AIA පොසොන් ජීවිතාරක්‍ෂක වැඩසටහන 1993 වසරේ සිට මේ දක්වා දැනට වසර 28ක් ක්‍රියාත්මක කර ඇති අතර අනාරක්‍ෂිත වැව් හා ජලාශවල දිය නෑමේදී වන්දනාකරුවන් හට දියේදී සිදුවන අනතුරු පිළිබඳව දැනුවත් කිරීම් සහිත පුවරු සවිකිරීම, ජීවිතාරක්‍ෂක සේවාවන්හි යෙදී සිටින කණ්ඩායම් සඳහා පහසුකම් සැපයීම වැනි කටයුතු එමගින් සිදුකරනු ලබයි. 1993ට පෙර පොසොන් සමයන්හිදී දියේ ගිලී සිදුවන අවාසනාවත්ත මරණ බොහෝ ප්‍රමාණයක් වාර්තා වූ අතර මේ වනවිට එවැනි මරණ වාර්තා වීම් ශුන්‍ය කිරීමට මෙම වැඩසටහනට හැකි වී තිබේ. නැතිවන්නට නියමිතව තිබූ වටිනා ජීවිත බොහොමයක් එම කාලය පුරාවට නැතිනොවන්නට වගබලාගත් නිසා AIA ඉන්ෂුවරන්ස් වචනයේ පරිසමාප්ත අර්ථයෙන්ම පොසොන් වන්දනාවේ එන සැදැහැවත් ජනතාවගේ ජීවිතාරක්‍ෂකයා බවට පත් විය.
ජීවිතාරක්‍ෂක සේවා හා දැනුවත් කිරීමේ සංඥා පුවරු පමණක් නොව වසරක් පාසා පොසොන් සමයේ වන්දනාකරුවෙන්ගේ ජීවිත ආරක්‍ෂා කිරීම පිළිබඳ පණිවිඩය ප්‍රජා පාදක ක්‍රියාකාරකම් ඇසුරෙන් ද ජනමාධ්‍ය හා සමාජ මාධ්‍ය හරහා කෙරෙන දැනුවත් කිරීම් මගින් ද සමාජගත කිරීමට AIA ඉන්ෂුවරන්ස් කටයුතු කරයි. මෙම වසරේදී ජීවිත අවදානම ගැන දැනුවත් කරමින් කල් තියාම ඉන් ආරක්‍ෂාවීමට වන්දනාකරුවන්ට සුපරික්‍ෂාකාරී වීම සඳහා අපගේ සංස්කෘතික මූලයන් හා බැඳුණු ප්‍රචාරණ උපක්‍රමයක් යොදා ගැනීමට AIA ඉන්ෂුවරන්ස් කටයුතු කළේය.
අපගේ ප්‍රාර්ථනාවන් කොඩිවල ලියා ආශිර්වාද පතා බෝ ගස්වල එල්ලීම සාමාන්‍යයෙන් බෞද්ධ සංස්කෘතියේ සුලබව දැකිය හැකිය. මෙහිදි අන් අය විසින් එම ප්‍රාර්ථනාව නැවත කියවීම නිසා එය බලවත් ප්‍රාර්ථනාවක් බවට පත්වන බව එසේ කරන සැදැහැවත්හු විශ්වාස කරති. ඉතින් අපි මෙම සරල නිර්මාණාත්මක ක්‍රමය අපගේ පණිවිඩය සමාජගත කිරීම සඳහා යොදා ගත්තෙමු.
“කිසි කෙනෙකුට අනාරක්‍ෂිත තැන්වලින් දිය නෑමට සිතක් පහල නොවේවා” යන පරහිතකාමී ප්‍රාර්ථනාව කොඩියක් ආකාරයෙන් සකස් කර අපි නගරයේ වැව් ජලාශ හා ගංඟා ආදි දිය නෑමට සැදැහැවතුන් ප්‍රවේශ වන තැන්වල බෙදා හැරියෙමු. මෙම ප්‍රාර්ථනා කොඩි වන්දනාකරුවන් කියවා පමණක් නොව තරයේ හිතට ගෙන ඇති බව ඔවුන් අප වෙත දැක්වූ අදහස්වලින් අපට පැහැදිලිවම පෙනී ගියේය. ඔවුන් එතැනින් නොනැවතී තවත් පියවරක් ඉදිරියට ගොස් අනුරාධපුර ජය ශ්‍රී මහා බෝධි පරිශ්‍රයේ හා එහි අංකුර බෝධීන් වහන්සේලාගේ එම ප්‍රාර්ථනා කොඩි එල්ලා පුළුල් ජන ප්‍රජාවකට සාමුහික ප්‍රාර්ථනාවක් ආකාරයෙන් ප්‍රදර්ශනය කිරීමට කටයුතු කර ඇති බව අපට දැක ගන්නට ලැබිණි.
අපගේ සංස්කෘතික මූලයන්ට අනුගත වෙමින් AIA ඉන්ෂුවරන්ස් විසින් සිදුකළ මෙම මහඟු සද්කාර්යය පූජ්‍ය පක්‍ෂයේ මෙන්ම බැතිමතුන්ගේ ද පළාත් පාලන ආයතනවල ද ප්‍රශංසාවට ලක්විය. නමුත් වඩාත් වැදගත්ම කරුණ වන්නේ මෙවර පොසොන් සතිය තුළ අනුරාධපුර පූජා නගරයට බැතිමතුන් මිලියන 2.5කට අධික ප්‍රමාණයක් පැමිණි අතර ඔවුන් අතරින් වැව් දියේ ගිලීම නිසා කිසිදු මරණයක් වාර්තා නොවීමයි.
The post සුවපත් සැපවත් දිවියක් පිළිබඳ AIA අපේ පැතුම සැබෑ විය appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka