මේ අනුව එරත්න ජලවිදුලි බලාගාරය විසින් නිපදවනු ලබන මෙගාවොට් 9.9 ක විදුලි ධාරිතාවක් ලංකා විදුලිබල මණ්ඩලය වෙත අලෙවි කෙරෙනු ඇත.
මෙම ගිවිසුම සඳහා අත්සන් තැබීම 2020 ජූලි 07 දින සිදුකර තිබේ.
තවද මෙම ගිවිසුම 2024 ජූලි 20 දක්වා වලංගු වන අතර එය 2039 ජූලි 14 දින දක්වා තවදුරටත් දීර්ඝ කළ හැකි පරිදි ප්‍රතිපාදන සහිතව අත්සන් කරන ලද්දකි.
මෙරට ප්‍රකෝටිපති ව්‍යාපාරික ධම්මික පෙරේරා මහතා වැලිබල් පවර් එරත්න පීඑල්සී හි සභාපතිවරයා වන අතර එහි පාලක කොටස් හිමිකාරීත්වය ද ඔහු යටතේ පවතී.
2020 මාර්තු 31 න් අවසන් මාස 12 කාලපරිච්ඡේදය සඳහා වැලිබල් පවර් එරත්න පීඑල්සී රු. මිලියන 707 ක බදු ගෙවීමෙන් පසු ලාභයක් වාර්තා කර තිබේ. කෙසේ වෙතත් මූල්‍ය වාර්තා අනුව 2020 මාර්තු 31 දිනෙන් අවසන් කාර්තුව තුළ දී සමාගම රු. මිලියන 19 ක අලාභයක් වාර්තා කර ඇති බව වැඩිදුරටත් සඳහන් වේ.
The post වැලිබල් පවර් ජලවිදුලිය විදුලිබල මණ්ඩලයට appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka