සතියක් තුළ දී කොටස් වෙළඳපොළේ 5% ක වර්ධනයක්. රු. බිලියන 33 ක පිරිවැටුමක්

කොළඹ කොටස් වෙළෙඳපොළ සියලු කොටස් මිල දර්ශකය අද (08) දින ගනුදෙනු අවසානයේ දී ඒකක 7,119.53 ක් ලෙසින් වාර්තා විය. මෙය පෙර දිනයට සාපේක්ෂව ඒකක 21.69 ක ඉහළ යාමකි. මේ අතර  2021 වසරේ පළමු ගනුදෙනු සතිය වූ මෙම සතිය තුළ දී  5.10% ක වර්ධනයක් කොළඹ කොටස් වෙළෙඳපොළ සියලු කොටස් මිල දර්ශකය (ASPI) අනුව වාර්තා වී ඇත. වසර ආරම්භයේ දී සියලු කොටස් මිල දර්ශක අගය වාර්තා වූයේ ඒකක 6,774.22 ක් ලෙසිනි. තවද S&P SL 20 දර්ශකය ඒකක 2,638.10 සිට ඒකක 2,704.87 ක් දක්වා 2.53% ක ඉහළ යාමක් මෙම සතිය තුළ දී වාර්තා කර ඇත.

වඩාත් කැපීපෙනෙන සිදුවීම වන්නේ මෙම සතිය තුළ දී රු. බිලියන 33.64 ක සමස්ත ගනුදෙනු පිරිවැටුමක් වාර්තා වීමයි. මේ අනුව 2021 වසරේ මේ දක්වා සාමාන්‍ය දෛනික ගනුදෙන පිරිවැටුම රු. බිලියන 6.72 ක් ලෙසින් සටහන් වේ.

කෙසේ වෙතත් මෙම සතිය තුළ සමස්ත විදෙස් මිල දී ගැනීම් සටහන් වන්නේ රු. මිලියන 563.62 ක් ලෙසිනි. මෙය සතියේ මුළු පිරිවැටුමෙන් 1.67% ක් තරම් පහළ අගයයක් වේ.

මේ වන විට කොළඹ කොටස් වෙළෙඳපොළේ මිල ඉපැයුම් අනුපාතය 11.84 ක් වන අතර සමස්ත වෙළෙඳපොළ ප්‍රාග්ධනීකරණය රු. ට්‍රිලියන 3.11 ක් වේ.

පසුගිය සතිය තුළ දී මිල ඉහළ ගිය සමාගම් අතර බ්‍රවුන්ස් ඉන්වෙස්ට්මන්ට්ස්, LOLC FINANCE, යූනියන් බැංකුව සහ වැලිබල් වන් කැපී පෙනේ. මේ පිළිබඳ සටහනක් පහතින් දැක්වේ.

 

The post සතියක් තුළ දී කොටස් වෙළඳපොළේ 5% ක වර්ධනයක්. රු. බිලියන 33 ක පිරිවැටුමක් appeared first on Adaderana Biz Sinhala | Sri Lanka Business News.