විදේශ තැපැල් ගාස්තු වැඩි වෙන්නේ මෙහෙමයි

2022 අගොස්තු 01 දින සිට බලපැවැත්වෙන පරිදි විදේශ තැපැල් ගාස්තු සංශෝධනය කරනු ලබන බවට සඳහන් කරමින් තැපැල් කාර්යාල ආඥාපනත යටතේ අති විශේෂ ගැසට් පත්‍රයක් නිකුත් කර තිබේ.

මේ අනුව විදේශ ගුවන් තැපැල් සහ විදේශ මුහුදු තැපැල් යන ගාස්තු දෙවර්ගයම ඉහළ යනු ඇත.

මීට පෙර විදේශ තැපැල් ගාස්තු සංශෝධනයක් සිදුව ඇත්තේ 2018 ජනවාරි 01 දින සිට බලපැවැත්වෙන පරිදිය.

අප කළ විමසීමක දී තැපැල්පති රන්ජිත් ආරියරත්න මහතා තහවුරු කළේ මෙවර ගාස්තු සංශෝධනයක් සිදුවන්නේ වසර 4කට වඩා වැඩි කාලයක් ඉක්ම ගොස් තිබෙන පසුබිමක බවයි.

එම ගාස්තු ව්‍යූහයන් හා සැසඳීමේ දී දෙගුණයක් හෝ ඊට වඩා වැඩි ප්‍රමාණයකින් මෙවර විදේශ තැපැල් ගාස්තු වැඩි වී ඇත.

සංශෝධිත සම්පූර්ණ ගාස්තු සටහන ඇතුළත් අති විශේෂ ගැසට් පත්‍රය පහතින් දැක්වේ.

The post විදේශ තැපැල් ගාස්තු වැඩි වෙන්නේ මෙහෙමයි appeared first on Adaderana Biz Sinhala | Sri Lanka Business News.