මෙරට පෞද්ගලික අංශය සවිබල ගැන්වීමට SLT-MOBITEL, ‘mPower’ හඳුන්වාදෙයි

ශ්‍රී ලංකාවේ ජාතික තොරතුරු සන්නිවේදන තාක්ෂණ හා ජංගම දුරකථන ජාලය වන SLT-MOBITEL, මෙරට ප්‍රථම වරට පෞද්ගලික අංශය වෙනුවෙන් සැකසු  සුවිශේෂී mPower දුරකථන දීමනාව ජාතික නිදහස් දිනයට සමගාමීව එළිදැක්වීම පසුගියදා සිදු විය.

SLT-MOBITEL විසින් වසර කිහිපයකට පෙර රාජ්‍ය සේවකයින් වෙනුවෙන් හඳුන්වා දුන් දුරකථන පැකේජවල සාර්ථකත්වයත්, සහනදායි මිල ගණන් යටතේ වෙළඳපොළට පැමිණෙන ස්මාර්ට් ජංගම දුරකථන සහ දුරකථන සබඳතා කෙරෙහි වර්ධනය වෙමින් පවතින ඉල්ලුමත් mPower දුරකථන පැකේජය හඳුන්වා දීමට හේතුවිය. නව පැකේජය හරහා අඩුම මිලකට උසස් තත්ත්වයේ ස්මාර්ට් දුරකථන මිලදී ගැනීමට මෙන්ම ඊට සමගාමීව ආකර්ෂණීය දුරකථන සබඳතාවක් හිමිකරගැනීමේ අවස්ථාව ද පෞද්ගලික අංශ සේවකයින්ට උදා වේ. මොබිටෙල් වෙතින් mPower හඳුන්වා දෙන්නේ සියලු ශ්‍රී ලාංකිකයින්ගේ ඩිජිටල්කරණ සූදානම හා කාර්යක්ෂමතාව ඉහළ නැංවීමේ ජාතික දැක්මට අනුව යමිනි. ආකර්ෂණීය පසු-ගෙවුම් දුරකථන පැකේජ හඳුන්වාදීමේ ප්‍රමුඛයා වන මොබිටෙල් සිය mPower දුරකථන පැකේජය හරහා නව ප්‍රතිලාභ රැසක් පෞද්ගලික අංශ සේවකයින් වෙනුවෙන් හඳුන්වා දී ඇත.

“නිරන්තරයෙන් වෙනස්වන ඩිජිටල් ලෝකය තුළ නැතුවම බැරි උපාංගයක් බවට ස්මාර්ට් ජංගම දුරකථන පත් වී හමාරයි. මෙම mPower දුරකථන පැකේජය හරහා පෞද්ගලික අංශයේ සේවකයින්ට සහනදායි මිලකට උසස්  තත්ත්වයේ ස්මාර්ට් ජංගම දුරකථනයක් මිලදී ගත හැකියි. පාරිභෝගිකයන්  කේන්ද්‍රීය කරගත් සමාගමක් වශයෙන් SLT-MOBITEL සෑම දෙනාටම තොරතුරු ලබා ගැනීමට සහ එම තොරතුරු එදිනෙද කටයුතු වෙනුවෙන් ඵලදායි ලෙස යොදා ගැනීම පිලිබඳ වැඩි වටිනාකමක් ලබා දෙන අතර mPower පැකේජය මගින් පහසු සහ සහනදායි මිලකට වඩාත් ඵලදායි සහ කාර්යක්ෂම සේවා ලබා දිමට අප උත්සහ කරයි,” යනුවෙන් mPower දුරකථන පැකේජය පිළිබඳව අදහස් දක්වමින් මොබිටෙල් ප්‍රධාන අලෙවි නිලධාරී ශෂික සෙනරත් මහතා පැවසීය.

පසුගිය පෙබරවාරි 4 වැනිදාට යෙදුනු මෙරට නිදහස් දිනයට සමගාමීව mPower දුරකථන පැකේජය පිරිනැමීම ආරම්භ කරන ලද අතර එමගින් අපගේ නවතම දීමනා සමඟ නිදහස් දිනය සැමරීමට පාරිභෝගිකයින්ට අවස්ථාව උදා විය.

මෙම නවතම හඳුන්වා දීමට සමගාමීව සාමාන්‍ය වෙළඳපොළේ රුපියල් 27,999ක් වන Samsung Galaxy M01s ස්මාර්ට් ජංගම දුරකථනයක්, 29%ක් මිල අඩුවෙන් එනම් රු. 18,900ක විශේෂ මිලකට mPower පැකේජය යටතේ මිලදී ගැනීමේ හැකියාව පාරිභෝගිකයින්ට උදා වී ඇත.

තව ද රුපියල් 1,000ක ආරම්භක ගාස්තුවක් සහිත මෙම පැකේජය යටතේ ඕනෑම දුරකථන ජාලයකට මිනිත්තු 500ක ඇමතුම් කාලයක් ද, 1GB ඩේටා ප්‍රමාණයක් ද මාසිකව හිමි වේ. ඒ සඳහා මාසික ගාස්තුව රු. 350කි. එමෙන්ම අවශ්‍යතාව අනුව ඩේටා ප්‍රමාණය වැඩිකරගැනීමේ පහසුව ද සලසා තිබේ.

පාරිභෝගිකයා කේන්ද්‍ර කරගනිමින් ක්‍රියාත්මක වන SLT-Mobitel, සෑම විටම රාජ්‍ය හා පෞද්ගලික අංශය නියෝජනය කරන තම පාරිභෝගිකයින් ඇතුළු පොදුවේ සියලු ම ශ්‍රී ලාංකිකයින් වෙත ලබාදෙන නිෂ්පාදන හා සේවාවන් නිරන්තරයෙන් ම ඉහළ නැංවීමට කටයුතු කරයි. විශේෂයෙන් ම නවෝත්පාදන සන්නිවේදන විසඳුම් හඳුන්වා දෙමින් ශ්‍රී ලංකාවේ දුරකථන සන්නිවේදන ක්ෂේත්‍රයේ පෙරටුගාමී ගමනක නිරත වීමට ද SLT-Mobitel සමූහය සමත්ව සිටී.

mPower දුරකථන පැකේජය පිළිබඳ වැඩිදුර විස්තර සඳහා www.sltmobitel.lk වෙත පිවිසෙන්න.

The post මෙරට පෞද්ගලික අංශය සවිබල ගැන්වීමට SLT-MOBITEL, ‘mPower’ හඳුන්වාදෙයි appeared first on Adaderana Biz Sinhala | Sri Lanka Business News.