විසි වසරකට පසු වෙළෙඳ ශේෂය ‘ධන’ වෙයි

2022 වසරේ ජූනි මාසයේ දී, 2002 වසරේ අගෝස්තු මාසයෙන් පසු ප්‍රථම වරට වෙළඳ ගිණුමේ අතිරික්තයක් වාර්තා වූ අතර, ඒ සඳහා මෙතෙක් වාර්තා වූ ඉහළම මාසික අපනයන ඉපැයීම සහ ආනයන වියදමේ  අඛණ්ඩ පහත වැටීම හේතු විය.

සංචාරක උපදේශන හා බැදුණු සෘණාත්මක බලපෑම් සහ ඉන්ධන හිඟය සහ එහි ප්‍රතිඵලයක් ලෙස ප්‍රවාහන දුෂ්කරතා තිබියදීත්, සංචාරක ඉපැයීම් පෙර වසරේ පැවති පහළ පදනමේ සිට 2022 වසරේ ජූනි මාසයේදී (වාර්ෂික ලක්ෂමය පදනම මත) වැඩිවීමක් වාර්තා කර ඇත.

අවිධිමත් විදේශ විනිමය වෙළඳපොළ ක්‍රියාකාරකම්වල වැඩිවීමක් පිළිබිඹු කරමින්, 2022 වසරේ මැයි මාසයට සාපේක්ෂව, 2022 වසරේ ජූනි මාසයේදී විදේශ සේවා නියුක්තිකයන්ගේ ප්‍රේෂණ මන්දගාමී විය.

2022 වසරේ ජූනි මාසයේ දී රාජ්‍ය සුරැකුම්පත් වෙළඳපොළ වෙත විදේශ ආයෝජනයන්හි සුළු ශුද්ධ ලැබීමක් වාර්තා කළ අතර, කොළඹ කොටස් වෙළඳපොළ වෙත විදේශ ආයෝජනයන්හි සුළු ශුද්ධ ගෙවීමක් වාර්තා විය.

අත්‍යවශ්‍ය ආනයන මූල්‍යකරණය සඳහා මහ බැංකුව විසින් විදේශ සංචිත අඛණ්ඩව භාවිතා කළ අතර, එහි ප්‍රතිඵලයක් ලෙස භාවිත කළ හැකි දළ නිල සංචිත ප්‍රමාණය අවම මට්ටමක පවතී.

මේ අතර, අන්තර් බැංකු වෙළඳපොළේ බර තැබූ සාමාන්‍ය එතැන් විනිමය අනුපාතිකය මාසය තුළ දී එ.ජ. ඩොලරයට රුපියල් 360ක මට්ටමක පැවතුණි.

වෙළඳ භාණ්ඩ ශේෂය සහ වෙළඳ මිල අනුපාතය

වෙළඳ ශේෂය : වෙළඳ ගිණුමේ ශේෂය, 2021 වසරේ ජුනි මාසයේ දී වාර්තා වූ එ.ජ ඩොලර් මිලියන 652 ක හිඟයට සාපේක්ෂව 2022 වසරේ ජුනි මාසයේ දී එ.ජ ඩොලර් මිලියන 21ක අතිරික්තයක් වාර්තා කළේය. 2022 වසරේ අගෝස්තු මාසයේ වාර්තා වූ එ.ජ ඩොලර් මිලියන 110ක අතිරික්තයෙන් පසු ප්‍රථම වරට වාර්තා වූ මාසික වෙළඳ ගිණුමේ අතිරික්තය මෙය වේ. මේ අතර, 2022 වසරේ ජනවාරි මාසයේ සිට ජුනි මාසය දක්වා කාලපරිඡ්චේදය තුළ වෙළඳ ගිණුමේ සමස්ථ හිඟය, 2021 වසරේ අනුරූප කාලපරිඡ්චේදය තුළ වාර්තා වූ එ.ජ ඩොලර් මිලියන 4,316 සිට එ.ජ ඩොලර් මිලියන 3,514ක් පහළ ගියේය. වෙළඳ ගිණුමේ සමස්ත හිඟය පහළ යෑම සඳහා බලපෑ ප්‍රධාන අයිතම රූප සටහන 1 මගින් දැක්වේ.

වෙළඳ මිල අනුපාතය : අපනයන හා ආනයන මිල ගණන් අතර අනුපාතය, 2021 වසරේ ජුනි මාසයට සාපේක්ෂව 2022 වසරේ ජුනි මාසයේදී සියයට 5.4කින් පහළ ගිය අතර, අපනයන මිල ගණන් ඉහළ යාමට වඩා වඩා වැඩි වේගයකින් ආනයන මිල ගණන් ඉහළ යෑම මේ සඳහා හේතු විය.