අද (04) දිනයේ දී ලංකා IOC සමාගමේ නවතම මූල්ය ප්රකාශන, කොළඹ කොටස් වෙළෙඳපොළ වෙත ඉදිරිපත් කරමින් සමාගම මේ බව අනාවරණය කර ඇත.
2022 වසරේ ජනවාරි – මාර්තු කාර්තුව තුළ දී රු. බිලියන 29.48 ක ආදායමක් ඉපයීමට සමාගම සමත්ව තිබීම විශේෂත්වයකි.
මෙහිදී අදාළ කාලපරිච්ඡේදය තුළ දී ලංකා IOC සමාගම ලබා ඇති දළ ලාභය රු. බිලියන 5.01 ක් වන අතර සමාගමේ මෙහෙයුම් ලාභය රු. බිලියන 4.08 ක් ලෙසින් වාර්තා වේ.
බදු ගෙවීමට පෙර සමාගමේ ශුද්ධ ලාභය රු. බිලියන 3.95 කි.
මේ අතර රු. මිලියන 582.37 ක ආදායම් බදු ගෙවීමට සමාගම කටයුතු කර ඇත.
ඒ අනුව 2022 වසරේ ජනවාරි – මාර්තු කාර්තුව වෙනුවෙන් ලංකා IOC සමාගම වාර්තා කර ඇති බදු ගෙවීමෙන් පසු ශුද්ධ ලාභය රු. බිලියන 3.37 ක් හෙවත් රු. කෝටි 337ක් වේ.
මේ අතර අද දිනය තුළ දී ලංකා IOC සමාගමේ කොටස් මිල 32.14% කින් ඉහළ ගොස් තිබේ.
ලංකා IOC සමාගමේ 75.12% ක කොටස් හිමිකාරීත්වය ඇත්තේ ඉන්දියාවේ, ඉන්දියන් ඔයිල් කෝපරේෂන් ලිමිටඩ් සතුවය.
2022 මාර්තු 31 න් අවසන් මූල්ය කාර්තුව සඳහා වන ලංකා IOC සමාගමේ ආදායම් ප්රකාශය පහතින් දැක්වේ.
The post මාස 03ක ලංකා IOC ශුද්ධ ලාභය රු. කෝටි 337 යි. කොටස් මිල 32% කින් ඉහළට appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka