සියලු කොටස් 8,000 පසු කරයි

කොළඹ කොටස් වෙළෙඳපොළ ප්‍රධාන මිල දර්ශකය වන සියලු කොටස් මිල දර්ශකය අද (03) දිනයේ දී නැවත වරක් ඒකක 8,000 සීමාව පසුකරන ලදී. ඒ පසුගිය ජූනි 06 දින ඒකක 8,000 සීමාවෙන් මෙපිටට සියලු කොටස් මිල දර්ශකය පැමිණීමෙන් අනතුරුව පළමුවරටයි.

ඒ අනුව දිනයේ දී ගනුදෙනු අවසානයේ දී සියලු කොටස් මිල දර්ශක අගය ඒකක 8,080.14 ක් ලෙසින් වාර්තා වූ අතර එය පෙර දිනය හා සැසඳීමේ දී ඒකක 172.62 ක හෙවත් 2.18% ක ඉහළ යාමක් වේ.

මේ අතර S&P SL20 දර්ශකය දිනය තුළ ඒකක 84.25 ක වර්ධනයක් සනිටුහන් කරමින් දිනය අවසානයේ දී ඒකක 2,586.05 ක් ලෙසින් වාර්තා වුණි.

රු. බිලියන 2.67 ක ගනුදෙනු පිරිවැටුමක් අද දින වාර්තා විය.

The post සියලු කොටස් 8,000 පසු කරයි appeared first on Adaderana Biz Sinhala | Sri Lanka Business News.