ශ්‍රී ලංකාව විසින් ඇමරිකානු ඩොලර් මිලියන 200 ක ණය පහසුකමක් ලබා ගැනීම සඳහා පකිස්තානය සමඟ සාකච්ඡා කිරීම සඳහා අවශ්‍ය පසුබිම සකසමින් පවතින බව භාණ්ඩාගාර ලේකම් එස්. ආර්. ආටිගල මහතා උපුටා දක්වමින් මෙරට ප්‍රධාන ධාරාවේ දිනපතා ඉංග්‍රීසි පුවත්පතක් අනාවරණය කර සිටී.
මෙම ණය පහසුකම තුළින් පකිස්තානයෙන් සහල් සහ සිමෙන්ති ආනයනයට කටයුතු කෙරෙන අතර රාජ්‍ය වාණිජ (විවිධ) නීතිගත සංස්ථාව හරහා එම කටයුත්ත සිදුකෙරෙනු ඇත.
මේ වන විට ශ්‍රී ලංකාව තුළ පවතින දැඩි සිමෙන්ති හිඟය හේතුවෙන් ඉදිකිරීම් කර්මාන්ත අංශය දැවැන්ත පීඩාවකට ලක්ව ඇති පසුබිමක රජය මෙම පියවරට එළඹ තිබේ.
ඊයේ (02) දිනයේ දී ඉන්දියාවේ එක්සිම් බැංකුව සමඟ ගිවිසුමකට මුදල් අමාත්‍යාංශය විසින් අත්සන් තැබූ අතර එහිදී ඉන්දියාවෙන් ඉන්ධන ලබාගැනීම සඳහා ඩොලර් මිලියන 500 ක ණය පහසුකමක් සැපයෙනු ඇත.
The post සහල් සහ සිමෙන්ති ආනයනයට පකිස්තානයෙන් ඩොලර් මිලියන 200ක ණයක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka