මෙහිදී ඉන්දියානු මහකොමසාරිස්වරයා, එරට ‘National Edible Oil Mission – Oil Palm’ (NEOM-OP) වැඩසටහන යටතේ, විශේෂයෙන්ම කුඩා පරිමාණ වැවිලිකරුවන් ඇතුළුව සමස්ත පාම් තෙල් කර්මාන්තය අත්කරගෙන ඇති සාර්ථකත්වය පෙන්වා දුන්නේය. මහකොමසාරිස්වරයා කියා සිටියේ, එළවලු තෙල්වලින් දේශය ස්වයංපෝෂිත කිරීම සඳහා, ඉන්දියානු අගමැති නරේන්ද්‍ර මෝඩි මහතාගේ සංකල්පයක් අනුව එය ක්‍රියාවට නැංවූ බවයි.
“ශ්‍රී ලංකාවට එළවලු තෙල් වලින් ස්වයංපෝෂිත වීමට උපකාරී වීම සඳහා, NEOM-OP වැඩසටහන සම්බන්ධ අත්දැකීම් ශ්‍රී ලංකාවත් සමග හුවමාරු කරගැනීමට ඉන්දියාව සූදානම්. එමගින් එළවලු තෙල් ආනයනය කිරීම සඳහා වැයවන ඩොලර් මිලියන ගණනක් ඉතිරි කර ගැනීමට ශ්‍රී ලංකාවට හැකියාව ලැබේවි.” ගෝපාල් බග්ලේ මහතා පැවසී ය.
මූලික සාකච්ඡාවෙන් අනතුරුව අදහස් දක්වමින් මහකොමසාරිස්වරයා කියා සිටියේ, කෘෂිකර්මාන්තය සඳහා ඉතාමත් සුදුසු දේශගුණයක් පැවතීම ශ්‍රී ලංකාව ලැබූ ආශීර්වාදයක් බවයි. ආහාරයට ගත හැකි තෙල් වර්ග සම්බන්ධයෙන් පවතින දේශීය ඉල්ලුම සපුරාලීම සඳහා, ශ්‍රී ලංකාව සහ ඉන්දියාව යන දෙරටෙහිම ආයෝජනයන් සිදුකිරීමේ ඉඩකඩ සම්බන්ධයෙන්ද එතුමන් අදහස් දැක්වී ය. එමෙන්ම ශ්‍රී ලංකාව සහ ඉන්දියාව අතර සමීප සහෝදරත්වයේ බැඳීමක් පවතින බව පෙන්වා දුන් බග්ලේ මහතා, ශ්‍රී ලංකාවේ ඔයිල් පාම් වගාව සඳහා විශේෂඥ දැනුම හා උපදෙස් සමගින් පූර්ණ සහයෝගය ලබාදෙන බවද පවසා සිටියේ ය.
විෂ් ගෝවින්දසාමි මහතා ශ්‍රී ලංකා පාම් තෙල් කර්මාන්ත සංගමයේ දූත පිරිසෙහි ප්‍රධානියා ලෙස කටයුතු කළ අතර, ප්‍රාදේශීය වැවිලි සමාගම්, පාම් තෙල් සැකසුම් සමාගම් සහ වැවිලිකරුවන්ගේ සංගමය නියෝජනය කරන පිරිසක්ද මෙම සාකච්ඡාවට සහභාගී වූහ.
The post ශ්‍රී ලංකාව එළවළු තෙල්වලින් ස්වයංපෝෂිත කරවීමට ඉන්දියානු සහාය appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka