සෙරන්ඩිබ් හි තත්ත්ව පාලන අංශයේ ප්‍රධානී හේමානි ගුණතිලක මහත්මිය සේවයට එක්වන විට කළමනාකාරීත්ව මට්ටමේ සිටි එකම නිලධාරිනිය ඇය වූ අතර මේ වන විට ඇය දක්ෂ කණ්ඩායමක ප්‍රධානියා ලෙස සෙරන්ඩිබ් නිෂ්පාදනවල ගුණාත්මක බව උසස් මට්ටමක පවත්වා ගැනීම උදෙසා කටයුතු කරමින් සිටියි. රාජකාරියේ වගකීම් නිසි ලෙස සර්ව සම්පුර්ණ කරන ඇය, තම රාජකාරිවල සහ ජීවිතයේ වගකීම් ඉතා සාර්ථක ලෙස සහ සමබරව සිදුකරන කාන්තාවකි.
හේමානි මහත්මිය ගේ කැපවීම සහ කණ්ඩායමක් සමඟ වැඩකිරීමේ හැකියාව ඇයව ඉහළට ඔසවා තබා ඇත. අධිෂ්ඨානය සහ කැපවීමෙන් කටයුතු කරන ඇය අලුයම 4.30ට අවදි වී තම ගෙදරදොර වැඩ අවසන් කර සේවයට පැමිණ, රාත්‍රී 8.30ට සේවය නිමවා ආපසු නිවස බලා පිටත් වේ. “කණ්ඩායම් හැඟීම සහ අභියෝග ජයගෙන ඉදිරියට යන්න මට තියන හැකියාව මගේ ජීවිතයට විශාල අස්වැසිල්ලක්” යැයි හේමානි මහත්මිය පවසයි.
මෙහෙයුම් සහ ගබඩා අංශයේ එකම කාන්තා නියෝජනය වන සහකාර කළමනාකාරිනි නදීෂා රුවන්ති මහත්මිය, සාම්ප්‍රදායික පුරුෂාධිපති වපසරියක් තුළ වෘත්තීය අභියෝග සාර්ථකව ජයගනිමින් තම රාජකාරි සිදුකරන ධෛර්යවන්ත කාන්තාවකි. දේශය පෝෂණය කිරීමේ අරමුණත් සමඟ ඉදිරියට යන සෙරන්ඩිබ් ෆ්ලා මිල්ස් හි සේවය කරන සියලුම කාන්තා සේවිකාවන්ට ඇය වටිනා ආදර්ශයක් සපයයි.
රාජකාරියේදී ඇයගේ කැපවීම, ආත්ම විශ්වාසය සහ ශක්තිය, ඇයගේ කණ්ඩායම දිනෙන් දින සාර්ථකත්වය කරා රැගෙනයාමට සමත් වී තිබේ. “කාන්තාවන් ලෙස දේශය පෝෂණය කිරීමට අප කැපවී සිටිනවා” යැයි ඇය වැඩිදුරටත් ප්‍රකාශ කරන ලදී.
නිෂ්පාදන අංශයේ මිශ්‍ර කිරීමේ නිලධාරිනියක් ලෙස සේවය කරන රීටා ප්‍රියන්ති මහත්මිය, සෙරන්ඩිබ් ෆ්ලා මිල්ස් හි වසර 13ක සේවා කාලයක් සම්පූර්ණ කර ඇති කැපවීමෙන් සහ උනන්දුවෙන් සේවය කරන දිරිමත් කාන්තාවකි. ඇය සේවය කරන අංශයේ සිටින 150ක් පමණ වූ සේවකයින් අතර ඇය එකම නිලධාරිනිය ලෙස කටයුතු කරයි.
තම දියණිය සමඟ දිරියෙන් ජීවත්වන ඇය, තම දියණියට ඉතා හොඳ මට්ටමේ අධ්‍යාපනයක් ලබාදීමට මෙන්ම, තම පවුලේ සියලු දේ සොයා බලා නිවැරදිව ඉටු කිරීමට, කැපවීමෙන් සහ උත්සාහයෙන් කටයුතු කරයි. “මගේ මේ රැකියාව නිසා දුවට ඉතා හොඳ මට්ටමේ අධ්‍යාපනයක් දෙන්න මට පුළුවන් වුනා. මගේ දුව ජීවිතය ජයගන්නවා දැකීම තමයි මගේ එකම සිහිනය” යනුවෙන් තම දියණියගේ අනාගතය වෙනුවෙන් කැපවී සිටින රීටා ප්‍රියන්ති මහත්මිය පවසයි.
මූල්‍ය අංශයේ තොරතුරු විශ්ලේෂක නිපුනි ප්‍රියදර්ශනී මහත්මිය පවසන්නේ, රැකියා පීඩනය සහ පුද්ගලික වගකීම් කළමනාකරණය කිරීමේදී සේවිකාවන්ගේ දරාගැනීමේ හැකියාව සහ ශක්තිය ඉතාමත් ඉහළ මට්ටමක ඇති බවයි. ව්‍යාපාරවලට සහයවන ප්‍රධාන අංශයක් වන මූල්‍ය කළමනාකරණය වැනි අංශවල සේවය කිරීමේදී කාන්තාවන් සතු සුවිශේෂී බහුකාර්ය හැකියාවන් ඉතාමත් තීරණාත්මක බව අවිවාදිත කරුණකි.
නිපුනි මහත්මිය පවුල වෙනුවෙන් කරන කැපවීම සහ තම පියාගේ අසනීප අවස්ථාවේ දී ඇය කටයුතු කළ ආකාරය මඟින් පෙනී යන්නේ සමාජ වගකීම් හඳුනාගෙන සමාජයේ යහපත උදෙසා කැපවීමෙන් යුතුව කාන්තාවන් කටයුතු කරන ආකාරයයි. “අපේ වගකීම්වල පීඩනය ටිකෙන් ටික වැඩි වුනත් අපිට ඒ දේවල් හොඳින් දරාගෙන සාර්ථකව වැඩ කරන්න පුළුවන්. ඒ වගේ තත්ත්වයක් යටතේ වුනත් ගුණාත්මක නිෂ්පාදනවලින් සමාජය පෝෂණය කරන්න පුළුවන් වීම ගැන අපිට ආඩම්බර වෙන්නත් පුළුවන්” යනුවෙන් නිපුනි මහත්මිය ප්‍රකාශ කරන ලදී.
සෙරන්ඩිබ් ෆ්ලා මිල්ස් හි සෑම අංශයකම සිටින සේවිකාවන්ගේ දැඩි උත්සාහය, හැකියාව, කැපවීම සහ ශක්තීන් වෙනුවෙන් සෙරන්ඩිබ් ආයතනය ගෞරවය පුදකර සිටියි. ශ්‍රී ලංකාව පුරා පැතිරී සිටින කාන්තාවන් තමන්ගේ භූමිකාව වඩාත් හොඳින් සිදුකරමින්, කර්මාන්තවල කොඳු නාරටිය ලෙස ද කටයුතු කරමින් ඉතාමත් ආදර්ශමත් ලෙස තම මෙහෙවර ඉටුකරන ආකාරය පෙනී යයි.
සෑම අංශයකම සේවය කරන සේවිකාවන්ගේ කැපවීම සහ ශක්තිය වෙනුවෙන් සෙරන්ඩිබ් ෆ්ලා මිල්ස් ආචාරය පුදකර සිටින අතර කර්මාන්තයක කොඳු නාරටිය බඳු කාන්තාවන්, ශ්‍රී ලංකාව පුරා විහිදී සිටින ජන කොට්ඨාශවලට නිර්මාණාත්මක අදහස් සහ මුඛ්‍ය පරමාර්ථ හුවා දක්වයි.
The post දේශය පෝෂණය කරන සෙරන්ඩිබ් ෆ්ලා මිල්ස් තම සේවිකාවන්ට ගෞරවය පුදකළ වගයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka