සැම්සුන් ඉලෙක්ට්‍රොනික්ස් විසින් Smart නිවාසවල ආරක්ෂාව ඉහළ නැංවීම සඳහා Samsung Knox හඳුන්වා දෙයි

තාක්ෂණ නවෝත්පාදනයේ ගෝලීය ප‍්‍රමුඛයා වන සැම්සුන් ඉලෙක්ට්‍රොනික්ස්,  smart රූපවාහිනී ආරක්ෂා කිරීමටත් සුරක්ෂිත සහ කරදරවලින් තොර smart නිවාස අත්දැකීමක් සහතික කිරීමටත් නිර්මාණය කර ඇති අතිනවීන ආරක්ෂණ පද්ධතියක් වන Samsung Knox හඳුන්වා දුන්නේය.

Smart නිවාස පද්ධති අඛණ්ඩව වර්ධනය වන විට ඩිජිටල් ආරක්ෂාවේ ඇති වැදගත්කම ඉතා තීරණාත්මක වේ. පරිශීලකයින්ට ආරක්ෂිත සහ පහසුවෙන් භාවිත කළ හැකි ඒකාබද්ධ smart නිවාස අත්දැකීමක් ලබා දීම අරමුණු කර ඇති මෙම පද්ධතිය C series සහ උසස් තත්වයේ Smart රූපවාහිනී සඳහා ශ‍්‍රී ලංකාවේදී ළඟදීම ලබා ගත හැකිය.

ඩිජිටල් තාක්ෂණයන් වැඩි වශයෙන් භාවිත කරන වත්මන් ලෝකයේ, විවිධ devices සම්බන්ධ කිරීමේදී smart රූපවාහිනී ප‍්‍රධාන කාර්යභාරයක් ඉටු කරයි. මෙම devices අතර හුවමාරු වන මුරපද (passwords)  වැනි සංවේදී දත්ත ආරක්ෂා කිරීම ඉතා වැදගත් වේ. Samsung Knox මෘදුකාංග සහ දෘඪාංග විසඳුම්වලින් සමන්විත ස්ථර කිහිපයකින් යුතු එහි ආරක්ෂිත ක‍්‍රමවේදය භාවිතයෙන් මෙම අභියෝගයට මුහුණ දෙයි.

සම්බන්ධ කර ඇති devices ආරක්ෂා කිරීම සඳහා Samsung Knox ආරක්ෂිත ස්ථර කිහිපයක් භාවිතා කරයි. එය ආරක්ෂිතව දත්ත හුවමාරු කිරීමට මෘදුකාංග සංකේතනය (encryption) භාවිත කරනු ලබයි. දෘඪාංග වෙන් කිරීම (hardware separation) මගින් එක් device එකකින් තවත් device එකකට දත්ත කාන්දු වීම වැළැක්වීමට උපකාරී වේ. Samsung Knox, Smart TV සහ අනෙකුත් devices අතර සන්නිවේදනය සංකේතනය කිරීමෙන් ස්මාර්ට් නිවස තුළ ආරක්ෂාව වැඩි කරයි. තවද, එය ඔබ අන්තර්ජාලයේ සැරිසැරීමේදී ඔබගේ පුද්ගලික තොරතුරු සොරකම් කිරීමට භාවිතා කළ හැකි වෙබ් අඩවි හඳුනාගෙන අවහිර කර ආරක්ෂිත online අත්දැකීමක් සහතික කරයි.

මීට අමතරව, නවතම තර්ජනවලට විසඳුම් සෙවීමට Samsung Knox නිරන්තරයෙන් ආරක්ෂිත (updates) යාවත්කාලීන ලබා ගැනීමෙන් යාවත්කාලීනව පවතී. ඔබගේ රූපවාහිනිය අන්තර්ජාලයට සම්බන්ධ වූ විට ඔබට මෙම updates පහසුවෙන් ලබා ගත හැක.

Samsung Knox පාරිභෝගිකයින්ට හඳුන්වා දීම සඳහා, සැම්සුන් විසින් GNUSMAS නම් හුරුබුහුටි ඩිජිටල් alien කෙනෙක් හඳුන්වා දී ඇත. එය Knox මගින් ඔබගේ සම්බන්ධිත devices ජාලය එකට ක‍්‍රියා කරන ආකාරය පෙන්නුම් කරයි. සියලූම පරිශීලකයින්ට ආරක්ෂිත සහ පහසු smart නිවාස අත්දැකීමක් ලබා දීමට සැම්සුන් කැපවී සිටින ආකාරය GNUSMAS පෙන්වයි.

මේ පිළිබඳව අදහස් දක්වමින් සැම්සුන් ශ‍්‍රී ලංකා හි කළමනාකාර අධ්‍යක්ෂ SangHwa Song මහතා පැවසුවේ ‘‘Samsung Knox අපගේ පාරිභෝගිකයින්ගේ ආරක්ෂාව සහ පෞද්ගලිකත්වය ආරක්ෂා කිරීමට අප දක්වන කැපවීම පෙන්නුම් කරන කදිම සාක්ෂියක්. Smart නිවාස ecosystems ඉක්මනින් ව්‍යාප්ත වන බැවින්, ඩිජිටල් ක‍්‍රියාකාරකම් හා සබැඳි අපගේ පරිශීලකයින්ගේ ජීවිත ආරක්ෂා කිරීම සඳහා knox වැනි ශක්තිමත් ආරක්ෂක විසඳුම් ලබා දීම අපගේ වගකීම බව අප විශ්වාස කරනවා.’’ යනුවෙනි.

සැම්සුන් ඉලෙක්ට්‍රොනික්ස් යනු නවෝත්පාදනයන් සමඟින් පුද්ගලයින්ගේ ජීවිත වැඩිදියුණු කිරීමට කැපවී සිටින ලෝකයේ ප‍්‍රමුඛතම තාක්ෂණික සමාගම වේ. සිය Smartphones, smart TVs, ගෘහ උපකරණ සහ තවත් බොහෝ නිෂ්පාදන ඇතුළු විවිධ පරාසයක නිෂ්පාදන හරහා සැම්සුන් දෛනික අත්දැකීම් වැඩිදියුණු කිරීම සඳහා බාධාවකින් තොරව එකට ක‍්‍රියා කරන තාක්ෂණ පද්ධතියක් නිර්මාණය කිරීමට අරමුණු කරයි.

The post සැම්සුන් ඉලෙක්ට්‍රොනික්ස් විසින් Smart නිවාසවල ආරක්ෂාව ඉහළ නැංවීම සඳහා Samsung Knox හඳුන්වා දෙයි appeared first on Adaderana Biz Sinhala | Sri Lanka Business News.