ශ්‍රී ලංකාවේ දිස්ත්‍රික්ක 25 න් 11 ක නිවාස 3100 කට වැඩි සංඛ්‍යාවක් ආශ්‍රයෙන් රතු කුරුස සංවිධානය සිදුකළ අවශ්‍යතා තක්සේරු කිරීමේ වාර්තාවක් පෙන්නුම් කරන්නේ ආහාර අනාරක්ෂීභාවය, සෞඛ්‍ය, ජීවනෝපායන් සහ මන්දපෝෂණය මූලික කොටගත් අංශ අතර යම්කිසි ආකාරයකින් 96% ක් වත්මන් අර්බුදයෙන් පීඩාවට පත්ව ඇති බවයි.
කායික සුරක්ෂිතතාව සහ ආරක්ෂාව පිරිහෙමින් පැවතීම මෙන්ම කාන්තාවන්ට සහ ළමයින්ට එරෙහි හිංසනය ද පවතී.
මිල අධිකවීම, ආදායම් පීඩාව හෝ ලබාගැනීමට නොමැතිවීම නිසා ආහාර ලබාගැනීමේ උග්‍ර කරදරකාරි ගැටළුද මෙම වාර්තාවෙන් අනාවරණය වී ඇත.
ඉහළයමින් පවතින උද්ධමනය සහ ජීවනෝපායන් අහිමිවීම, වාර්තාගත ලෙස වැඩිවෙන ජීවන වියදම සමඟ පොරබැඳිමේ මිනිසුන්ගේ හැකියාවට අතිශයෙන් බලපෑමක් වී ඇත. ආදායම් අහිමිවීම විශාල ලෙස ආහාර අනාරක්ෂීභාවයට හේතුවන අතර උද්ධමනයෙන් බෙහෙත් මිල වැඩිවීමක්ද ඉන්ධන වියදමින් අත්‍යවශ්‍ය සෞඛ්‍ය සත්කාර ලබාගැනීමේ ප්‍රවේශය වැළැක්වීමක්ද වෙයි.
හදිසි මානුෂවාදී ආධාර සැපයීමක් නොකළ හොත්, දිගුකල් පවතින සහ ක්‍රමයෙන් එකතුවන බලපෑමක් ජනතාව වෙත ඇතිවිය හැකි බවට මෙම වාර්තාව අනතුරු හැඟවීමක් කරයි.
ශ්‍රී ලංකා රතු කුරුස සමාජයේ අධ්‍යක්ෂ ජනරාල් වෛද්‍ය මහේෂ් ගුණසේකර මහතා මෙසේ පැවසීය, “දරුණු ආර්ථික අර්බුදයෙන් මිදීම පිණිස වඩාත් පීඩාවටපත් කණ්ඩායම්වලට හදිසි මානුෂවාදී ආධාර අවශ්‍යය. ජීවිත සුරක්ෂිත කිරීම පිණිස දැන් අපි ක්‍රියාත්මක විය යුතුවෙමු.”
“ප්‍රජාවන් මධ්‍යයේ වැඩකරන අපට අපේක්ෂා භංගත්වය සහ අනාගතය ගැන ඔවුන් තුළ පවතින බිය ගැන හදවතට තදින් දැනෙන කතාන්දර ඇසෙන්න ලැබෙයි. දරුවන් සමඟ ජීවත්වන තනි කාන්තාවන්, ආබාධ සහිත තැනැත්තන්,වැඩිහිටියන්, අනියම් කම්කරුවන් සහ ධීවරයන් ගේ දෛනික ජීවිතය දිවිපැවැත්ම සඳහා වන සංග්‍රාමයක් වී ඇත.”
පීඩාවට පත් ප්‍රජාවන්, රාජ්‍ය නිලධාරීන්, රාජ්‍ය තාන්ත්‍රික ප්‍රජාව හමුවීම සඳහා කොළඹ යෙදුණු සංචාරයකදී කතා කළ ජාත්‍යන්තර රතු කුරුස සහ රතු අඩසඳ සමාජ සම්මේලනයේ ආසියා පැසිපික් කලාපීය අධ්‍යක්ෂ ඇලෙක්සැන්ඩර් මතෙව් මහතා “මෙම වාර්තාව දැනටමත් දරිද්‍රතා රේඛාවෙන් පහළ සිටින, වඩාත් පීඩාවට පත් ජනතාව තවදුරටත් බලාපොරොත්තු සුන්වූ තත්වයට තල්ලු කර ඇති ආකාරය පිළිබඳ ප්‍රත්‍යක්ෂ සාක්ෂියක් සපයයි. මෙම තත්වයේ ප්‍රතිඵලයක් ලෙස, ජනතාව විශාල ලෙස මුදල් ණයට ගැනීමේ, ආහාර අඩුවෙන් ගැනීමේ, දේපල උකස් කිරීමේ සහ අවශ්‍ය මූලික දේවල් සඳහා මුදල් ගෙවීමට දිවිපැවැත්ම උදෙසා වන වෙනත් ක්‍රමෝපායන්හි යෙදී සිටිති.
“අපගේ ප්‍රමුඛතාව වී ඇත්තේ මානුෂවාදී අවශ්‍යතා සපුරාලීමයි. එය සිදුනොකළහොත්, දැනට දැඩි අරගලයක යෙදී සිටින ජනතාව අසරණභාවයේ මගට වැටෙන අතර ඉන් ගැලවීමක් සිදුනොවේ. මේ සම්බන්ධයෙන් ක්‍රියාකිරීමට ඇති කාලය මෙයයි.”
මෙවැනි අවශ්‍යතා පවතින මෙම අවස්ථාවේදීම ජාත්‍යන්තර රතු කුරුස සහ රතු අඩසඳ සමාජ සම්මේලනය ශ්‍රී ලංකා රතු කුරුස සමාජයට ආධාර පිණිස ස්ව්ස් ෆ්‍රෑන්ක් මිලියන 28 ක හදිසි මානුෂවාදී ආධාර ලබාගැනීම පිණිස හදිසි ආයාචනයක් කර ඇත.ජාත්‍යන්තර රතු කුරුස සහ රතු අඩසඳ සමාජ සම්මේලනයේ ආයාචනය ප්‍රකාරව, ජාත්‍යන්තර රතු කුරුස කමිටුව ආර්ථික අර්බුදයෙන් උද්ගතව ඇති මානුෂවාදී ගැටළුවලට ප්‍රතිචාර දැක්වීම පිණිස ශ්‍රී ලංකා රතු කුරුස සමාජයට ආධාර කරන අතර එහිදී සෞඛ්‍ය සත්කාර සේවා පද්ධතියට වෛද්‍ය උපකරණ සහ පීඩාවට පත් ජනතාවට ආර්ථික ආධාර පරිත්‍යාග කිරීම කෙරෙහි අවධානය යොමු කර ඇත.
The post ශ්‍රී ලංකාවේ පීඩාවටපත් ජනතාව “අසරණභාවයේ මාවතට” තල්ලුවීමේ අවදානමක – රතු කුරුසයෙන් වාර්තාවක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka