2022 අප්‍රේල් මාසයේදී, පැසිෆික් විශ්වවිද්‍යාලය විසින් එම විශ්වවිද්‍යාලයට අනුබද්ධ ව්‍යාපාර පරිපාලනය පිළිබඳ ශාස්ත්‍රපති උපාධි පාඨමාලා පවත්වාගෙන යාම සඳහා ශ්‍රී ලංකාවේ ඇති සුවිශේෂී විශ්වවිද්‍යාලය ලෙස මෙට්‍රොපොලිටන් ව්‍යාපාර කළමනාකරණ ආයතනය තෝරා ගන්නා ලදී. පැසිෆික් විශ්ව විද්‍යාලය, ජාත්‍යන්තර විශ්වවිද්‍යාල සංගමයේ ලැයිස්තුගත විශ්වවිද්‍යාලයක් වන අතර එය ශ්‍රී ලංකාවේ විශ්ව විද්‍යාල ප්‍රතිපාදන කොමිෂන් සභාව විසින් පිළිගත් උපාධි අධ්‍යයන ආයතනයකි. වසර දෙකක් වැනි කෙටි කාලයක් තුළ අඛණ්ඩව අධ්‍යයන කණ්ඩායම් 11ක් ආරම්භ කර පැවැත්වීම තුලින් විශ්වවිද්‍යාලයක් ලෙස බලාපොරොත්තු වන අධ්‍යයන අපේක්ෂාවන් ඉක්මවා යෑමට මෙට්‍රොපොලිටන් ව්‍යාපාර කළමනාකරණ ආයතනයට හැකි විය.
ලොව පුරා අධ්‍යාපන ආයතන 30 ක් පමණ සමඟ ඒකාබද්ධව කටයුතු කරන පැසිෆික් විශ්ව විද්‍යාලය විසින් නිකුත් කරන ලද පණිවිඩයේ සඳහන් කර ඇති පරිදි, තායිවානයේ පිහිටි එම විශ්වවිද්‍යාලයේ ජාත්‍යන්තර කාර්යාලයේදී මෙට්‍රොපොලිටන් ව්‍යාපාර කළමනාකරණ ආයතනයේ ප්‍රධාන විධායක නිලධාරී සෙල්වරත්නම් නිමල් මහතා වෙත පැසිෆික් විශ්වවිද්‍යාලයේ හොඳම සහකාරිත්වයට හිමි සම්මානය පසුගියදා පිරිනැමීණ. අධ්‍යාපන ආයතනයක් ලෙස වාර්ෂිකව ළඟා කර ගනු ලැබූ ප්‍රවර්ධනය සහ පැසිෆික් විශ්වවිද්‍යාලය සමඟ දැනටත් පවත්වනු ලබන ඵලදායී සන්නිවේදනය සැලකිල්ලට ගනිමින් ඔහු වෙත මෙම සම්මානය පිරිනමන ලදී.
උත්සවයේ ප්‍රධාන ආරාධිත අමුත්තා ලෙස පාර්ලිමේන්තු මන්ත්‍රී ආචාර්ය හර්ෂ ද සිල්වා මැතිතුමා සහ ගෞරවනීය ආරාධිත අමුත්තා ලෙස වෘත්තීය පුහුණු අධිකාරියේ හිටපු සභාපති ආචාර්ය අජිත් කොලොන්න මහතා සහභාගී විය. තවද විශේෂ ආරාධිතයන් ලෙස සාර්ක් (SAARC) සංස්කෘතික මධ්‍යස්ථානයේ නියෝජ්‍ය අධ්‍යක්ෂ ආචාර්ය බීනා ගාන්ධි මහත්මිය මෙන්ම කලාපීය අධ්‍යක්ෂ ප්‍රවීන් මහේන්ද්‍රන් මහතා සහ මෙට්‍රොපොලිටන් ව්‍යාපාර කළමනාකරණ ආයතනයේ අධ්‍යයන කටයුතු පිළිබඳ උපදේශක සහ නවෝත්පාදන, ව්‍යවසායකත්වය හා පර්යේෂණ ක්‍රමවේද පිළිබඳ කථිකාචාර්ය මහාචාර්ය භුෂන් සොන්නාදර මහතා ද මෙම අවස්ථාවට සහභාගී විය.
මෙම උපාධි ප්‍රදානෝත්සවයේදී විද්‍යාර්ථයින් 65 දෙනෙකු වෙත ව්‍යාපාර පරිපාලනය පිළිබඳ ශාස්ත්‍රපති උපාධිය ප්‍රධානය කරන ලද අතර වෙනත් විවිධ කේෂත්‍ර නියෝජනය කරමින් තවත් ඩිප්ලෝමාලාභීන් 60 දෙනෙකු සිය ඩිප්ලෝමා සහතික ලබා ගත්හ.
මෙරට ජාතික නවෝත්පාදන උපායමාර්ගික සංවර්ධනය සඳහා වන අධ්‍යයන හා වෘත්තීය සංවර්ධනයේ පවතින හිඩැස සපුරාලීමේ කාලීන මෙන්ම වැදගත් අවශ්‍යතාවය හඳුනා ගනිමින් ආරම්භයේ සිටම අඛණ්ඩව ඉහළම ප්‍රමිතියෙන් යුත් අධ්‍යාපනය ලබා දීම සම්බන්ධව අද්විතීය ඉතිහාසයක් මෙට්‍රොපොලිටන් ව්‍යාපාර කළමනාකරණ ආයතනය සතුව ඇත.
මෙට්‍රොපොලිටන් ව්‍යාපාර කළමනාකරණ ආයතනයේ සාර්ථකත්වය සඳහා දායක වූ ශාස්ත්‍රීය මණ්ඩලයේ සම්භාවනීය අධ්‍යාපනඥයින්, අනුබද්ධ විශ්වවිද්‍යාල සහ වෘත්තීය ආයතනවල බලධාරීන්, නන් අයුරින් සහයෝගය දැක්වූ රාජ්‍ය සහ ආයතනික අංශයේ ආයතන වෙත මෙට්‍රොපොලිටන් ව්‍යාපාර කළමනාකරණ ආයතනය සිය කෘතඥතාව පළ කරන ලද අතර පශ්චාත් යුධ සමය තුල මෙරට මානව ප්‍රාග්ධන සංවර්ධනය උදෙසා විශාල බලපෑමක් ඇති කිරීමට හැකි වනු ඇති බව ඔවුන්ගේ විශ්වාසයයි.
The post මෙට්‍රොපොලිටන් ව්‍යාපාර කළමනාකරණ ආයතනයේ උපාධි සහ ඩිප්ලෝමා ප්‍රදානෝත්සවය appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka