S&P SL 20 දර්ශකය ද ඒකක 46.37 කින් දිනය තුළ දී පහළ යන ලදී.
මේ අනුව දිනයේ ගනුදෙනු අවසානයේ දී සියලු කොටස් මිල දර්ශක අගය ඒකක 8,638.92 ක් ලෙසත්, S&P SL 20 දර්ශකය ඒකක 2,648.99 ක් ලෙසත් වාර්තා විය.
අද දින ගනුදෙනු පිරිවැටුම රු. බිලියන 2.25 කි.
ඊයේ (13) දිනයේ දී සියලු කොටස් මිල දර්ශකය ඒකක 147.76කින් පහළ ගොස් තිබුණි.
අද දින ගනුදෙනු අවසානයෙ දී සමස්ත වෙළෙඳපොළ ප්‍රාග්ධනීකරණය රු. බිලියන 3,830.35 ක් ලෙසින් සටහන් විය. පසුගිය සිකුරාදා (10) දිනය අවසානයේ දී මෙම අගය වාර්තා වූයේ රු. බිලියන 3,969.86 ක් ලෙසිනි.
මේ අනුව ඊයේ සහ අද දෙදින තුළ දී පමණක් කොටස් වෙළෙඳපොළ ප්‍රාග්ධනීකරණය රු. බිලියන 139.50 කින් අඩු වී ඇත.
එනම් දින දෙකක් තුළ දී රු. කෝටි 13,950 ක් කොටස් වෙළෙඳපොළට අහිමි වී ඇති බවයි.
අද දින සමාගම් 158 ක් කොටස් මිල ගණන් පහළ ගොස් තිබුණි. එහිදී කොමර්ෂල් බැංකුව, සොෆ්ට්ලොජික් ලයිෆ් ඉන්ෂුවරන්ස්, ලංකා IOC, NDB සහ හේලීස් යන සමාගම්වල කොටස් මිල පහළ යාම් සියලු කොටස් මිල දර්ශකයේ කඩාවැටීමට බෙහෙවින් බලපාන ලදී.
The post දින දෙකක දී රු. කෝටි 13,950ක් කොටස් වෙළෙඳපොළට අහිමි වෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka