විදේශ ව්‍යවහාර මුදල්වල හිමිකාරීත්වය පිළිබඳව නිකුත් කර ඇති නියමය බලපැවැත්වෙන කාල සීමාව දීර්ඝ කෙරේ

ශ්‍රී ලංකාව තුළ සිටින හෝ නේවාසික පුද්ගලයන් සන්තකයේ පවතින විදේශ ව්‍යවහාර මුදල් බලයලත් වෙළෙන්දෙකු (බලපත්‍රලාභී වාණිජ බැංකුවක් හෝ ජාතික ඉතිරි කිරීමේ බැංකුව) වෙත තැන්පත් කිරීම හෝ විකිණීම සඳහා ප්‍රදානය කරන ලද පොදු සමාකාලය 2022.07.26 දින දක්වා, තවත් වැඩකරන දින 14 ක කාලයක් සඳහා දීර්ඝ කරමින් මුදල් අමාත්‍යවරයා විසින් 2017 අංක 12 දරන විදේශ විනිමය පනතේ 8 වැනි වගන්තිය යටතේ නියමයන් නිකුත් කර ඇත.

වැඩිදුර විස්තර සඳහා 2022.07.05 දිනැති අංක 2287/16 දරන අති විශෙෂ ගැසට් පත්‍රයේ පළ කරන ලද විදේශ විනිමය පනතේ 8 වැනි වගන්තිය යටතේ වන නියමය www.dfe.lk හරහා බාගත කිරීමෙන්/ පිවිසීමෙන් පරිශීලනය කළ හැක.

The post විදේශ ව්‍යවහාර මුදල්වල හිමිකාරීත්වය පිළිබඳව නිකුත් කර ඇති නියමය බලපැවැත්වෙන කාල සීමාව දීර්ඝ කෙරේ appeared first on Adaderana Biz Sinhala | Sri Lanka Business News.