තොරතුරු තාක්ෂණය, සැකසූ ආහාර සහ පාන වර්ග, විදුලි හා ඉලෙක්ට්‍රොනික නිෂ්පාදන, බෝට්ටු ගොඩනැගීම, සුවතා සංචාරක ව්‍යාපාරය, කුළුබඩු සහ සාන්ද්‍රණය යන ප්‍රධාන අංශ හයක් සංවර්ධනය සඳහා හඳුනා ගැනීමත් සමඟ ජාතික අපනයන උපාය මාර්ගය සකස්කිරීම සඳහා 2017 දී අවකාශය හිමිවිය.නැඟී එන නිෂ්පාදන සහ සේවා අංශ ශක්තිමත් කිරීමට පහසුකම් සපයන මෙම උපාය මාර්ගික සැලැස්ම, අපනයන විවිධාංගීකරණය කිරීම සහ පරිණත නිෂ්පාදන අංශවල තිරසාර බව සහතික කිරීම ද අරමුණු කර ඇත.එම සැලැස්ම 2018-2022 කාලසීමාව සඳහා ජාතික ප්‍රතිපත්තියක් ලෙස ක්‍රියාත්මක කළ අතර එය ශ්‍රී ලංකාවේ ආර්ථික ක්ෂේත්‍රයේ තීරණාත්මක සන්ධිස්ථානයක් සනිටුහන් කළේය.
ඒ අනුව ජාතික අපනයන උපායමාර්ග සැලැස්මේ වර්තමාන මුලපිරීම් මගින් අපේක්ෂා කරනු ලබන්නේ සමකාලීන වෙළඳපල අභියෝග සමඟ සමපාත කිරීමට සහ නැගී එන අවස්ථාවන් උපයෝගී කර ගනිමින් වෙළඳ හා ආයෝජන කේන්ද්‍රස්ථානයක් ලෙස රටෙහි සංවර්ධන ක්‍රියාවලිය වර්ධනය කිරීමේ ක්‍රියාකාරකම් වේගවත් කිරීමයි. එය අපනයන සංවර්ධනය සඳහා ශ්‍රි ලංකාවේ ඉදිරි මාර්ග සිතියම වනු ඇත, එබැවින් ජාතික අපනයන උපායමාර්ග සැලැස්ම ක්‍රියාත්මක කරන සියලුම ආයතන පූර්ණ කැපවීමෙන් තම වගකීමි ක්‍රියාත්මක කළ යුතුය.
වමේ සිට – අපනයන සංවර්ධන මණ්ඩලයේ ප්‍රතිපත්ති සහ උපායමාර්ගික සැලසුම් අධ්‍යක්ෂ කුමුදුනී මුදලිගේ මහත්මිය, අපනයන සංවර්ධන මණ්ඩලයේ සභාපති සහ ප්‍රධාන විධායක නිලධාරී ආචාර්ය කිංස්ලි බර්නාඩ් මහතා, ජාත්‍යන්තර වෙළඳ මධ්‍යස්ථානයේ (ITC) වෙළඳ උපාය මාර්ග සහ තරඟකාරිත්වය පිළිබද ජ්‍යෙෂ්ඨ නිලධාරි,චාල්ස් රොබර්ජ්, මහතා, අපනයන සංවර්ධන මණ්ඩලයේ වැඩ බලන අධ්‍යක්ෂ ජනරාල් මාලනී බද්දේගමගේ මහත්මිය.
The post ශ්‍රී ලංකාව ජාතික අපනයන උපායමාර්ගය යාවත්කාලීන කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka