විදුලිබල මණ්ඩලයේ සේවකයින්ට දීමනා 36ක්. 10කට කැබිනට් අනුමැතියත් නැහැ – ඇමතිගෙන් අනාවරණයක්

මේ දිනවල විදුලබල මණ්ඩලයේ මානව සම්පත් විගණනයක් සිදුකරනු ලබන බවත්, ඊට අනුව විවිධ දීමනා වර්ග 36 ක් මණ්ඩලයේ නිලධාරීන්ට හා සේවකයින්ට ගෙවනු ලබන බවත් විදුලිබල හා බලශක්ති අමාත්‍ය කංචන විජේසේකර මහතා පවසයි. ඊයේ (26) විකාශය වූ දෙරණ 360 වැඩිසටහන සමඟ එක්වෙමින් අමාත්‍යවරයා මේ බව කියා සිටියේය.

මෙහිදී වැඩිදුරටත් අමාත්‍යවරයා අනාවරණය කළේ, මෙම දීමනා 36 න් 10කට කැබිනට් අනුමැතිය හෝ මහාභාණ්ඩාරයේ අනුමැතිය ලබා ගෙන නොමැති බවයි.

“අපි විදුලිබල මණ්ඩලයේ HR Audit එකක් මේ දවස්වල කරනවා, අපේ සංවර්ධන නියෝජිතායතනවල සහයෝගයෙන්. මේ HR Audit එකේ මට ඇවිල්ලා දීපු මූලික කරුණුවල කිව්වේ, මේ විදුලිබල මණ්ඩලේ නිලධාරීන්ට සේවකයන්ට, විවිධ පුද්ගලයන්ට ගෙවන සියලූම දීමනා වර්ග 36 ක් තියෙනවා. දීමනා වර්ග 36ක් තියෙන ලෝකේ මං හිතන්නේ කිසිම ආයතනයක් එහෙම නැහැ. පරීක්ෂණය කරපු කණ්ඩායම මට ඇවිල්ලා කිව්වා, 36න් 26කට විතරයි 2008 වෙන කොට අනුමැතිය අරගෙන තියෙන්නේ, කැබිනට් මණ්ඩලයේ සහ මුදල් අමාත්‍යාංශයේ. මේක 26 සිට 36 දක්වා වැඩිවෙලා තියෙනවා දීමනා වර්ග, හැබැයි ඒ අවසානයේ දී එකතු වෙච්ච දීමනා වර්ග 10ට අධ්‍යක්ෂ මණ්ඩලයේ අනුමැතියක් මිසක් කැබිනට් මණ්ඩලයේ හෝ මහාභාණ්ඩාගාරයේ අනුමැතියකුත් නැහැ.“

 

The post විදුලිබල මණ්ඩලයේ සේවකයින්ට දීමනා 36ක්. 10කට කැබිනට් අනුමැතියත් නැහැ – ඇමතිගෙන් අනාවරණයක් appeared first on Adaderana Biz Sinhala | Sri Lanka Business News.