නොයෙල් ජෝශප් මහතා ශ‍්‍රී ලංකාවේ සහ විදේශයන්හි ඉංජිනේරු සහ ඉංජිනේරු උපදේශන ක්ෂේත‍්‍රයේ වසර 32 කට වැඩි පළපුරුද්දක් ඇති ඉහළ සුදුසුකම් ලත් සහ ගෞරවනීය ඉංජිනේරුවරයෙකු මෙන්ම උපදේශකවරයෙකි. දශක තුනකට අධික ඉංජිනේරු ක්ෂේත‍්‍රයේ අත්දැකීම් සමග ඔහු විසින් පවත්වාගෙන යනු ලබන NJ Consultants සමාගම මෙරට ක‍්‍රියාත්මක වන ප‍්‍රමුඛ පෙළේ ඉංජිනේරු උපදේශන සමාගමක් වන අතර මේ වන විට මහා පරිමාණයේ ඉංජිනේරු ව්‍යාපෘතින් 200කට අධික සංඛ්‍යාවකට උපදේශන සේවා සැපයීමට සමත් වී සිටී.
ඔහුගේ විශේෂඥතාව සහ නායකත්වය මත NJ Consultants සමාගම සත්කාරක ක්ෂේත‍්‍රයට මෙන්ම සහ කාර්මික සංවර්ධන ක්ෂේත‍්‍රයට අදාළ ව්‍යාපෘති විශාල සංඛ්‍යාවකට උපදේශනය ලබා දී ඇත. Ritz Carlton – Maldives, Cheval Blanc Randheli – Maldives, Altex EPZ – Kenya, EAM Maliban Project – Jordan සහ Soorty Textiles – Bangladesh” LT Karle India යන ව්‍යාපෘතින් මේ අතර වෙති. නොයෙල් ජෝශප් මහතා NJ Consultants සහ CAD Team යන සමාගම්වල කළමණාකාර අධ්‍යක්ෂවරයා ලෙසද කටයුතු කරයි.
රාජ්‍ය ඉංජිනේරු සංස්ථාව, සංවර්ධන උපදේශක ලංකා පුද්ගලික සමාගම, සෞදි අරාබියේ සහ Safari Company Ltd සහ බෘනායි හි Baharudden P.M.S. Associates වැනි සංවිධානවල උසස් තනතුරු හෙබවීමෙන් ලද අත්දැකීම් තුළින් පෘථුල හා ශක්තිමත් වෘත්තීමය නිපුණතාවක් ළ`ගා කර ගැනීමට ඔහු සමත් වී ඇත.
මෙම නව පත්කිරීමත් සමගම Prime Lands Residencies PLC හි අධ්‍යක්ෂ මණ්ඩල සමාජිකයින් ලෙස පේ‍්‍රමලාල් බ‍්‍රාහ්මණගේ (සභාපති), සඳමිණී පෙරේරා (සම සභාපතිනී), මංජුල වීරක්කොඩි (කළමනාකාර අධ්‍යක්ෂ), නලින්ද හීනටිගල, ශෙහානා බ‍්‍රාහ්මණගේ, දීපාල් සූරියාරච්චි, ධම්මික කලපුගේ, මහින්ද පෙරේරා, සංජය බණ්ඩාර සහ නොයෙල් ජෝශප් යන මහත්ම මහත්මීන් කටයුතු කරති.
The post නොයෙල් ජෝශප් Prime Lands Residencies PLC අධ්‍යක්ෂ මණ්ඩලයට appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka