මහබේරියතැන්න දෙමළ විද්‍යාලයේ සිසුන් 350 ක් පමණ අධ්‍යාපනය හදාරන අතර ඔවුන්ගෙන් වැඩි දෙනෙක් අඩු ආදායම්ලාභී පවුල් පසුබිමක් ඇති අය වේ. දක්ෂ වෛද්‍යවරුන් සහ හෙදියන් කණ්ඩායමක සහය ඇතිව ශ්‍රීලංකන් කෙයාර්ස් විසින් සිසුන්ට මෙන්ම ඔවුන්ගේ ගුරුවරුන්ට ද නොමිලේ සෞඛ්‍ය පරීක්‍ෂණ, දෘෂ්ඨි පරීක්‍ෂණ, විවිධ ප්‍රතිකාර සහ ඖෂධ ලබා දෙන ලදී.
ශ්‍රීලංකන් කෙයාර්ස් සමාජ වගකීම් වැඩසටහන් යටතේ සෞඛ්‍යයට ප්‍රමුඛතාවයක් ලබාදිය යුතු බව හඳුනාගෙන තිබේ. ශ්‍රීලංකන් කෙයාර්ස් ආරම්භයේ සිටම, වඩා හොඳ සෞඛ්‍ය සේවාවක් සහ අධ්‍යාපනයක් සඳහා ප්‍රවේශය ලබා දීම අරමුණු කරගත් ප්‍රජා ව්‍යාපෘති සංවිධානය කිරීම හරහා ශ්‍රී ලංකාවේ අසරණ දරුවන්ගේ ජීවන තත්ත්වය නංවාලීමේ ජාතික ගුවන් සේවයේ ඉලක්කය ඉදිරියට ගෙන යාමට පුළුල් ලෙස කටයුතු කර ඇත. ශ්‍රීලංකන් කෙයාර්ස් පිළිබඳ වැඩි විස්තර සඳහා www.srilankan.com/cares වෙත පිවිසෙන්න.
The post ශ්‍රීලංකන් කෙයාර්ස් මෙහෙයවීමෙන් දිගන දරුවන් වෙනුවෙන් වෛද්‍ය කඳවුරක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka