පෙට්‍රල් ලීටරයකින් ෂෙඩ් එකට ලැබෙන කොමිස් මුදල ගැන ඇමතිගෙන් අනාවරණයක්

ඉන්ධන පිරවුම්හල් හිමියන් වෙත ඉන්ධන බෙදාහැරීමේ දී ලබා දෙන කොමිස් මුදල සම්බන්ධයෙන් අධිකරණය විසින් ලබා දී තිබුණු අතුරු තහනම් නියෝගය පසුගිය දා ඉවත් කළ බවත්, ඒ අනුව 2018 ගත් තීන්දුවක් අනුව අද වන විට පෙට්‍රල් ලීටරයක් රු. 450 කට අලෙවි කළ ද ඒ සඳහා ලබා දෙන කොමිස් මුදල රු. 4.80 ක් වන බව බලශක්ති අමාත්‍ය කංචන විජේසේකර මහතා පවසයි.

ඊයේ (25) 360 සජීවී දේශපාලන සංවාදාත්මක වැඩසටහන හා එක්වෙමින් අමාත්‍යවරයා මේ බව දීර්ඝ ලෙස පැහැදිලි කරමින් වැඩිදුරටත් මෙසේ කියා සිටියේය.

ඒ වෙලාවේ තිබුණේ තෙල් මිල පහළ යන කොට cap එකක් සහ ඉහළට යන කොට cap එකක් තියෙන්න ඕනේ කියලා තමයි ඒ වෙලාවේ ඛනිජ තෙල් සංස්ථාවේ කළමනාකාරීත්වය තීරන්දුවක් අරගෙන තිබුණේ. නමුත් ඒක අභියෝගයට ලක් කළා, අදිකරණයේ පිරවුම්හල් හිමියන් විසින්. ඉන්ධන හල් හිමිකරුවන්ගේ කණ්ඩායමක් ගිහින් මේක අභියෝගයට ලක්කරලා තිබුණාම ඔවුන් ඉල්ලීමක් කරලා තිබුණා 3% ක කොමිස් මුදලක් ලබා දීම තමයි ඉල්ලීම කරලා තිබුණේ. ගියා සිකුරාදා උසාවියේ ලබා දීලා තිබුණු අතුරු තහනම් නියෝගය ඉවත් කිරීමට පියවර ගත්තා. අතුරු තහනම් නියෝගයක් ලබාදීලා තිබුණේ අර අධ්‍යක්ෂ මණ්ඩලය ගත්ත තීන්දුව ක්‍රියාත්මක කිරීමක් කරන්න එපා, 3% මුදල ක්‍රියාත්මක කරන්න කියලා. ඒක තමයි ලබා දීලා තිබුණු තීන්දුව.

අධිකරණය අතුරු තහනම් නියෝගය ඉවත් කරලා ලබා දුන්නත් විත්තියේ වාසියට මේ නඩුවේ කරුණු ඉදිරිපත් වී ඇති බැවින්, නඩුවේ අවසාන තීන්දුව නොමැති වුණත් අතුරු තහනම් නියෝගය ඉවත් කරන්න කටයුතු කරනවා කියලා. එතකොට අපේ පැත්තෙන් වෙන කරන්න දෙයක් නැහැ, උසාවියෙන් ඒ අතුරු තහනම් නියෝගය ගත්තාට පස්සේ ඉස්සරහාට ඒ තීන්දුව ක්‍රියාත්මක කිරීම. ඒ අනුව තමයි අපි අර cap එකට අවශ්‍ය ප්‍රමාණයට ගියේ.

අද දවසේ 450 මුදලට තියෙන එකට පෙට්‍රොල් 92, සියයට 3 කොමිස් මුදල එනකොට ඩීලර් මාර්ජින් එක 13.32 යි. එතකොට ඩීසල් ලීටරයක් රු. 440 ට තියෙන කොට 3% කොමිස් මුදලට එනකොට ඩීලර් මාර්ජින් එක 13.20 යි.

හැබැයි අර උසාවි තහනම් නියෝගය ඉවත් කළාට පස්සේ තිබුණු පරණ අධ්‍යක්ෂක මණ්ඩලේ තීන්දුවට අනුව 450 ට පෙට්‍රල් ලීටරයක් විකුණුවාට ඩීලර් මාර්ජින් එක 4.80 යි. ඩීසල් ලීටරයක් 440ට විකුණන කොට ඩීලර් මාර්ජින් එක 3.58 යි. එතකොට රු. 10 ක වෙනසක් තියෙනවා ඒ ඇතුලේ.

මේ 2018 ගත්ත තීන්දුවක්. අපිට පිරවුම්හල් හිමිකරුවන් ඇවිල්ලා කිව්වා මෙහෙම කරන්න එපා. පිරිවැය වැඩිවෙලා තියෙන්නේ. සේවකයින්ගේ පඩි වැඩිවෙලා තියෙන්නේ. දැන් තියෙන අනෙකුත් හැම ක්ෂේත්‍රවලම පඩි වැඩි කරලා තියෙනවා. ඒ නිසා මේ ප්‍රමාණයට අඩු කළොත් එහෙම ඔවුන්ට දරා ගන්න බැරි මුදලක් බවට පත්වෙනවා කියලා.

ඒ නිසා ඔවුන් ඉල්ලීමක් කළා, මේක අගෝස්තු මාසය අවසන් වෙනකම් මෙහෙම යන්න.

The post පෙට්‍රල් ලීටරයකින් ෂෙඩ් එකට ලැබෙන කොමිස් මුදල ගැන ඇමතිගෙන් අනාවරණයක් appeared first on Adaderana Biz Sinhala | Sri Lanka Business News.