එහිදී සියලු කොටස් මිල දර්ශක අගය ඒකක 2.59 කින් ඉහළ ගොස් ඒකක 10,527.98 ක් ලෙසින් වාර්තා වූ අතර S&P SL20 දර්ශක අගය ඒකක 4.04 කින් ඉහළ ගොස් ඒකක 2,996.92 ක් ලෙසින් සටහන් වුණි.
අද දින දක්නට ලැබුණු සුවිශේෂී සිදුවීමක් වූයේ රු. බිලියන 12 ඉක්මවූ දෛනික පිරිවැටුමක් වාර්තා වීමයි.
එහිදී දෛනික පිරිවැටුම රු. බිලියන 12.19 ක් ලෙසින් වාර්තා වී ඇති අතර ප්‍රධාන වශයෙන් විදේශීය පාර්ශව දෙකක් අතර සිදුවූ ජෝන් කීල්ස් හෝල්ඩිංග්ස් පීඑල්සී හි කොටස් ගනුදෙනුවක් ඊට හේතු විය.
ජෝන් කීල්ස් හෝල්ඩිංග්ස් පීඑල්සී හි 7 වැනි ස්ථානයට විශාලතම කොටස් හිමියා වූ Citigroup Global Markets Limited Agency Trading Prop Securities A/C විසින් තමන් සතුව තිබූ 61,904,939 ක කොටස් ප්‍රමාණයක් මෙහිදී අලෙවි කර තිබුණි. එය ජෝන් කීල්ස් හෝල්ඩිංග්ස් පීඑල්සී හි ප්‍රකාශිත ප්‍රාග්ධනයෙන් 4.5% ක ප්‍රමාණයකි. මෙම ගනුදෙනුවේ සම්පූර්ණ වටිනාකම රු. බිලියන 11.28 ක් වේ.
මීට පෙර අද දෙරණ Business වාර්තා කළ පරිදිම මෙම ගනුදෙනුව විදේශීය පාර්ශව දෙකක් අතර සිදුවූ ගනුදෙනුවක් ලෙසින් මේ වන විට තහවුරු වී තිබේ.
ඒ අනුව අද දින විදේශීය මිල දී ගැනීම් රු. බිලියන 11.37 ක් ලෙසත් විදේශීය විකිණුම් රු. බිලියන 11.49 ක් ලෙසත් සටහන් වී ඇති අතර දේශීය මිල දී ගැනීම් රු. මිලියන 826 ක් හා දේශීය විකිණුම් රු. මිලියන 700 ක් ලෙසින් සටහන්ව ඇත.
The post විදෙස් පාර්ශව දෙකක් අතර බිලියන 11 ක කොටස් ගනුදෙනුවක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka