නව සන්ධිස්ථානයක් සනිටුහන් කරමින් BYD සමාගම මිලියන 7ත් වෙනි නව බලශක්ති මෝටර් රථය නිෂ්පාදනය කරයි

ලොව ප‍්‍රමුඛතම නව බලශක්ති වාහන සහ බැටරි නිෂ්පාදකයා වන ඊශෘල චීනයේ පිහිටි සිය Jinan කර්මාන්ත ශාලාවේදී මිලියන 7ත් වෙනි නව බලශක්ති මෝටර් රථය (New Energy Vehicles/NEV) වන DENZA N7 නිෂ්පාදනය කරමින් ඓතිහාසික සන්ධිස්ථානයක් සනිටුහන් කළේය.

2021 මැයි මාසයේදී BYD මිලියන 1ක් වන NEV රථය නිෂ්පාදනය කළ අතර මාස 18ක් ඇතුළත මෙම අගය තුන් ගුණයකින් වැඩි කරමින් තවත් මාස 9ක් තුළ NEV නිෂ්පාදන මිලියන 5 ඉක්මවා ගියේය. මෙම සන්ධිස්ථානයෙන් මාස 7කට පසුව BYD සිය වේගවත් ප‍්‍රගතිය සමාගමේ නිෂ්පාදනය හා විකුණුම්වල ද විශිෂ්ටත්වය පෙන්නුම් කරමින් මිලියන 7ත් වෙනි NEV නිෂ්පාදනය වෙත ළඟා වීම විශේෂයෙන් කැපී පෙනේ. 2023 වසරේදී BYD හි වාර්ෂික NEV අලෙවිය මිලියන 3.02 ක් දක්වා ඉහල ගිය අතර එය ගෝලීය නව බලශක්ති මෝටර් රථ (NEV) අලෙවියේ ප‍්‍රමුඛයා බවට BYD පත් කරමින් 2023 වසර අති සාර්ථකව අවසන් කිරීමට සමාගමට හැකි විය. විවිධ පරාසයකින් එන BYD හි විවිධ මාදිලි ඔවුන්ගේ විශේෂිත කාණ්ඩවල අලෙවිය අනුව ඉහළින්ම ශ්‍රේණිගතව ඇත.

2023 වසරේදී BYD සමාගම ජාත්‍යන්තර වෙළඳපල තුළ සිය පැවැත්ම තහවුරු කරමින් මෝටර් රථ 240,000 කට අධික සංඛ්‍යාවක් අලෙවි කළේය. එය 2022 වසරට සාපේක්ෂව 337% ක කැපී පෙනෙන වර්ධනයක් වාර්තා කරමින් BYD 2023 වසරේ චීනයේ ප‍්‍රමුඛතම NEV අපනයන සමාගම බවට පත් විය. මේ වන විට BYD හි නව බලශක්ති වාහන (NEV) ලොව පුරා කලාප හා රටවල් 64 ක ක‍්‍රියාත්මක වේ. මීට අමතරව සමාගම තායිලන්තය, බ‍්‍රසීලය, උස්බෙකිස්තානය සහ හංගේරියාව යන රටවල නිෂ්පාදන පහසුකම් සඳහා ආයෝජන සිදු කර ඇත. මෙම වසරේදී BYD 2024 UEFA යුරෝපීය පාපන්දු ශූරතාවලියෙහි නිල හවුල්කරු ලෙස කටයුතු කරමින් සිය නව බලශක්ති වාහන ලොව පුරා ප‍්‍රචලිත කිරීමට අපේක්ෂා කරයි.

ලොව පුරා සිටින පාරිභෝගික ජනතාවට අඛණ්ඩව උසස්, පරිසර හිතකාමී මෝටර් රථ හඳුන්වා දෙමින් ජාත්‍යන්තර වෙළඳපල තුළ සිය නිෂ්පාදන, තාක්ෂණයන් සහ සන්නාමයේ පැවැත්ම සඳහා උපායමාර්ග පුළුල් කිරීමට සහ ශක්තිමත් කිරීමට BYD කැපවී සිටී.

BYD විසින් මෙම කැපී පෙනෙන සන්ධිස්ථානය අත් කර ගනු ලබන්නේ ඔවුන් මෑතකදී ශ‍්‍රී ලංකාව තුළ පුළුල් පරාසයක උසස්, පරිසර හිතකාමී NEV මාදිලි හඳුන්වා දීමට මෙරට විශාලතම ලැයිස්තුගත සමාගම් සමූහය වන John Keells Holdings PLC (JKH) සමඟ හවුල්කාරීත්වයක් ඇති කර ගත් පසුබිමක වීම විශේෂත්වයකි.

බැටරි නිෂ්පාදකයෙකු ලෙස 1995 දී ආරම්භ කරන ලද බහුජාතික අධි-තාක්ෂණික සමාගමක් වන BYD, මෝටර් රථ, දුම්රිය ප‍්‍රවාහනය, නව බලශක්තිය සහ ඉලෙක්ට්‍රොනික උපකරණ ආවරණය කරන පුළුල් විවිධාංගීකරණය වූ ව්‍යාපාරයක් බවට පරිවර්තනය වී ඇත. චීනය, එක්සත් ජනපදය, කැනඩාව, ජපානය, බ‍්‍රසීලය, හංගේරියාව සහ ඉන්දියාව ඇතුළුව ලොව පුරා කාර්මික උද්‍යාන 30 කට අධික සංඛ්‍යාවක ක‍්‍රියාත්මක වන BYD තාක්ෂණික නවෝත්පාදනයන් පුද්ගලයින්ගේ ජීවිත වැඩිදියුණු කිරීම උදෙසා භාවිතා කිරීමට කැපවී සිටී. ශුන්‍ය කාබන් විමෝචන බලශක්ති විසඳුම් සඳහා විශේෂිත වූ BYD හි නව බලශක්ති වාහන මහාද්වීප 6 ක, රටවල් 70 කට වැඩි සංඛ්‍යාවක සහ නගර 400 කට වඩා වැඩි සංඛ්‍යාවක ක‍්‍රියාක්මක වේ. ෆෝචූන් ග්ලෝබල් 500 සමාගමක් ලෙස හොංකොං සහ ෂෙන්සෙන් කොටස් වෙළඳපොලවල ලැයිස්තුගත කර ඇති BYD හරිත ලෝකයක් කරා යන ගමනේදී කැපවීමෙන් කටයුතු කරයි. වැඩි විස්තර සඳහා www.bydglobal.com වෙත පිවිසෙන්න.

2003 දී ආරම්භ කරන ලද, BYD Auto යනු බහුජාතික අධි-තාක්ෂණික සමාගමක් වන BYD හි මෝටර් රථ අංශය වන අතර තාක්ෂණික නවෝත්පාදනයන් පුද්ගලයින්ගේ ජීවිත වැඩිදියුණු කිරීම උදෙසා භාවිතා කිරීමට කැපවී සිටී. BYD Auto සම්පුර්ණයෙන්ම විද්‍යුත් සහ plug-in hybrid වාහන නිර්මාණය කිරීම කෙරෙහි අවධානය යොමු කරමින් පරිසර හිතකාමී ප‍්‍රවාහනය වෙත පරිවර්තනය වීමට ක‍්‍රියා කරයි. බැටරි සහ විදුලි මෝටර වැනි නව බලශක්ති වාහන සඳහා ප‍්‍රධාන තාක්ෂණයන් ප‍්‍රගුණ කරමින් BYD Auto, Blade Battery සහ DM-i Super Hybrid Technology වැනි දියුණු තාක්ෂණ ක‍්‍රම හඳුන්වා දී ඇත. විද්‍යුත් වාහන වෙත මාරුවීමේ පුරෝගාමියා ලෙස BYD Auto, ෆොසිල ඉන්ධන වාහන නිෂ්පාදනය ප‍්‍රථමයෙන් නතර කළ සමාගම වූ අතර අඛණ්ඩව වසර 11 ක් චීනයේ නව බලශක්ති මගී වාහන අලෙවියෙහි ප‍්‍රමුඛ ස්ථානය හිමි කර ගෙන ඇත.

 

The post නව සන්ධිස්ථානයක් සනිටුහන් කරමින් BYD සමාගම මිලියන 7ත් වෙනි නව බලශක්ති මෝටර් රථය නිෂ්පාදනය කරයි appeared first on Adaderana Biz Sinhala | Sri Lanka Business News.