ශ්‍රී ලංකා සුරැකුම්පත් සහ විනිමය කොමිෂන් සභාවෙහි (SEC) අනුමැතිය මත කොළඹ කොටස් හුවමාරුව (CSE) විසින් කොටස් තැරැව්කාර සමාගම් සඳහා වඩාත් යෝග්‍ය ප්‍රතිපත්ති අඩංගු මාර්ගෝදේශන මාලාවක් පසුගිය දා නිකුත් කළ අතර හැකි ඉක්මනින් එය අනුගමනය කිරීම සහ ක්‍රියාවට නැංවීමට බලාපොරොත්තු වන බව මීට පෙර නිවේදනය කරන ලදී. මෙම මාර්ගෝදේශන සංග්‍රහය සඳහා සුරැකුම්පත් සහ විනිමය කොමිෂන් සභාව විසින් 2021 ජනවාරි 13 වන දින අනුමත කර කොටස් තැරැව්කාර සමාගම්වල ප්‍රධානීන් විසින්ද එකඟතාව පළ කරන ලද බව මීට පෙර ප්‍රකාශ වී තිබුණි.
කෙසේ වෙතත් ඊයේ සාකච්ඡාවේ දී තැරැව්කාර සමාගම්වල ප්‍රධානීන් සඳහන් කර ඇත්තේ, මෙම මාර්ගෝපදේශන හරහා ආයෝජකයින් වෙත ලබාදෙන ණය පහසුකම් නැවැත්වීම පිළිබඳ මතයක් ඇති වී ඇති බවයි.
කෙසේවෙතත් සුරැකුම්පත් කොමිසම මේ සඳහා ප්‍රතිචාර දක්වමින් පවසන්නේ තැරැව්කාර සමාගම්, සිය ගනුදෙනුකරුවන් වෙත ලබා දෙන ආන්තික ණය පහසුකම් පිළිබඳව, මෙතෙක් ඒම ආයතන විසින් මාසයකට වරක් හෝ සති දෙකකට වරක් ලබා දුන් වාර්තා මේ වන විට සතියකට වරක් ලෙස වන පරිදි ඉල්ලා තිබෙන බවයි. වර්තමානයේ දී කොටස් වෙළෙඳපොළේ ඇති වී තිබෙන ඉහළ ගනුදෙනු ක්‍රියාකාරීත්වය ඊට හේතු වී ඇති බවත්, ඒම ක්‍රියාමාර්ගය හරහා තැරැව්කාර ආයතන විසින් ඔවුන්ගේ ගනුදෙනුකරුවන් වෙත ලබා දෙන ණය පහසුකම් නැවැත්වීමට කිිිිිිසිදු වුවමනාවක් සුරැකුම්පත් හා විනිමය කොමිසමට නොමැති බවත් ඒහි ප්‍රකාශකයෙකු අද දෙරණ Biz වෙත කියා සිටියේය.
සබැඳි පුවත්,
සුරැකුම්පත් කොමිසම හා කොටස් තැරැව්කරුවන් අතර හදිසි හමුවක් අද
February, 11, 2021
කොටස් තැරැව්කාර සමාගම් සඳහා මාර්ගෝපදේශ සංග්‍රහයක්. තැරැව්කරුවන්ගේ ගෙවීම් 30%ක ස්ථායී මට්ටමකට
February, 1, 2021
The post බ්‍රෝකර් ක්‍රෙඩිට් නවත්වන්න අපිට අවශ්‍යතාවයක් නැහැ – කොටස් වෙළෙඳපොළ නියාමකයා අවධාරණය කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka