මහජන බැංකුව මෙරට ආර්ථික පුනර්ජීවනය ඉහළ නැංවීමට අසමසම සහයෝගයක් ලබාදෙමින් සිය ඉතිහාසයේ ඉහළම ශේෂ පත‍්‍ර වර්ධනය වාර්තා කරයි

• 2020 වසර තුළදී රුපියල් බිලියන 300 කට අධික ණය පහසුකම් ප‍්‍රදානය කරයි – සමස්ත බැංකු ක්ෂේත‍්‍රයේ ශුද්ධ ණය වර්ධනයෙන් තුනෙන් එකකට ආසන්න ප‍්‍රමාණයක් මහජන බැංකුවෙන්.
• ගනුදෙනුකරුවන් 460,000 කට සහ ව්‍යාපාර 21,000 කට වැඩි පිරිසකට COVID-19 සහන ලබා දීම. මෙය ලංකාවේ මූල්‍ය සේවා සමූහයක් විසින් සිදු කළ දැවැන්තම සහන ලබා දීමයි.
• පළමු ලොක්ඩවුන් කාලය උත්සන්නව තිබූ කාලය තුළ පවා මහජන බැංකු ශාඛා 70% කට වඩා විවෘතව තැබුනු අතර, ඩිජිටල් ක‍්‍රමවේද ද ඇතුළුව සමස්ත අංශ හරහා ක‍්‍රියාත්මක වූ ගනුදෙනු ප‍්‍රමාණය රු. ටි‍්‍රලියනය ඉක්මවයි.
• රජයේ ආර්ථික පුනර්ජීවන සැලැස්මට සවියක් වෙමින් මහජන බැංකුවේ උපායමාර්ගික මුලපිරීම් හරහා ඉහළ සහන පොලී අනුපාත යටතේ ණය යෝජනා ක‍්‍රම රැසක් හඳුන්වා දීම ද සිදු විය.

මහජන බැංකුව 2020 දෙසැම්බර් 31 දිනෙන් අවසන් වූ වර්ෂය සඳහා වන මූල්‍ය වාර්තාවන් ප‍්‍රකාශයට පත් කරමින් ඒකාබද්ධ ශුද්ධ ණය වර්ධනය රු. බිලියන 315.7 ක් ලෙස වාර්තා කරයි. මෙය 2019 වසරට සාපේක්ෂව 21.6% වර්ධනයක් නිරූපණය කරන අතර, එම අගය මෙම කාලය තුළ සමස්ත බැංකු ක්ෂේත‍්‍රය විසින් ප‍්‍ර‍්‍රදානය කරන ලද ශුද්ධ ණයවලින් තුනෙන් එකක් පමණ වේ. ණයවලින් තුනෙන් දෙකකට ආසන්න ප‍්‍රමාණයක් රජයට සහ රාජ්‍ය ව්‍යවසායයන්ට හිමි විය. 2019 අවසන් වන විට එහි ඒකාබද්ධ වත්කම් රුපියල් බිලියන 2,049.8 සිට 17.1% කින් ඉහළ ගොස් රුපියල් බිලියන 2,400.6 ක් කරා ළඟා වූ අතර එහි මුළු තැන්පතු 21.8% කින් වර්ධනය වී රු. බිලියන 1,588.9 සිට රු. බිලියන 1,935.2 දක්වා ළඟා විය. මෙම අගයයන් සියල්ල මහජන බැංකුව විසින් මෙතෙක් වාර්තා කළ ඉහළම අගයයන් වේ. තැන්පතු වර්ධනයෙන් 53.8% ක් ජංගම හා ඉතිරිකිරීමේ ගිණුම් වලින් වාර්තා වී ඇත. මෙමඟින් පෙන්නුම් කරන්නේ ආයතනික සන්නාම ශක්තිය සහ බැංකුව කෙරෙහි තැන්පත්කරුවන්ගේ ඇති විශ්වාසයයි.

කොවිඞ් 19 ආපදා තත්වය තුළ පසුබෑමට ලක්වූ තම ගනුදෙනුකරුවන් 460,000 කට සහ ව්‍යාපාර 21,000 කට වැඩි ප‍්‍රමාණයක් සඳහා මහජන බැංකු සමූහය සහන ලබා දී ඇත. මෙය ලංකාවේ මූල්‍ය සේවා සමූහයක් විසින් සිදු කළ දැවැන්තම සහන ලබා දීමයි. කුඩා ව්‍යාපාරවලට අමතරව සහන ප‍්‍රතිලාභීන් අතරට ත‍්‍රිරෝද රථ හිමියන් 10,500 ක් සහ මගී ප‍්‍රවාහන සේවා සපයන්නන් 7,500 ක් ද ඇතුළත් ය. මීට අමතරව, සමූහයේ ඉහළ සහන පොලී අනුපාත යටතේ විවිධ ණය යෝජනා ක‍්‍රම හඳුන්වා දීම ද සිදු විය. කුඩා හා මධ්‍ය පරිමාණ ව්‍යවසායකයන් නඟාසිටුවීම සඳහා රුපියල් බිලියන 27.0 කට ප‍්‍ර‍්‍රදානය කර ඇති අතර, ඊට සෞභාග්‍යා ණය යෝජනා ක‍්‍රම ඔස්සේ යොමු කළ රු. බිලියන 13.7 ක් ද කෘෂිකාර්මික අංශය වෙනුවෙන් යෙදවූ රුපියල් බිලියන 10.0 ක් ද ඇතුළත් වේ. කාන්තා ව්‍යවසායකත්වය ප‍්‍රවර්ධනය කිරීම ඇතුළුව විශ්ව විද්‍යාල සිසුන්, ගුරුවරුන්, නළු නිළියන්, සංගීතඥයින් සහ වෙනත් වෘත්තිකයින්ට සහාය වීම සඳහා රු.මිලියන 780.0 ක ණය පහසුකම් පුළුල් කරන ලදි. ඒවායින් බොහොමයක් 2020 වසරේ අග භාගයේදී ලබාදීම සිදු කෙරිණි. 2020 වසරේ අවසන් මාස කිහිපය තුළදී නිවාස හා ඉදිකිරීම් අංශයේ අභිවෘද්ධිය උදෙසා මහජන බැංකුව විසින් නිවාස ණය පහසුකම් 9,000 කට අධික ණය ප‍්‍රමාණයක් ප‍්‍ර‍්‍රදානය කිරිම වෙනුවෙන් රු.බිලියන 105.0 කට වඩා වැඩි ප‍්‍රමාණයක් වැය කර තිබේ. කෙසේ වෙතත්, මේ සියලූ දෑ අවසානයේදී ඒකාබද්ධ ශුද්ධ පොලී ආදායම රු. බිලියන 74.4 ක් දක්වා 5.3% කින් පහත වැටී ඇති අතර එයින් පිළිබිඹු කරන්නේ රු.බිලියන 5.0 කට වැඩි ඒකාබද්ධ පොලී සහන ලබාදීමයි.

ගාස්තු නිදහස් කිරීම්, සහන සහ වෙළඳ මූල්‍ය ක‍්‍රියාකාරකම්වල පහත වැටීම පිළිබිඹු කරමින් ඒකාබද්ධ ශුද්ධ ගාස්තු ආදායම රු. බිලියන 7.3 ක් වූ අතර එය 2019 දී රු. බිලියන 8.2 ට වඩා 10.2% ක අඩුවීමකි. ඒකාබද්ධ මෙහෙයුම් ආදායම රුපියල් බිලියන 90.8 ක් කරා ළඟා වූ අතර එය 2019 දී වාර්තා කළ රුපියල් බිලියන 96.5 ට සාපේක්ෂව 5.8% ක අඩුවීමකි. 2020 වසර අවසන් වන විට සමූහයේ අදියර 3 යටතේ වාර්තා කරන ණය ප‍්‍ර‍්‍රමාණය, එහි මුළු ණය ප‍්‍රමාණයෙන් 9.5% ක් නියෝජනය කරමින් ඒකාබද්ධ හානිකරණ අලාභයන් 50.4% කින් රු. බිලියන 17.6 ක් දක්වා ඉහළ ගොස් තිබේ. රජය සතු ව්‍යවසායයන් හැරුණු විට 2020 වසර අවසන් වන විට එහි දළ අක‍්‍රීය ණය අනුපාතිකය 6.2% ක් විය.

සමස්ත ඒකාබද්ධ මෙහෙයුම් වියදම් රු.බිලියන 43.9 ක් වන අතර එය 2019 දී වාර්තා වූ රු.බිලියන 47.6 හා සසඳන විට රු.බිලියන 3.7 ක් හෝ 7.7% ක අඩුවීමකි. මෙයින් පිළිබිඹු වන්නේ සමූහය විසින් සකසුරුම්ව සිය වියදම් අඩු කිරීමයි. 2020 වර්ෂය තුළ රජයට ලබා දී ඇති ඒකාබද්ධ බදු සහ ලාභාංශ ප‍්‍රමාණය රුපියල් බිලියන 16.8 ක් (2019: රු.බිලියන 25.1). ඒකාබද්ධ බදු පසු ලාභය රුපියල් බිලියන 16.1 ක් වන අතර එය 2019 ට වඩා 0.5% ක අඩුවීමකි. බැංකුවේ ස්වාධීන පදනම මත එය රු. බිලියන 14.2 ක් වූ අතර එය 2019 වර්ෂයේ රු.බිලියන 12.9 ට සාපේක්ෂව 9.7% ක වර්ධනයකි.

2020 අග වන විට බැංකුවේ ඒකාබද්ධ ස්ථර I සහ සමස්ත ප‍්‍රාග්ධන අනුපාතිකයන් පිළිවෙලින් 10.7% සහ 15.6% ක් විය. (2019 : 11.6% සහ 14.9%). බැංකු ස්වාධීන පදනම මත එය පිළිවෙලින් – 9.5% සහ 15.5%ක් වේ. (2019: 10.7% සහ 14.7%)

මෙම ප‍්‍රතිඵල වාර්තා පිළිබඳව අදහස් දක්වමින් මහජන බැංකුවේ සභාපති සුජීව රාජපක්ෂ මහතා මෙසේ පැවසීය.

මින් පෙර නොවූ විරූ ආකාරයේ අසාමාන්‍ය අභියෝගාත්මක වසරක් වූ මෙම වසරේදී, මහජන බැංකුව උපරිම කාර්යක්ෂමතාවකින් අනගි සේවාවක් ලබාදීම සඳහා සීමාවන් අතික‍්‍රමණය කරමින් කටයුතු කළා පමණක් නොව, මින් ඉදිරියට ඇතිවිය හැකි අනපේක්ෂිත අවපාතයන්ගෙන් ආර්ථිකය ආරක්ෂා කිරීමටත්, එහි පුනර්ජීවනයට රජය දරන උත්සාහයට සහයෝගය ලබාදීම ද සිදු කරනු ලැබිණ. 2020 දී අපගේ සාර්ථකත්වය මනිනු ලබන්නේ වෙනත් වසරවලදී මෙන් සාමාන්‍ය පරිදි ඉහළ පෙළකින් හෝ පහළම තලයකින් නොව, තීරණ ගැනීමේ සෑම ක‍්‍රියාවලියකදීම අප හදවතේ රජ කළ ජාතිකත්වයේ හැඟීම සහ ගනුදෙනුකාර කේන්ද්‍රීයතාවය අනුව ය. අවශ්‍යතාවයන් හා අභියෝග හමුවේ උපරිම දායකත්වයක් ලබාදීමට ඇති හැකියාව මෙම ආයතනය සහ එය පවත්වාගෙන යන පුද්ගලයින්ගේ කැපවීමත්, ධාරිතාවයත් මනාව විදහා දක්වයි. ඉහත සියලූ කරුණුවලින් අවබෝධ වන්නේ අපගේ සේවය මෙතනින් අවසන් නොවන බවයි. ආර්ථිකය පුනර්ජීවනයේ මුල් අවධියේ සලකුණු පෙන්වමින්, අපගේ පෙර සාර්ථකත්වයන් ගැන ද සැලකිලිමත් වෙමින්, අප ඉදිරියේ ඇති අභියෝග පිළිබඳව දැනුවත්ව පැහැදිලි අවබෝධයකින් සිටින අතරම, අනාගතය කෙරෙහි දැවැන්ත සැලසුම් හා සුබවාදී බලාපොරොත්තුවක් අප තුළ ඇති බව මතක් කළ යුතු ය.

අතිගරු ජනාධිපතිතුමන්ට සහ ගරු අග‍්‍රාමාත්‍යතුමන්ට, ඔවුන්ගේ නායකත්වය සහ මග පෙන්වීම පිළිබඳව අවංක අගය කිරීම අධ්‍යක්ෂ මණ්ඩලය වෙනුවෙන් තමා විසින් පිරිනමන අතරම සෑම විටම වටිනා උපදෙස් ලබාදීම පිළිබඳව රාජ්‍ය භාණ්ඩාගාර ලේකම්, මහ බැංකු අධිපති සහ ඔවුන්ගේ කණ්ඩායම් වෙත අවංක ස්තූතිය පිරිනමන බව රාජපක්ෂ මහතා වැඩිදුරටත් සඳහන් කර සිටියි. අවසාන වශයෙන්, ප‍්‍රධාන විධායක නිලධාරී/ සාමාන්‍යාධිකාරී තුමන්ගේ ආදර්ශමත් නායකත්වය සහ සෑම ස්ථරයකම සිටින සේවකයින්ගේ ප‍්‍රශංසනීය කැපවීම වෙනුවෙන් ස්තූතිවන්ත වන අතර සියලූ දෙනාගෙම සහභාගිත්වය නොමැතිව මෙම සාර්ථකත්වය කිසිසේත් ලබාගත නොහැකි බව ද රාජපක්ෂ මහතා පවසයි.

මහජන බැංකුවේ ප‍්‍රධාන විධායක නිලධාරී / සාමාන්‍යාධිකාරී – රංජිත් කොඩිතුවක්කු මහතා මෙසේ පැවසීය.

”2020 යනු බොහෝ අංශයන් සළකා බලන කල්හි තවත් එක් සාමාන්‍ය වර්ෂයක් නොවේ. එය සියලූ ආයතනවල ඩිජිටල් හා තාක්ෂණික හැකියාවන් මෙන්ම සැලසුම් එක හා සමානවම ලිට්මස් පරීක්ෂණයන්ට භාජනය කළ වර්ෂය විය. එමෙන්ම එය ගනුදෙනුකරුවන් කේන්ද්‍රගත කරගැනීම විශේෂයෙන්ම සිදු වූ වර්ෂයයි. මෙම බොහෝ අවස්ථාවලදී අපගේ සේවාවන් ලබාදීම වඩාත් හොඳින් අර්ථ දැක්වෙන්නේ, රට වසා ඇති කාලය තුළදී පවා ශාඛා 70% කට අධික ප‍්‍රමාණයක් විවෘතව තබා ගැනීමට ඇති හැකියාව, ගනුදෙනුකරුවන්ට ණය සහන සැලසීමේ පළමුවෙනියා වීමේ හැකියාව සහ මින් පෙර සිදු නොවූ ආකාරයකින් තැන්පතු බලමුලූ ගැන්වීමට සහ ණය ලබා දීමට ඇති හැකියාව වැනි කරුණු මතයි. මීට අමතරව, මහජන බැංකුවේ මෙහෙයුම් සහ උපකාරක සේවාවන්හි ගුණාත්මක බව සළකා බලන කල්හි, ඒවා 99.0% ක අවස්ථාවන්හීදි අඛණ්ඩව පවත්වා ගෙන යනු ලැබිණි. ඩිජිටල් අංශය ද ඇතුළුව රුපියල් ටි‍්‍රලියන 1.0 කට වඩා වැඩි ගනුදෙනු පරිමාවන් ප‍්‍රමාණයක් සිදු කිරීම, මානව හා තාක්ෂණික යන දෙඅංශයෙන්ම මහජන බැංකුවට ඇති හැකියාව මැනවින් පිළිබිඹු කරයි.”

ඊට අමතරව, ප‍්‍රාග්ධන වියදම් අඩු කිරීම සහ ඉහළ ප‍්‍රමුඛතා / අත්‍යවශ්‍ය සේවා අංශ සඳහා ණය ලබා දීම කෙරෙහි අවධානය යොමු කිරීම වැනි ආයතනයේ ආරක්ෂාව සහ ස්ථාවරත්වය සහතික කිරීම සඳහා පියවර කිහිපයක් ද ගන්නා ලද බව ඔහු තවදුරටත් පැවසීය.

”එවැනි ප‍්‍රයත්නයන්හි අනිවාර්ය අංගයක් බිහි කරමින් මහජන බැංකුව, බාසල් III, 2වන ස්ථරයේ ණයකර ඔස්සේ රු. බිලියන 20.0 ක් රැුස් කළේය. මෙය එතෙක් මෙතෙක් ලාංකීය ඉතිහාසයේ මූල්‍ය ආයතනයක් විසින් සිදු කර ඇති විශාලතම නිකුත් කිරීම වේ. සභාපතිතුමන්ට සහ අධ්‍යක්ෂ මණ්ඩලයට, ඔවුන් දක්වන්නාවූ සාර්ථක නායකත්වයේ ගුණාංගයන්ට සහ මාගේ සමස්ත කණ්ඩායම විසින් දරන වෙහෙසකර උත්සාහය සහ නොසැලෙන කැපවීම පිළිබඳව මම ස්තූතිවන්ත වන අතර, මෙරට ආර්ථිකය මෙන්ම මහජන බැංකුවේ ඉදිරිය සම්බන්ධයෙන්ද සුබවාදී ආකල්පයක් අපි සියලූ දෙනා දරන්නෙමු.”

මහජන බැංකුව දිවයිනේ ප‍්‍රමුඛතම බලපත‍්‍රලාභි වාණිජ බැංකුවක් වන අතර දිවයින පුරා විහිදුනු ශාඛා හා සේවා මධ්‍යස්ථාන 741 කින් සහ 8000 කට අධික කාර්ය මණ්ඩලයකින් සමන්විතය. මහජන බැංකුව සිය පුරා හැට වසරක ඉතිහාසය තුළ මිලියන 14 කට අධික ගනුදෙනුකරුවන් පිරිසකට සේවා සපයමින් මිලියන 19 කට අධික ගනුදෙනුකාර සම්බන්ධතාවයන් සහිතව දිවයිනේ විශාලතම මූල්‍ය සේවා සපයන්නා බවට පත්ව ඇත. 1961 අංක 29 දරණ පනතින් මහජන බැංකුව ස්ථාපිත කළ අතර, දිගු කලක් මු`ඵල්ලේ ෆිච් රේටින්ග් ශ්‍රේණිගත කිරීමේදි (AA-(IKA/Stable) යන ශ්‍රේණිගත කිරීම තහවුරු කරගැනීමට සමත්ව ඇත.

ඩිජිටල්කරණයේ ප‍්‍රතිලාභ මුඵ රටටම ලබාදී එය ගනුදෙනුකරුවන් හට වඩාත් සමීප කිරීමේ අරමුණින් මහජන බැංකුව 2015 දී ඩිජිටල් බැංකුකරණයට පිවිසියේය. එතැන් සිට බැංකුවේ පහළම ස්ථරයේ සිට ඉහළම ස්ථරය දක්වා සියලූ මෙහෙයුම් අංශ ඇතුළත් වන පරිදි සමස්ත මෙහෙයුම් ආකෘතියම ආවරණය කරමින් අංග සම්පූර්ණ ඩිජිටල්කරණ ව්‍යාපෘතියක් දියත් කරමින් සිය ගනුදෙනුකරුවන්ට ඩිජිටල් බැංකු විසදුම් ලබාදීමට මහජන බැංකුවට හැකිවිය. එමෙන්ම මහජන බැංකුව අන්තර්ජාතික ප‍්‍රමිතිකරණ තොරතුරු ආරක්ෂණ කළමනාකරණ ISO/IEC 27001:2013 තත්ව සහතිකයෙන් ද පිදුම් ලබා ඇති මෙරට එකම බැංකුවද වෙයිග මෙම සම්මානය තොරතුරු ආරක්ෂණ කළමනාකරණය සම්බන්ධයෙන් සිදු කෙරෙන ඉහළම අන්තර්ජාතික ඇගයීමක් ලෙස සැලකෙන අතර, මේ හේතුවෙන් ඩිජිටල් ගිණුම් වල ආරක්ෂාවද වඩාත් තහවුරු වී ඇත.

රාජ්‍ය බැංකුවක් ලෙස, ඩිජිටල් මූල්‍ය සේවාවන් මෙරට ග‍්‍රාමීය ප‍්‍රදේශ වෙතද ව්‍යාප්ත කිරීමේ සුවිශේෂී මෙහෙවරක නිරත වී සිටින මහජන බැංකුව, ශ‍්‍රී ලංකාව ඩිජිටල් සමාජයක් බවට පරිවර්තනය වන ගමන් මග තුළ සුවිශේෂි කාර්යභාරයක නිරතවී සිටී.

ඡායා – මහජන බැංකුවේ සභාපති සුජීව රාජපක්ෂ මහතා සහ ප‍්‍රධාන විධායක නිලධාරී/ සාමාන්‍යාධිකාරී රංජිත් කොඩිතුවක්කු මහතා

The post මහජන බැංකුව මෙරට ආර්ථික පුනර්ජීවනය ඉහළ නැංවීමට අසමසම සහයෝගයක් ලබාදෙමින් සිය ඉතිහාසයේ ඉහළම ශේෂ පත‍්‍ර වර්ධනය වාර්තා කරයි appeared first on Adaderana Biz Sinhala | Sri Lanka Business News.