‍රාහකත්වයෙන් ඉටු කළ මේ සමාජ මෙහෙවරට මේ වැඩිහිටියන් ආශිර්වාද එක් කළේ බැති සිතිනි
The post සෙරන්ඩිබ් උත්තම දළදා 2023 appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka