මෙම සාකච්ඡාවේදී වැඩි වශයෙන් ප්‍රමුඛත්වයක් ලබා දී ඇත්තේ කොරියාව විසින් සිදු කරනු ලබන සෘජු විදේශ ආයෝජන වැඩි වශයෙන් මෙරටට ආකර්ෂණය කරගන්නා ආකාරය පිළිබදව සහ දැනට මෙරට තුළ ආයෝජනය කර ඇති ආයෝජකයින් සදහා එම කටයුතු වඩාත් පහසු අයුරින් සිදු කිරීමට සුදුසු පරිසරයක් සකස් කර දෙන ආකාරය පිළිබඳවයි.
අද වන විට කොරියාව ඉලෙක්ට්‍රොණික භාණ්ඩ සහ පරිගණක නිෂ්පාදනය තුළින් ගෝලීය වශයෙන් ප්‍රසිද්ධත්වයට පත්ව ඇත.
මේ වන විට හම්බන්තොට ඉදිකෙරෙමින් පවතින ඉලෙක්ට්‍රොනික සහ ඖෂධ කර්මාන්ත කලාපය සඳහා ආයෝජනය කිරීමට කොරියානු සමාගම් දිරිමත් කරන ලෙස ද ආයෝජන මණ්ඩලයේ සභාපතිවරයා විසින් කොරියානු තානාපතිවරයාගෙන් ඉල්ලා සිටියේය.
වරාය නගරයේ සහ ශ්‍රී ලංකාවේ දැනට ක්‍රියාත්මක වන ජල සම්පාදන ව්‍යාපෘති වෙත ආයෝජනය කිරීම සඳහා තවත් කොරියානු සමාගම් සම්බන්ධ කර ගැනීමේ ක්‍රම පිළිබඳව ද ඔවුන් විසින් මෙහි දී සාකාච්ඡා කර ඇත.
කොරියානු ව්‍යවසායකයින් ඇතුළු විදේශීය ආයෝජකයින් සඳහා ශ්‍රී ලංකාව තුළ විශේෂ ආයෝජන කලාපයක් ස්ථාපිත කිරීමට ශ්‍රී ලංකා රජය දරන උත්සාහය පිළිබඳව ද මෙහි දී තානාපතිවරයාගේ ඇගයීමට ලක්වී ඇත. ශ්‍රී ලංකා ආයෝජන මණ්ඩලයේ අඛණ්ඩ සහයෝගය අගය කළ තානාපති සන්තුෂ්, ශ්‍රී ලංකාවේ ආයෝජනය කිරීමට විභව කොරියානු සමාගම්වලට ආරාධනා කරන බව ද සහතික කළ අතර, ඒ අතරතුර විදේශ ආයෝජකයින්ට සහ දැනට සිටින කොරියානු ආයෝජකයින් ඇතුළු ව්‍යාපාරිකයින්ට දිගුකාලීන වීසා බලපත්‍ර ලබා දීම සඳහා ආයෝජන මණ්ඩලයේ සහයෝගය ද ඉල්ලා සිටියේය.
කොරියානු ආයෝජකයින්ගේ සහ ව්‍යාපාරිකයින්ගේ ගැටළු විසඳීම සඳහා ඵලදායී විසඳුම් ලබා දීමටත්, ශ්‍රී ලංකාව තුළ තව තවත් ආයෝජනය කිරීමට කොරියානු ආයෝජකයින් දිරිගැන් වීම සඳහාත් කොරියානු තානාපති කාර්යාලය, ලංකා ආයෝජන මණ්ඩලය සමඟ සමීප සහයෝගයෙන් කටයුතු කරනු ඇත.
මෙම හමුවට ආයෝජන මණ්ඩලයේ අධ්‍යක්ෂ ජනරාල් රේණුකා වීරකෝන් සහ කොරියානු තානාපති කාර්යාලයේ ප්‍රථම ලේකම් LIM Miyeon යන මහත්ම මහත්මීන් ද එක්ව සිටියහ.
The post ශ්‍රී ලංකාවේ ආයෝජනයට කොරියානු සමාගම්වලට ආරාධනා appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka