ලංකා IOC සමාගමේ ලාභ සියයට 1,500 කින් ඉහළට

කොළඹ කොටස් වෙළෙඳපොළේ ලැයිස්තුගත සමාගමක් වන ලංකා IOC පීඑල්සී විසින් 2021 සැප්තැම්බර් 30 න් අවසන් කාර්තුවට අදාළ මූල්‍ය වාර්තා ප්‍රකාශයට පත්කර තිබේ.

මෙම මූල්‍ය ප්‍රකාශනයන්ට අනුව 2021 ජූලි – සැප්තැම්බර් කාර්තුව තුළ දී සමාගම උපයා ඇති බදු ගෙවීමෙන් පසු ලාභය රු. මිලියන 284.55 ක් වේ. මෙය 2020 ජූලි – සැප්තැම්බර් කාර්තුව තුළ දී වාර්තා කර තිබෙන රු. මිලියන 17.23 ක බදු ගෙවීමෙන් පසු ලාභය හා සැසඳීමේ දී 1,533% ක දැවැන්ත වර්ධනයකි.

මේ අතර 2021/22 මූල්‍ය වර්ෂයේ පළමු මාස 06 වන 2021 අපේල් සිට සැප්තැම්බර් දක්වා කාලපරිච්චේදය තුළ දී සමාගම විසින් වාර්තා කර ඇති බදුගෙවීමෙන් පසු ලාභය මේ අනුව රු. මිලියන 554.64 ක් වේ.

The post ලංකා IOC සමාගමේ ලාභ සියයට 1,500 කින් ඉහළට appeared first on Adaderana Biz Sinhala | Sri Lanka Business News.