වෙළෙඳ ශේෂය – වෙළෙඳ ගිණුමේ හිඟය අඛණ්ඩව දෙවන මාසයටත් වැඩිවෙමින්, 2020 වසරේ අප්‍රේල් මාසයේ දී වාර්තා වූ ඒක්සත් ජනපද ඩොලර් මිලියන 840ක සහ 2021 වසරේ මාර්තු මාසයේ දී වාර්තා වූ ඒක්සත් ජනපද ඩොලර් මිලියන 832ක හිඟයන්ට සාපෙක්ෂව, 2021 වසරේ අප්‍රේල් මාසයේ දී ඒක්සත් ජනපද ඩොලර් මිලියන 889ක් දක්වා පුළුල් විය.
2021 වසරේ අප්‍රේල් මාසයේ දී අපනයන හා ආනයන යන දෙ අංශයම ආර්ථික සහ සමාජ කටයුතු සීමා කිරීම් පනවන ලද 2020 වසරේ අප්‍රේල් මාසය හා සැසඳීමේ දී සැලකිය යුතු ඉහළ අගයන් වාර්තා කළ ද, 2021 වසරේ මාර්තු මාසය හා සැසඳීමේ දී පහළ මට්ටමක පැවතුණි.
මේ අතර 2021 ජනවාරි – අප්‍රේල් දක්වා කාලපරිච්ඡේදය තුළ වෙළෙඳ ගිණුමේ සමස්ත හිඟය 2020 වසරේ අනුරූප කාලපරිච්ඡේදය තුළ දී වාර්තා වූ ඒක්සත් ජනපද ඩොලර් මිලියන 2,693ක සිට ඒක්සත් ජනපද ඩොලර් මිලියන 2,948ක් දක්වා පුළුල් විය.
වෙළෙඳ මිල අනුපාතය – අපනයන සහ ආනයන මිල ගනන් අතර අනුපාතය දැක්වෙන වෙළෙඳ මිල අනුපාතය, 2020 වසරේ අප්‍රේල් මාසයට සාපේක්ෂව 2021 වසරේ අප්‍රේල් මාසයේ සියයට 5.5කින් පහළ ගිය අතර, අපනයන මිල ගණන් ඉහළ යෑමට වඩා වැඩි වේගයකින් ආනයන මිල ගණන් ඉහළ යෑම මේ සඳහා හේතුවිය.
The post වෙළෙඳ හිඟය තවදුරටත් පුළුල් වෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka