සති දෙකක දී ඒ්කක දහසකින් කොටස් වෙළෙඳපොළ පහළට

කොළඹ කොටස් වෙළෙඳපොළ මිල දර්ශක අද (10) දිනයේ දී දරුණු කඩාවැටීමකට ලක්විය. මෙහිදී දිනය තුළ සියලු කොටස් මිල දර්ශක අගය ඒ්කක 231.34 කින් දැවැන්ත ලෙස පහළ ගිය අතර එය පෙර දිනයට සාපේක්ෂව 2.90% ක පහළ යාමකි.

මේ අනුව දිනය අවසානයේ දී සියලු කොටස් මිල දර්ශක අගය ඒ්කක 7,732.43 ක් ලෙසින් වාර්තා විය. කොළඹ කොටස් වෙළෙඳපොළ ඉතිහාසයේ ඉහළම සියලු කොටස් මිල දර්ශක අගය පසුගිය 2021 ජනවාරි 27 දින වාර්තා වූ අතර එදින ඒ්කක 8,812.01 ක් ලෙසින් සියලු කොටස් මිල දර්ශකය සටහන් වුණි.

මේ අනුව පසුගිය සති දෙකක කාලපරිච්ඡේදය තුළ දී ඒ්කක 1,000 කට වඩා වැඩි ප්‍රමාණයකින් සියලු කොටස් මිල දර්ශකය පහළ ගොස් තිබේ.

අද දින සමස්ත ගනුදෙනු පිරිවැටුම රු. බිලියන 5.12 කි.

The post සති දෙකක දී ඒ්කක දහසකින් කොටස් වෙළෙඳපොළ පහළට appeared first on Adaderana Biz Sinhala | Sri Lanka Business News.