NXTVISION තාක්ෂණයෙන් බලගන්වා ඇති Qualcomm Snapdragon 662 Octa-core ප්‍රොසෙසරය සහ අඟල් 6.67 FHD+ 60Hz තිරය මගින් ඉහළ කාර්ය සාධනයක් තහවුරු කරන TCL 20L+ ජංගම දුරකථනය Milky Way Black සහ North Star Blue යන මාදිලි දෙකෙන් ම වෙළෙඳපොළට නිකුත් කෙරෙන අතර, එය www.singersl.com වෙබ් අඩවිය මගින්, දිවයින පුරා පිහිටි ඕනෑ ම සිංගර් අලෙවිසැලකින් මෙන් ම ඕනෑ ම බලයලත් අලෙවි නියෝජිතයෙකුගෙන් මිල දී ගත හැකිය.
සිංගර් ශ්‍රී ලංකා සමාගම බලශක්තිය ඉතිරි කරන නිෂ්පාදන ශ්‍රී ලාංකේය වෙළෙඳපොළ වෙත නිකුත් කිරීම කෙරෙහි දැඩි අවධානය යොමු කරන බව පැවසුවහොත් නිවැරදිය. Rheinland Circular Polarization සහතිකය සහ Low Blue Light සහතිකය ලබා ඇති TCL 20L+ ජංගම දුරකථනය 64-megapixel primary shooter, 8 megapixel wide-angle, 2-megapixel macro and 2-megapixel depth cameras ඇතුළුව පසුපස කැමරා හතරකින් සහ Selfie සඳහා වඩාත් සුදුසු 16-megapixel ඉදිරිපස කැමරාවකින් යුක්ත ආකර්ෂණීය කැමරා පද්ධතියකින් සමන්විතය.
මෙම නව නිෂ්පාදනය පිළිබඳව සිංගර් ශ්‍රී ලංකා සමාගමේ ප්‍රවර්ග කළමනාකාර තාරක වර්ණකුලසූරිය මහතා ප්‍රකාශ කළේ මෙවන් අදහසකි. “ශ්‍රී ලංකාවේ පාරිභෝගික ජනතාවට ගුණාත්මක බවින් ඉහළ නිෂ්පාදන අඛණ්ඩව ලබා දීමට අපි සමත් වෙලා තිබෙනවා. අපි උපරිම උත්සහ කරන්නේ මේ රටේ නවීන තාක්ෂණය පරිශීලනය කිරීමට උනන්දුවන පාරිභෝගිකයින්ට ඕනෑ ම තැනක සිට භාවිත කළ හැකි නව තාක්ෂණික මෙවලම් හඳුන්වා දීමටයි. TCL 20L+ කියන්නෙ අපගේ එම උත්සහයට කදිම නිදසුනක්. ඒ වගේ ම TCL 20L+ ඉහළ කාර්ය සාධනයකින් සහ මීළඟ පරම්පරාවේ තාක්ෂණය කෙරෙහි අවධානය යොමුකරමින් නිපද වූ නිෂ්පාදනයක් විදියට හඳුන්වා දීමටත් මම කැමතියි.”
The post සිංගර් ශ්‍රී ලංකා TCL 20L+ සමඟින් සිය ජංගම දුරකථන නිෂ්පාදන පෙළ පුළුල් කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka